| e-texts navigator |
| Wylie |
43b1 དག་ཕྲོགས་ནས་དེ་དག་ཆུང་མ་མེད་པས་རང་རང་གིསི་འོ་མ་བསྲུབས་ཏེ། དེ་དག་གིས་བསྲུབས་པ་ལས་འོས་མ་ཡིན་པའི་ཕྱིར་འོ་མ་དེ་དག་ལས་མར་གྱི་དྲི་ཡང་མི་བྲོལ་ཞོར་ཡང་མི་རུང་། དར་བར་ཡང་མི་རུང་། སྤྲིས
43b2 མར་ཡང་མི་རུང་ན་མར་དུ་ལྟ་ག་ལ་འགྱུར་ཏེ། འོ་མའི་རང་བཞིན་ལས་ཀྱང་ཉམས་ནས་དེ་དག་གིས་དེ་ཆུས་བསླད་དེ་བདག་གིས་མར་ལོངས་སྤྱད་པར་བྱའོ།། བདག་གིས་མར་ལོངས་སྤྱད་པར་བྱའོ་སྙམ་དུ་སེམས
43b3 པ་བཞིན་དུ་འཇིག་རྟེན་པ་སངས་རྒྱས་ཀྱི་ཆོས་ཀྱི་རྒྱུ་འཐུན་པ་ལས་བྱུང་བ་ནོར་དང་ཆོས་རྒྱས་པ་རྣམས་ཀྱང་དེ་དང་འདྲ་སྟེ། གང་གི་ཚེ་སངས་རྒྱས་བཅོམ་ལྡན་འདས་རྣམས་པ་ལང་གི་ལྷས་ཀྱི་བདག་པོ་བཞིན་དུ
43b4 ཡོངས་སུ་མྱ་ངན་ལས་འདས་པའི་འོག་ཏུ་འཇིག་རྟེན་པ་ཆོམ་ཤོད་དང་འདྲ་བ་རྣམས་ཀྱིས་ཀྱང་ཚུལ་ཁྲིམས་དང་ཆོ་ག་དང་འདུལ་བ་དང་། སྤྱོད་ཡུལ་རྣམས་དང་། སེམས་ཅན་གྱི་ཁམས་རྣམས་གུད་དུ་བསྒྱུར་ནས
43b5 སེམས་ཅན་ཡོད་དོ། ། སྲོག་ཡོད་དོ།། གང་ཟག་ཡོད་དོ་སྙམ་དུ་སེམས་ཤིང་ཐར་པ་ནི་འདི་ལྟ་བུ་ཞིག་གོ།། སྤྱོད་པ་ནི་འདི་ལྟ་བུ་ཞིག་གོ། སྙམ་ནས་སྤྱོད་པ་དང་། སེམས་ཅན་དང་། ཐར་པ་དང་རྟག་པ་དང་། དེ་ཁོ་ན་ཉིད
43b6 མ་ཤེས་ཏེ། དོན་གཞན་ལ་བརྩོན་པས་ཐར་པ་ཡང་མི་ཐོབ་ལ། ཚུལ་ཁྲིམས་དང་ཆོ་ག་དང་སྤྱོད་ཡུལ་དང་འདུལ་བ་དང་རྟག་པ་དང་དེ་ཁོ་ན་ཉིད་ཀྱང་མི་རྙེད་དེ། མི་རྒོད་ཀྱི་མར་བཞིན་དུ་འཇིག་རྟེན་པ་རྣམས་ཀྱིས་ཆོས
43b7 ཀྱི་དེ་ཁོ་ན་ཉིད་མི་འཐོབ་ལ། དེ་དག་སེམས་ཅན་ཚངས་པས་སྤྲུལ་པ་ནི་རྟག་གོ་སྙམ་དུ་འཛིན་ཅིང་བདག་གི་ནི་ཐར་པ་ཡིན་ནོ་སྙམ་དུ་ཡང་འཛིན་ལ། ཆོམ་ཤོད་པ་རྣམས་ཀྱི་འོ་མ་བཞིན་དུ་དེ་ཁོ་ན་ཉིད་ནི་མི་ཤེས
43b8 སོ། ། དེ་དག་ཚངས་པར་སྤྱོད་པའི་རྒྱུ་དང་། གཞན་གྱི་ཆུང་མ་སྤངས་པའི་རྒྱུ་དང་། ཕ་མ་ལ་ཕུ་དུད་བྱས་པའི་རྒྱུས་ན་ཚེམ་ཤོད་པ་རྣམས་ཀྱི་འོ་མ་མེ་རུང་བའི་ལྷག་མ་ཙམ་ཞིག་ཡོད་པ་བཞིན་དུ་མཐོ་རིས་ཀྱི
iiif viewer powered by OpenSeadragon
