| e-texts navigator |
| Wylie |
8a1 ཆེན་པོ་བགོས་པ་བསླབ་པ་རྣམས་ལ་བརྟུལ་ཞུགས་བརྟན་པ་དང་། དེ་བཞིན་དུ་ཡོན་ཏན་དུ་མ་དང་ལྡན་པ་དང་བུ་གཅིག་པ་ལ་བྱ་བ་བཞིན་དུ་སེམས་ཅན་ཐམས་ཅད་ལ་སྙིང་རྗེ་དང་ལྡན་པ་ཤ་སྟག་སྟེ། དེ
8a2 དག་ཀྱང་ཉི་མ་འཆར་ཀར་ཤིན་ཏུ་རིངས་པར་གཅིག་ལ་གཅིག་འཇུས་ཏེ། དེ་བཞིན་གཤེགས་པའི་གདུང་ཞུགས་ལ་བཞེན་པའི་ཕྱིར། ཡམ་སྲེག་ཤིང་དགེ་བསྙེན་པ་རྣམས་ཀྱི་ཉིས་འགྱུར་ཁྱེར་བ་ལས་བཅོམ་ལྡན
8a3 འདས་ཀྱིས་ཞལ་ཟས་མ་བཞེས་ནས་བུ་ཤི་བ་བཞིན་དུ་མཆོག་ཏུ་སྡུག་བསྔལ་བར་གྱུར་ཏེ། རུས་ནས་ལངས་ཏེ་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ལི་ཙ་བྱི་གཞོན་ནུ་གཙང་མ་དྲི་མ་མེད་པའི་སྙིང་པོ
8a4 ལ་སོགས་པ་ཡངས་པ་ཅན་ན་གནས་པའི་ལི་ཙ་བྱི་གཞོན་ནུ་གྲོང་ཁྱེར་གྱི་ནང་ན་གནས་པ་དང་། ཕྱི་རོལ་ན་གནས་པ་དང་བཅས་པ་རྣམས་དང་། འཛམ་བུའི་གླིང་ན་གནས་པའི་རྒྱལ་ཕྲན་བློན་པོ་དང་བཅས་པ་གང
8a5 གཱའི་ཀླུང་བཞིའི་བྱེ་མ་སྙེད་ཐམས་ཅད་ཀྱང་དམ་པའི་ཆོས་བསྲུང་བ་ལ་མཁས་པ་ཚུལ་ཁྲིམས་དང་ཆོ་ག་དང་ཡོན་ཏན་དང་ལྡན་པ། དམ་པའི་ཆོས་སུན་འབྱིན་ཅིང་རྟགས་ཅན་འཆལ་པ་རྣམས་ཀྱི་སེར་བ་ལྟ་བུར་གྱུར།
8a6 པ་ཤ་སྟག་ལ་དེ་དག་ཐམས་ཅད་ཀྱང་འདི་ལྟ་བུར་འདོད་དེ། བདག་ཅག་གི་ནོར་དང་འབྲུའི་ཚོགས་དང་མཛོད་དང་བང་པའི་ཚོགས་གང་ཡིན་པ་དེ་དག་ཐམས་ཅད་ནི་བདུད་རྩི་མི་ཟད་པར་བྱ་བ་དང་བདུད་རྩི་གནས་པར
8a7 བྱ་བའི་ཕྱིར་ཡིན་གྱིས། བདག་ཅག་གིས་དམ་པའི་ཆོས་ལ་ནན་ཏན་བྱའོ།། དམ་པའི་ཆོས་ལ་སུན་འབྱིན་ཅིང་ལོག་པར་ལྟ་བ་རྣམས་ཀྱི་ལྟེ་བཅད་པར་བྱའོ་ཞེས་ལེགས་པར་དམ་བཅས་པ་ཚུལ་ཁྲིམས་འཆལ་པ
8a8 ཚུལ་ཁྲིམས་ལ་མི་གནས་པ་རྣམས་ནི་གོས་དཀར་པོ་གྱོན་དུ་བཅུག་སྟེ། ཁྱིམ་པའི་ལས་བྱེད་དུ་གཞུག་གོ་སྙམ་དུ་སེམས་བརྟུལ་པ། དམ་པའི་ཆོས་སྡུག་པ་ལ་ནི་བླ་མ་བཞིན་དུ་རིམ་གྲོ་བྱའོ་སྙམ་དུ་དམ་བཅས་པ
iiif viewer powered by OpenSeadragon
