| e-texts navigator |
| Wylie |
45b1 བཞིན་གཤེགས་པ་ཡོངས་སུ་མྱ་ངན་ལས་འདའ་བར་མཛད་པས་རྟག་པ་དང་། བརྟན་པ་དང་། ཐེར་ཟུག་པ་ཡིན་བཞིན་དུ་མཚན་མོ་མུན་པའི་ནང་ན་ཤིང་ལྗོན་པའི་གྲིབ་མ་ལྟར་མི་སྣང་བས་སེམས་ཅན་རྣམས་དེ་བཞིན་གཤེགས
45b2 པ་མི་རྟག་གོ་སྙམ་དུ་ཡོངས་སུ་རྟོག་གོ། ། གལ་ཏེ་ང་དང་ཆོས་དང་། དགེ་འདུན་རྟག་པའི་འདུ་ཤེས་ཁྱོད་ཀྱི་ཕ་མ་ལ་མེད་ན་གསུམ་ལ་སྐྱབས་སུ་འགྲོ་བ་མ་དག་གོ་ཞེས་ང་ཟེར་རོ།། ཕ་མ་གཉིས་ལ་གཞི་གསུམ་རྟག་པར་བསྟན་ན་ནི
45b3 བྱང་ཆུབ་སེམས་དཔའ་སེམས་དཔའ་ཆེན་པོ་གསུམ་ལ་སྐྱབས་སུ་སོང་བའི་དགེ་བསྙེན་ཅེས་བྱ་བའི་མིང་ཁྱོད་ཀྱིས་ཐོབ་པར་འགྱུར་རོ། ། གསོལ་པ། དེང་སླན་ཆད་བདུན་རྒྱུད་ཀྱི་རིགས་ཚུན་ཆད་དང་། ཕ་མ་གཉིས་ལ་བཅོམ
45b4 ལྡན་འདས་དང་། ཆོས་དང་དགེ་འདུན་རྟག་གོ་ཞེས་བགྱི་བར་འཚལ་ལོ།། ཀྱེ་མ་སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་བོ་ཞེས་ཀྱང་བསླབ་པར་འཚལ་ལོ།། གཞན་དག་ལ་ཡང་བསྟན་པར་འཚལ་ལོ།། གང་དག
45b5 བདག་གིས་བསྟན་པ་ལྟར་མི་འཛིན་ཅིང་མི་རྟག་པར་སྨྲ་བའི་སེམས་ཅན་ངན་པ་དེ་དག་ལ་ནི་བདག་གིས་སེར་བ་བཞིན་དུ་བགྱིའོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། དམ་པའི
45b6 ཆོས་སྲུང་བའི་རིགས་ཀྱི་བུས་ནི་དེ་ལྟར་བྱ་དགོས་ཏེ། རིགས་ཀྱི་དུ་ཁྱོད་ལེགས་སོ།། དེ་ལྟར་ན་འཚེ་བ་མེད་པ་ལ་ཞུགས་པ་ཡིན་ཏེ། འཚེ་བ་མེད་པའི་ལས་ཀྱི་འབྲས་བུ་ཆེན་པོ་དེས་ན་བྱང་ཆུབ་སེམས་དཔའ་སེམས་དཔའ་ཆེན
45b7 པོ་རྣམས་ཚེ་ཡང་རིང་བར་འགྱུར་ལ། ཚེ་རབས་ཀྱང་དྲན་པར་འགྱུར་རོ།། འཚ་བ་མེད་པའི་ཕུང་པོ་སྟེ་ལེའུ་དང་པོའོ།། ། རིགས་ཀྱི་བུ་ང་ནི་དེ་བཞིན་གཤེགས་པ་རྟག་པའི་སྐུ་དང་མེ་ཤིགས་པའི་སྐུ་དང་།
45b8 རྡོ་རྗེའི་སྐུ་དང་། ཤའི་སྐུ་མ་ཡིན་པ་དང་། ཆོས་ཀྱི་སྐུར་ལྟོས་ཤིག། གསོལ་པ། གལ་ཏེ་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་མཛད་ན་ནི་བདག་དེ་ལྟར་མི་ལྟ་ལགས་སོ།། གལ་ཏེ་ཡོངས་སུ་མྱ་ངན་ལས
iiif viewer powered by OpenSeadragon
