| e-texts navigator |
| Wylie |
50b1 པའི་གཞི་དེ་དང་དེ་དག་ཤེས་ཏེ་རྔམས་ཆེན་པོ་ཡང་ཤེས་སོ།། རྔམས་ཆུང་ངུ་ཡང་ཤེས་སོ།། འདུལ་བ་མ་ཡིན་པ་ནི་བཙན་པར་མི་བྱེད་དེ།། དུལ་བ་ནི་བཙན་པར་བྱེད་དོ།། འདུལ་བར་བྱ་བའི་དབང་ཇི་ལྟར་ཤེས་ཤེ་ན། བྱང་ཆུབ
50b2 སེམས་དཔའ་གདུལ་བར་བྱ་བའི་དབང་གིས་གྲོང་ཁྱེར་དུ་འགྲོ་བ་ཡོད་དོ། ། ད་ནི་བུད་མེད་དང་། གར་མཁན་མོའི་མདུན་ཁང་དང་། ཡུགས་ས་མོའི་ཁྱིམ་དང་། སྨད་འཚོང་མའི་མ་གཏོགས་པར་ཁྱིམ་གྱི་ནང་ངམ། འདུན་ཁང
50b3 གང་དུ་འགྲོ་འདོད་ཀྱང་རུང་སྟེ། དེ་ལ་དེར་འགྲོ་བའི་དུས་ངེས་པ་མེད་དོ།། བྱང་ཆུབ་སེམས་དཔའི་དགེ་སློང་གིས་ནི་ལོ་གྲངས་མང་པོར་ཡང་གྲོང་ཁྲོད་དུ་རྒྱུ་བར་བཟོད་ཀྱི་ཉན་ཐོས་ཀྱི་དགེ་སློང་གིས་ནི་མི་བཟོད་དོ།། རྔམས
50b4 ཆེན་པོ་དང་། རྔམས་ཆུང་ངུ་ཇི་ལྟར་ཤེས་ཤེ་ན། རྔམས་ཆེན་པོ་ཞེས་བྱ་བ་ནི་དེ་བཞིན་གཤེགས་པས་དོན་གྱི་དམིགས་བྱུང་བ་གང་གཟིགས་ན་ནི་དེ་ལྟར་གཟིགས་པའི་འོག་ཏུ་ཕས་ཕམ་པ་བཞི་པོ་འདི་ལྟ་བུ་ཕྱིན་ཆད་མ
50b5 བྱེད་ཅིག། གལ་ཏེ་ཁྱེད་ཀྱིས་བྱས་ན་རབ་ཏུ་འབྱུང་དུ་མེད་པར་འགྱུར་རོ་ཞེས་བསླབ་པའི་གཞི་འཆའ་བར་མཛད་པ་དེ་ནི་རྔམས་ཆེན་པོ་ཞེས་བྱའོ།། རྔམས་ཆུང་ངུ་ཞེས་བྱ་བ་ནི་འདི་ན་ལ་ལ་ཞིག་གིས་དོན་གྱི་དམིགས
50b6 བྱུང་བ་གཅིག་ཅིག་བྱས་ལ། བསླབ་པའི་གཞ་དེ་དམ་པོར་མ་བྱས་པ་དེ་བཞིན་གཤེགས་པས་ལན་གསུམ་གྱི་བར་དུ་གཟིགས་ཀྱང་བསླབ་པའི་གཞི་གཞན་འཆའ་བར་མཛད་དེ་དེ་ནི་ཕྱིར་གསོ་བ་ཚང་བ་ཞེས་བྱ་སྟེ།
50b7 རྔམས་ཆུང་ངུ་ཞེས་བྱའོ།། དེ་ཡང་ལྷག་མ་དང་བཅས་པའི་འདུལ་བ་ནི་བཙན་པར་བྱེད་དོ།། རུང་བ་མ་ཡིན་པའི་སྦྱིན་པའི་ཕན་ཡོན་གང་ལས་འབྱུང་བའི་འདུལ་བ་དེ་ནི་བཙན་པར་མི་བྱེད་དོ།། འདུལ་བ་ལ་སློབ་པར་བྱེད
50b8 དོ། ། ཚུལ་ཁྲིམས་འཆལ་པ་ནི་ཚུལ་ཁྲིམས་སྤངས་ལ་ཆོས་གོས་རྣམས་དང་བཅས་ཤིང་གཞོན་ནུ་ཆེན་པོ་ཡིན་ནོ།། དེ་ནི་དེའི་འདུལ་བ་ཡང་བཙན་པར་མི་བྱེད་ལ་གང་འདུལ་བ་ལ་སྣང་བ་དེ་ལ་དེ་མཆོག་ཏུ་ཆོག་ཤེས་བླ
iiif viewer powered by OpenSeadragon
