| e-texts navigator |
| Wylie |
55a1 ངས་རིམ་གྱིས་བསླབ་པའི་གཞི་བཟླས་པའི་ཕྱིར་དེ་དངས་བོར་རོ། ། གསོལ་པ། བཅོམ་ལྡན་འདས་ཅི་ལས་དགོངས་ཏེ་དོན་ཆེད་ཀྱི་མུ་དགུ་དང་། ཤ་རྣམ་པ་བཅུ་སྤང་བ་བཀའ་སྩལ་ལགས། བཀའ་སྩལ་པ། ཚིག
55a2 བཞག་པ་དེ་དག་ཀྱང་ཤ་མི་བཟའ་བར་བསྡམ་པའི་ཕྱིར་བཅད་དོ། ། གསོལ་པ། བཅོམ་ལྡན་འདས་ཅི་ལས་དགོངས་ཏེ་ཤ་དང་ཉ་ཤ་བཟའ་བ་ཡང་ཁ་ཟས་བཟང་པོར་གསུངས་ལགས། བཀའ་སྩལ་པ། ངས་ནི་ཤ་དང་ཉ་ཤཁ
55a3 ཟས་བཟང་པོར་མ་གསུངས་ཀྱི། ངས་ནི་བུ་རམ་ཤིང་དང་། འབྲས་སཱ་ལུ་དང་། འབྲུ་དང་། གྲོ་དང་། ནས་དང་། སྲན་སྡེའུ་དང་། སྲན་དྲེའུ་རྣམས་དང་། མདར་བག་ཁ་ར་དང་། ལི་ཁ་ར་དང་། སྦྲང་རྩི་དང་། མར་དང་། འོ་མ་དང་། འབྲུ
55a4 མར་རྣམས་ཁ་ཟས་བཟང་པོར་གསུངས་སོ། ། ངས་ནི་ལུས་གཡོག་པའི་ཕྱིར་གོས་སྣ་ཚོགས་ཀྱང་ཁ་དོག་ངན་པར་བསྒྱུར་བར་བྱའོ་ཞེས་བསྟན་ན་ཤ་བཟའ་བའི་རོ་ལ་ཆགས་པ་ལྟ་ཅི་སྨོས། གསོལ་བ། དེ་ལྟ་ན་ནི་བའི
55a5 བཅུད་རྣམ་ལྔ་དང་། ཏིལ་དང་། འབྲུ་མར་ཤིང་གི་ཁུ་བ་དང་། དུང་དང་། ཟ་བ་དར་ལ་སོགས་པ་ཡང་ཁྲིམས་སུ་བཅའ་བོའི་རིགས་ལགས་སོ།། བཀའ་སྩལ་པ། གཅེར་བུ་པའི་ལྟ་བ་མ་འཛིན་ཅིག། ད་ནི་འདུ་ཤེས་གཞན
55a6 གྱིས་དཁྱོད་ལ་བསླབ་པའི་གཞི་བཅའ་བར་བྱ་སྟེ། མུ་གསུམ་གྱི་ཤ་ཡང་མི་བཟའ་བར་བསྡམས་སོ།། དོན་ཆེད་དུ་བྱས་པ་ཁྱོད་ཀྱིས་རིག་པ་དེ་ཡང་བསྡམས་སོ།། ཤ་རྣམ་པ་བཅུ་ལ་མ་གཏོགས་པ་དེ་ཡང་སྤངས་སོ།།
55a7 ཤི་བའི་ཤ་ཡང་སྤངས་སོ།། ཤ་ཟ་བ་ནི་འགྲོ་ཡང་རུང་འདུག་ཀྱང་རུང་སྟེ། སྲོག་ཆགས་ཐམས་ཅད་དེའི་དྲི་ཚོར་ནས་ངེས་འཇིགས་ཏེ། དཔེར་ན་མིས་ཤིང་ཀུན་ནམ་སྒོག་པ་ཟོས་ན་མིའོ་ཅོག་གི་སེམས་མ་དད་པར་འགྱུར
55a8 ཞིང་མི་མཐུན་པར་འགྱུར་ལ་མི་མང་པོ་ཚོགས་པ་འམ། སྐྱེ་བོ་མང་པོས་གང་བའི་ནང་དུ་སེམས་ཅན་དེ་དག་གིས་ཆེ་གེ་མོ་ཞིག་གིས་ཟོས་སོ་ཞེས་ཤེས་པ་དེ་བཞིན་དུ་སྲོག་ཆགས་ཐམས་ཅད་ཀྱིས་ཤ་ཟ་བའི་མི་ངོ་ཤེས
iiif viewer powered by OpenSeadragon
