| e-texts navigator |
| Wylie |
53a1 སྣ་ཚོགས་ཐོས་ན་འདི་ནི་བདུད་ཀྱིས་སྨྲས་པ་ཡིན་ནོ་ཞེས་གཞན་དག་ལ་ཟེར་ཞིང་། རང་བཟོའི་ཚིག་འབྲུ་སྣ་ཚོགས་རྣམས་ལ་དེ་བཞིན་གཤེགས་པས་གསུངས་པ་ཡིན་ནོ་ཞེས་བྱས་ནས་སངས་རྒྱས་ཅོམ
53a2 ལྡན་འདས་དང་ཆོས་དང་དགེ་སློང་གི་དགེ་འདུན་ནི་མི་རྟག་གོ་ཞེས་ཟེར་བ་པས་ནི་ཤིང་གི་ཕུང་པོ་འབར་བ་འདི་ལ་ཀུན་ནས་རེག་ཅིང་པང་དུ་སྤངས་ཀྱང་སླའོ། ། གང་དག་བདུད་ཀྱིས་སྨྲས་པའོ་ཞེས་ཟེར་བ་དང་། གང་དག་ཕྱིན
53a3 ཅི་ལོག་གི་ཆོས་དེ་འཛིན་པར་བྱེད་པ་དེ་དག་ནི་བརྫུན་དུ་སྨྲ་བའོ། ། དེ་བཞིན་གཤེགས་པ་མི་རྟག་གོ་ཞེས་བྱ་བའི་ཚིག་སྨྲ་བ་པས་ནི་ཤིང་གི་ཕུང་པོ་འབར་བ་འདི་ལ་ལྕེས་ཀུན་ནས་རེག་པར་བྱས་ཏེ་ཤི་ཡང་སྔའི་ཚིག་དེ་ནི་མཉན
53a4 པར་ཡང་མི་བྱའོ། ། དེ་བཞིན་གཤེགས་པ་རྟག་པའོ་ཞེས་འདོགས་མི་ནུས་པ་དེ་དག་ནི་མྱ་ངན་དུ་བྱ་བ་ཡིན་ནོ།། སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་པོ།། དེ་བཞིན་དུ་དེའི་རྗེས་སུ་བསྟན་པ་དང་ཉན་ཐོས
53a5 ཀྱི་དགེ་འདུན་ཡང་བསམ་གྱིས་མི་ཁྱབ་བོཔོ་སྙམ་དུ་གཟུང་བར་བྱའོ། ། དེ་ལ་སོགས་པ་ཤིང་གི་ཕུང་པོ་འབར་བ་ཞེས་བྱ་བ་མན་ཅད་ནི་རང་གི་ལྷག་པའི་བསམ་པ་ཞེས་བྱ་བའི་སྣ་གྲངས་སོ།། གཞན་གྱི་ལྷག་པའི་བསམ་པ་ཞེས
53a6 བྱ་བ་ནི་བཅོམ་ལྡན་འདས་ཆོས་སྟོན་ཅིང་བཞུགས་པ་ན་བུད་མེད་གཞོན་ནུ་གསར་དུ་བུ་བྱུང་བ་ལ་ལ་ཞིག་བཅོམ་ལྡན་འདས་ཀྱི་ཐད་དུ་འོངས་ནས་ཕྱོགས་གཅིག་ཏུ་འདུག་སྟེ་སེམས་ཤིང་འདུག་གོ། ། དེ་ནས་བཅོམ་ལྡན་འདྲ
53a7 ཀྱིས་དེའི་བསམ་པ་ཐུགས་སུ་ཆུད་ནས་ཆོས་སྟོན་པར་མཛད་དེ། དཔེར་ན་བུད་མེད་བུལ་བྱམས་པའི་ཐབས་མཁས་པས་ཇི་ཙམ་འཇུ་ནུས་པའི་དྲོད་ཤེས་ནས་རང་གི་འཛུབ་མོའི་ཐོར་ཏོས་བདག་གི་བུ་ཆུང་ངུ་མར་ལྡག་ཏུ
53a8 བཅུག་པ་བཞིན་ནོ་ཞེས་གསུངས་སོ། ། དེ་ནས་བུད་མེད་དེས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་འདས་ཀྱིས་ནི་བདག་གི་སེམས་ཀྱི་རྟོག་པ་ཐུགས་སུ་ཆུད་ནས་ལྷག་ཆད་མེད་པར་བཀའ་སྩལ་ཏེ། བདག་སློབ་ཏུ་སྩལ
iiif viewer powered by OpenSeadragon
