| e-texts navigator |
| Wylie |
7b1 དང་ཝ་དང་བྱ་རྒོད་དང་བྱ་རོག་རྣམས་ཀྱི་ཟས་ཡིན་ན་སུ་ཞིག་འདི་ལྟ་བུ་འཆང་བ་ལ་དགའ་བར་བྱེད། རྒྱ་མཚོའི་ཆུ་ཐམས་ཅད་སྐྲའི་རྩེ་མོས་བླངས་ཏེ། བ་ལང་གི་རྨིག་རྗེས་སུ་བླུགས་པར་ནི་ནུས་སྲིད་ཀྱི། ལུས་ནད་བཞི་རྒྱ་རྩ
7b2 བཞིས་གཟིར་བ་འདི་སྙིང་པོ་མེད་པ་འམ་མི་གཙང་བ་ནི་ཚིག་ཙམ་གྱིས་བརྟན་པར་མི་ནུས་སོ། ། ས་ཆེན་པོ་འདི་རྒྱ་ཤུག་གི་འབྲས་བུའི་རུས་པའི་འབྲུ་ཙམ་ཤ་སྟག་དུ་བྱས་པའམ་ཡུངས་འབྲུ་ཙམ་འམ་རྡུ་ལ་ཕྲ་རབ་ཀྱི
7b3 རྡུལ་ཙམ་ཤ་སྟག་དུ་བྱས་པས་ནི་ཟད་པར་འགྱུར་ཡང་སྲིད་ཀྱི། ལུས་འདི་ཡོད་ཀྱི་བར་དུ་འདིའི་ཉེས་དམིགས་ནི་མཐར་ཐུག་པར་མི་འགྱུར་ཏེ། དེ་བས་ན་དམ་པའི་ཆོས་བསྲུང་བའི་ཕྱིར་འདི་མཆིལ་མ་བཞིན་དུ་དོར་བར།།
7b4 བྱའོ་སྙམ་སྟེ། འདི་ལྟར་དགེ་བསྙེན་མ་དེ་དག་ཐམས་ཅད་ཆེན་པོ་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པ་བསྒོམས་པ་སེམས་བསྒོམས་པ་ཤ་སྟག་སྟེ། འདི་ལྟ་སྟེ་དགེ་བསྙེན་མ་འཚོ་བའི་དཔལ་ཞེས་བྱ་བ་དང
7b5 དགེ་བསྙེན་མ་དཔལ་ཕྲེང་ཞེས་བྱ་བ་དང་། དགེ་བསྙེན་མ་ས་ག་ཞེས་བྱ་བ་དང་། དེ་ལ་སོགས་པ་ཐམས་ཅད་ཀྱང་ཐེག་པ་ཆེན་པོ་ཐོས་པར་འདོད་ལ། ཐོས་ནས་ཀྱང་གཞན་དག་ལ་བསྟན་པར་བྱའོ་སྙམ་དུ་དམ་བཅས་པ།
7b6 བསྲུང་བསྐུར་ལེན་པ་བུད་མེད་ཀྱི་ལུས་ངན་ནོ་སྙམ་དུ་སྨོད་པ་དང་ལུས་སྙིང་པོ་མེད་དོ་སྙམ་དུ་སྨོད་པ་སོ་སོ་ནས་ཤས་ཆེར་སྒོམ་པ་དང་། འཁོར་བའི་འཁོར་ལོག་ཞིག་གོ་སྙམ་དུ་སེམས་པ་ཤ་སྟག་དང་། ཐེག་པ་ཆེན་པོས
7b7 སྐོམ་ལ་ངོམས་ནས་ཀྱང་གཞན་སྐོམ་པ་དག་ངོམས་པར་བྱའོ་སྙམ་དུ་དམ་བཅས་པ་ཤ་སྟག་དང་། ཐེག་པ་ཆེན་པོ་ལ་སྲེད་པ་ཐེག་པ་ཆེན་པོ་ལ་སེར་སྣ་མེད་པ། འཇིག་རྟེན་ཐམས་ཅད་དང་འཐུན་པར་སློབ་པར་འདོད་པ
7b8 དང་། གྲོལ་ནས་གཞན་དགྲོལ་བར་བྱའོ།། རྒལ་ནས་གཞན་བསྒྲལ་བར་བྱའོ།། དཀོན་མཆོག་གསུམ་གྱི་གདུང་མ་འཆད་པར་བྱའོ།། ཆོས་ཀྱི་འཁོར་ལོ་བསྐོར་བར་བྱའོ་སྙམ་དུ་སློབ་པར་འདོད་པ་ཤ་སྟག་དང་། གོ་ཆ
iiif viewer powered by OpenSeadragon
