| e-texts navigator |
| Wylie |
45a1 སྤྱོད་ལམ་དང་བདེ་བ་རྣམས་ཇི་ལྟར་བསྟན་པར་བྱ་ཞེས་ཕྱིན་ཆད་དེ་སྐད་མ་འདྲི་ཤིག། འདི་ནི་ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ཏེ། འདི་ནི་སངས་རྒྱས་ཀྱི་སྤྱོད་ཡུལ་ཡིན་ནོ།། རིགས་ཀྱི་བུ་དེ་ལྟར་ན
45a2 དེ་བཞིན་གཤེགས་པའི་སྐུ་ནི་སངས་རྒྱས་འབའ་ཤིག་གི་ཡུལ་ཡིན་གྱི། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ནོ།། དེ་བཞིན་གཤེགས་པ་གང་ན་གནས་པ་དང་། གང་ན་སྣང་བ་ནི་ཁྱོད་ཀྱི་ཡུལ་ཡང་མ་ཡིན་གྱིས།། སངས་རྒྱས
45a3 བཅོམ་ལྡན་འདས་ནི་ཐབས་བསམ་གྱིས་མི་ཁྱབ་པའི་སྐུ་ཡིན་ནོ་སྙམ་དུ་ཁྱེད་ཀྱིས་གནས་པར་གྱིས་ཤིག། རིགས་ཀྱི་བུ་ཆོས་དང་དགེ་སློང་གི་དགེ་འདུན་ལ་ཡང་རྟག་པའི་འདུ་ཤེས་ཡང་དང་ཡང་དུ་བསྒོམ་པར་གྱིས་ཤིག།
45a4 གཞི་གསུམ་ལ་ཐ་དད་པར་མ་བྱེད་ཅིག། མི་རྟག་པ་འམ། མི་བརྟན་པའམ། ཐེར་ཟུག་པ་མ་ཡིན་པའམ། ཞི་བ་མ་ཡིན་པའམ། ཐར་པ་མ་ཡིན་པའི་རྣམ་པར་ཡང་མ་སྒོམ་ཤིག། རིགས་ཀྱི་བུ་འམ་རིགས་ཀྱི་བུ་མོ་གང་དག་གཞི
45a5 གསུམ་གྱི་བདག་ཉིད་ཆེན་པོ་ལ་དེ་ལྟར་མི་སྒོམ་པ་དེ་དག་གི་སྐྱབས་སུ་འགྲོ་བ་ནི་དག་པ་ཡིན་ནོ་ཞེས་ང་ཟེར་རོ། ། དེ་ལྟར་ན་རྟག་པ་བསྒོམ་པ་ནི་བསམ་གྱིས་མི་ཁྱབ་སྟེ། རིགས་ཀྱི་བུ་དཔེར་ན་ཤིང་ཡོད་ན་གྲིབ་མ་ཡོད་ཀྱི་ཤིང་མེད
45a6 ན་གྲིབ་མ་མེད་པ་དེ་བཞིན་དུ་དེ་བཞིན་གཤེགས་པ་རྟག་པ་དང་སྐྱབས་སུ་འགྱུར་གྱི། གལ་ཏེ་མི་རྟག་ན་ལྷ་དང་མི་རྣམས་ཀྱི་སྐྱབས་སུ་འོས་པ་མ་ཡིན་ནོ།། གསོལ་པ། བཅོམ་ལྡན་འདས་ཅི་ལགས། མཚན་མོ་མུན་པའི
45a7 ནངན་ཤིང་ལྗོན་པའི་གྲིབ་མ་སྣང་ཞེས་བགྱི་འམ་མི་སྣང་ཞེས་བགྱི། བཀའ་སྩལ་པ། འོད་སྲུང་ཆེན་པོ་དང་རུས་གཅིག་པ་ཤིང་ལྗོན་པ་ཡོད་པའི་གྲིབ་མ་ཅི་ཕྱིར་མེད་ཅེས་བརྗོད་པར་བྱའོ།། དེ་ལྟ་མོད་ཀྱི་ཤའི་མིག་གིས་ནི་མི
45a8 མཐོང་སྟེ། དེ་བཞིན་དུ་དེ་བཞིན་གཤེགས་པ་ཡང་རྟག་པ་དང་། བརྟན་པ་དང་། ཐེར་ཟུག་པ་ཡིན་ཏེ། ཐེར་ཟུག་པ་ཡིན་གྱིས་ཀྱང་མཚན་མོ་མུན་པའི་ནང་ན་ཤིང་ལྗོན་པའི་གྲིབ་མ་ཤའི་མིག་གིས་མི་མཐོང་བ་བཞིན་དུ་དེ
iiif viewer powered by OpenSeadragon
