| e-texts navigator |
| Wylie |
48b1 དེའི་ཚེ་སེམས་ཅན་དག་བདེ་བ་ཅན་གྱི་བྱང་ཆུབ་སེམས་དཔའ་རྣམས་བཞིན་དུ་བྲུབས་ཉམ་ཆུང་བ་མེད་དོ།། དེ་ནས་དེ་བཞིན་གཤེགས་པ་དེ་ལ་བྱེ་བ་ཕྲག་དུ་མ་བཞུགས་བཞུགས
48b2 ནས་གྲོང་ཁྱེར་འདི་ཉིད་དང་གནས་འདི་ཉིད་དུ་མྱ་ངན་ལས་འདས་སོ། ། དེ་ནས་དེའི་བསྟན་པ་ལོ་བྱེ་བ་ཕྲག་དུ་མའི་བར་དུ་གནས་ནས། གང་གི་ཚེ་བསྟན་པ་གནས་པ་དེའི་ལྷག་མ་ལོ་བཞི་བཅུ་ལུས་པ་དེའི་ཚེ་དམ་པའི་ཆོས
48b3 ནུབ་ཏུ་ཚ་བའི་དུས་ན་དགེ་སློང་སངས་རྒྱས་བྱིན་ཞེས་བྱ་བ་གཡོག་འཁོར་མང་པོ་དང་ལྡན་པ་སེང་གེའི་སྒྲ་སྒྲོགས་པ་གསུང་རབ་ཡན་ལག་དགུའི་ཆོས་སྟོན་པ་ཞིག་བྱུང་སྟེ། དེ་བྲན་དང་། བྲན་མོ་དང་། བ་ལང་དང་། མ
48b4 ཧེ་ལ་སོགས་པ་རྫས་ངན་པ་འཆང་བ་ལོག་པའི་ཆོས་སྟོན་པ་ཚུལ་ཁྲིམས་འཆལ་པ་སྡང་བའི་སེམས་དང་ལྡན་པ་རྣམས་ཀྱིས་ཐོས་ནས་གསད་པའི་སེམས་བསྐྱེད་དེ། ཚུལ་ཁྲིམས་འཆལ་པའི་ཕྱོགས་རྣམས་གཅིག།
48b5 ཏུ་བསྡོངས་ནས་མཚོན་ཆ་སྣ་ཚོགས་ལག་ན་ཐོགས་ཏེ་དགེ་སློང་དེའི་ཐད་དུ་དོང་ངོ་།། ང་ཡང་དེའི་ཚེ་རྒྱལ་པོ་སྲིད་སྦྱིན་ཞེས་བྱ་བར་གྱུར་ཏེ། རྒྱལ་པོ་དེས་གཏམ་དེ་ཐོས་ནས་དམ་པའི་ཆོས་བསྲུང་བའི་ཕྱིར་དགེ་སློང་དེའི
48b6 ཟད་དུ་སོང་སྟེ་དེ་དག་དང་གཡུལ་བགྱིའོ། ། དེ་ནས་ཆོས་སྨྲ་བ་དེ་ལ་དེ་དག་གིས་མཚུགས་སོ།། རྒྱལ་པོ་ད་ནི་རལ་གྲི་དང་། མདུར་ཐུང་ཁ་ལེ་བ་དང་། རྡོ་རྗེ་རྩེ་གཅིག་པ་དང་། མདའ་རྣམས་ཀྱིས་ལུས་ལ་མ་གཙགས་པའི
48b7 ས་མཚམས་ཡུངས་འབྲུ་ཙམ་ཡང་མེད་པར་གྱུར་ཏོ། ། དེ་ནས་དགེ་སློང་དེས་རྒྱལ་པོ་དེ་དེ་ལྟར་གྱུར་པ་མཐོང་ནས་ལེགས་སོ་ཞེས་སྨྲས་ཏེ་དམ་པའི་ཆོས་བསྲུང་བས་ནི་དེ་ལྟར་བ་དགོས་སོ།། ཁྱོད་ནི་ཆོས་དཔག་ཏུ་མེད
48b8 པའི་བསྐལ་པ་ཅན་དུ་འགྱུར་རོ་ཞེས་བྱས་སོ། ། དེ་ནས་རྒྱལ་པོ་དེས་དགེ་སློང་དེའི་ཚིག་ཐོས་ནས་ཤི་བའི་འོག་ཏུ་དེ་བཞིན་གཤེགས་པ་མི་འཁྲུགས་པའི་འཇིག་རྟེན་གྱི་ཁམས་སུ་སྐྱེས་སོ།། དེར་སེམས་ཅན་གང་རྗེས་སུ
iiif viewer powered by OpenSeadragon
