| e-texts navigator |
| Wylie |
5a1 མང་པོ་རེ་རེ་ཞིང་ཡང་གསེར་ཐགས་ཀྱི་མཆོག་རྣམ་པར་དག་པ། ཡུལ་མང་པོར་གྲགས་པ་དག་གིས་སྤེལ་བ་ཤ་སྟག་གོ།། དེ་ལ་ཡམ་སྲེག་ཤིང་སཱ་རེ་ཞིང་ཡང་སྤོས་དྲི་བསུང་ཞིམ་པོ་དང་མེ་ཏོག་ཕྲེང་དང་གུང་།
5a2 གྲམ་གྱི་ཕྱེ་མ་དང་ལྡན་པར་བྱས་པ། གསེར་ཐགས་ཀྱིས་གཡོགས་པ་དང་སྣས་བརྒྱན་པ་རིན་པོ་ཆེ་སྣ་བདུན་གྱི་ཤུགས་སྔོན་པོ་དང་སེར་པོ་དང་སྔོ་སྐྱ་དང་དཀར་པོ་དང་བཙོད་ཀ་ལྟ་བུ་དག་གི་ནང་དུ་བཅུག་པ། ཡུལ་ཀ་ལིང
5a3 ཀའི་རས་དང་ཟར་མའི་རས་དང་ཟབ་དར་དང་། རྒྱ་དར་གྱི་མཆོག་རྣམས་ཀྱིས་དཀྲིས་པ། མེ་ཏོག་མང་པོས་བརྒྱན་པ་བྱུག་པ་དྲི་བསུང་ཞིམ་པོ་དག་གིས་བྱུགས་པ་ཤ་སྟག་གོ།། ཡམ་སྲེག་ཤིང་སྣ་རེའི་ཤིང་རྟ་རེ་རེ་ཞིང་ཡང
5a4 རིན་པོ་ཆེ་སྣ་བདུན་གྱིས་བརྒྱན་པ་གསེར་གྱིས་མཛེས་པར་བྱས་པ་ཁ་ཅིག། ཁ་ཅིག་དུ་སྔོན་པོ་དང་དཀར་པོ་དང་བབ་ལའི་ཁ་དོག་དང་ལི་ཁྲིའི་ཁ་དོག་པས་ལྷག་པའི་འོད་གསལ་བ་དང་ལྡན་པ་ཤ་སྟག་གོ། ཤིང་རྟ་དེ་དག་གི
5a5 གཉའ་ཤིང་རྣམས་ཀྱང་རིན་པོ་ཆེ་སྣ་བདུན་གྱིས་བརྒྱན་པ། དཔེ་མེད་པ་རྟ་ཅང་ཤེས་མགྱོགས་པ་དག་དང་སྦྱར་བ་ཤ་སྟག་གོ།། རྟ་དེ་དག་ཀྱང་རླུང་གི་ཤུགས་པས་མགྱོགས་པ། སྤུ་ཁ་ཆུ་སྦྱར་གྱི་མདོག་དང་ལྡོང་རོས་ཀྱི་མདོག
5a6 དང་སྤྲིན་གྱི་མདོག་ཅན་ཤ་སྟག་སྟེ། ཐབས་དེ་འདྲ་བའི་ཤིང་རྟ་རེ་རེའི་མདུན་ལོགས་དང་རྒྱབ་ལོགས་སུ་རྒྱལ་མཚན་དང་བ་དན་བསྒྲེང་སྟེ། རྒྱལ་མཚན་ཐམས་ཅད་ཀྱང་རིན་པོ་ཆེ་ལས་བྱས་པ་གསེར་གྱི་དྲ་བས་གཡོགས་པ་ཤ
5a7 སྟག་གོ། རྒྱལ་མཚན་གྱི་མདུན་ལོགས་སུ་ཡང་གདུགས་རྩིབས་དང་རྩ་བ་ནོར་བུ་དྲི་མ་མེད་པ་འོད་ཅན་ལས་བྱས་པ་མུ་ཏིག་གི་ཆུན་པོ་སྦྱངས་པ་ཤ་སྟག་ཁྱེར་རོ།། གདུགས་རེ་རེའི་མདུན་ལོགས་སུ་ཡང་གསེར་གྱི་མེ་ཏོག
5a8 ཀུམུད་དང་ཨུད་པ་ལ་དང་པད་མ་དཀར་པོ་སྡོང་བུ་བཻ་དཱུརྱ་ལས་བྱས་པ། ཟེ་བ་རྡོ་རྗེ་ལས་བྱས་པ་བུང་པ་མང་པོ་སྐད་འབྱིན་པ་དྲི་བསུང་ཞིམ་པོ་དང་ལྡན་པ་ཡིད་དུ་འོང་བ་འོད་དང་ལྡན་པ་ཆེ་བ་མང་བ་ཤ་སྟག་དང་ལྡ་ལྡི་ཆེན་པོ
iiif viewer powered by OpenSeadragon
