| e-texts navigator |
| Wylie |
52b1 ཏེ། དེ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། རིགས་ཀྱི་བུ་འམ། རིགས་ཀྱི་བུ་མོ་ཡོངས་སུ་མྱ་ངན་ལས་འདས་པ་ཆེན་པོ་འདིས་མྱ་ངན་ལས་འདའ་བར་འདོད་པས་ནི་དེ་བཞིན་གཤེགས་པ་དང་། ཆོ
52b2 དང་དགེ་འདུན་རྟག་གེ་ཞེས་བྱ་བ་ལ་བརྩོན་པར་བྱའོ། ། རིགས་ཀྱི་བུ་འམ། རིགས་ཀྱི་བུ་མོ་ཡོངས་སུ་མྱ་ངན་ལས་འདས་པ་ཆེན་པོའི་སྤྱད་པ་སྤྱོད་པར་འདོད་པས་ནི་དེ་བཞིན་གཤེགས་པ་རྟག་གོ་ཞེས་བྱ་བ་ལ་བརྩོན་པར
52b3 བྱའོ། ། གསོལ་པ། ཀྱེ་བ་བཅོམ་ལྡན་འདས་དེ་བཞིན་གཤེགས་པ་བསམ་གྱིས་མི་ཁྱབ་ལགས་སོ།། ཆོས་བསྟན་པ་བསམ་གྱིས་མི་ཁྱབ་ལགས་སོ།། དགེ་འདུན་ཡོན་ཏན་གྱི་ཚོགས་དང་ལྡན་པ་བསམ་གྱིས་མི་ཁྱབ
52b4 ལགས་སོ། ། དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་འདི་ཡང་བསམ་གྱིས་མི་ཁྱབ་ལགས་སོ།། འདི་ལ་གང་དག་བཀའ་བཞིན་དུ་བྱེད་པ་དེ་དག་ནི་ཡང་དག་པར་འཛིན་པའི་སེམས་ཅན་ལགས་སོ།།
52b5 དེ་དག་ནི་མཆོད་རྟེན་ལྟ་བུ་ལགས་སོ།། གཞན་ནི་མྱ་ངན་དུ་བགྱི་བ་ལགས། མི་ཤེས་པའི་དགོན་པ་ན་འཁོད་པ་ལགས་སོ།། མདོའི་མིང་གི་གཏན་ཚིགས་དང་ཡོན་ཏན་གྱི་ཚུལ་ཞེས་བྱ་སྟེ་ལའུ་གསུམ་པའོ།།
52b6 རིགས་ཀྱི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་མྱ་ངན་ལས་འདས་པ་ཆེན་པོའི་མདོ་ཆེན་པོ་ལས་ཆོས་ཀྱི་སྡེ་གྲངས་ནས་པ་བཞི་སྟོན་པར་བྱེད་དེདོ།། སྔ་གྲངས་རྣམ་པ་བཞི་གང་ཞེ་ན། རང་གི
52b7 ལྷག་པའི་བསམ་པ་ཞེས་བྱ་བ་དང་། གཞན་གྱི་ལྷག་པའི་བསམ་པ་ཞེས་བྱ་བ་དང་། འདྲི་བའི་དབང་ཞེས་བྱ་བ་དང་། དོན་གྱི་དམིགས་བྱུང་བའི་དབང་ཞེས་བྱ་བ་སྟེ་བཞི་པོ་ནི་དེ་དག་ཡིན་ནོ།། དེ་ལ་རང་གི་ལྷག་པའི་བསམ་པ
52b8 ཞེས་བྱ་བ་ནི་དེ་བཞིན་གཤེགས་པས་གང་ལ་གཟིགས་ནས་ཆོས་སྟོན་པར་མཛད་པ་སྟེ། དཔེར་ན་ཤིང་གི་ཕུང་པོ་འབར་ཞིང་སྣང་བར་གྱུར་པ་གཟིགས་ནས་དགེ་སློང་དག་གང་དག་དེ་བཞིན་གཤེགས་པ་ལས་གསང
iiif viewer powered by OpenSeadragon
