| e-texts navigator |
| Wylie |
49a1 ཡིད་རང་བར་གྱུར་པ་རྣམས་དང་། གཡུལ་འགྱེད་པ་གང་ཡིན་པ་དེ་དག་ཐམས་ཅད་ཀྱིས་ཀྱང་བྱང་ཆུབ་ཐོབ་པར་གྱུར་ཏོ།། དེ་བཞིན་གཤེགས་པ་མི་འཁྲུགས་པའི་འཇིག་རྟེན་གྱི་ཁམས་མངོན་པར་དགའ་བ
49a2 ཞེས་བྱ་བའི་འཇིག་རྟེན་གྱི་ཁམས་སུ་དེ་བཞིན་གཤེགས་པ་མི་འཁྲུགས་པའི་རྣམ་པ་ཞེས་བྱ་བ་ཞིག་ཀྱང་བྱུང་ངོ་། ། དགེ་སློང་སངས་རྒྱས་བྱིན་ཡང་རྒྱལ་པོ་དེ་ཤི་བའི་རྗེས་ལ་ཤི་ནས་དེ་བཞིན་གཤེགས་པ་མི་འཁྲུགས
49a3 པའི་བསྟན་པ་ལ་ཉན་ཐོས་ཀྱི་མཆོག་ཏུ་གྱུར་ཏོ། ། རྒྱལ་པོ་དེ་ཡང་ཉན་ཐོས་གཉིས་པར་གྱུར་ཏོ།། དེ་ལྟར་ན་དམ་པའི་ཆོས་ནུབ་པའི་ཚེ་དམ་པའི་ཆོས་བསྲུང་བར་བྱའོ།། དེའི་ཚེ་རྒྱལ་པོར་གྱུར་པ་དེ་ནི་ང་ཡིན་ནོ།། དགེ་སློང་དེ་ནི་སངས་རྒྱས
49a4 འོད་སྲུང་ཡིན་ཏེ་དེ་ནི་ཡོངས་སུ་མྱ་ངན་ལས་འདས་སོ། ། དེ་ལྟར་ན་དམ་པའི་ཆོས་སྲུང་བའི་འབྲས་བུ་ནི་དཔག་ཏུ་མེད་དེ། འབྲས་བུ་རྣམ་པར་དག་པ་དེས་ནང་ཡང་རྨ་བྱ་མདོངས་རི་མོ་ཅན་མང་པོས་བརྒྱན་པ་ལྟ་བུར
49a5 གྱུར་ཏེ། མི་ཤིགས་པའི་སྐུ་དང་ཆོས་ཀྱི་སྐུ་བརྙེས་པར་གྱུར་ཏོ།། འོད་སྲུང་ཆེན་པོ་དང་རུས་གཅིག་པས་གསོལ་པ། དེ་བཞིན་གཤེགས་པ་ནི་རྡོ་ལ་བརྐོས་པའི་ཡི་གེ་བཞིན་དུ་རྟག་པའི་སྐུ་དང་ལྡན་ལགས་སོ།།
49a6 བཀའ་སྩལ་པ། རིགས་ཀྱི་བུ་དེ་བས་ན་དམ་པའི་ཆོས་བསྲུང་བར་འདོད་པས་ནི་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ན་ཡོད་པ་དེར་བསྲུང་བར་བྱའོ།། དགེ་བསྙེན་དམ་པའི་ཆོས
49a7 སྲུང་བའི་འབྲས་བུ་ནི་རྒྱ་ཆེའོ། ། རིགས་ཀྱི་བུ་དེ་བས་ན་དགེ་སློང་རྣམས་མཚོན་ཆ་ལག་ན་ཐོགས་པའི་དགེ་བསྙེན་དག་གིས་མདུན་དུ་བདར་ཏེ་རྒྱུ་བར་བྱའོ།། ཐེག་པ་ཆེན་པོ་འདི་ལ་ནི་དགེ་བསྙེན་གྱིས་བསླབ་པའི་གཞི་ལྔ
49a8 བླང་བར་མི་བྱ་སྟེ། དམ་པའི་ཆོས་སྲུང་བའི་ཕྱིར་ལག་ན་མཚོན་ཆ་ཐོགས་ཤིང་དགེ་སློང་རྣམས་བསྲུང་བར་བྱའོ།། གསོལ་པ་ཅི་ལགས་དགེ་སློང་གང་དག་དེ་ལྟ་བུའི་དགེ་བསྙེན་ལག་ན་མཚོན་ཆ་ཐོགས་པ་དང་ལྷན་ཅིག
iiif viewer powered by OpenSeadragon
