| e-texts navigator |
| Wylie |
202a1 མང་ངོ་། ། ཤཱ་རིའི་བུ་བསྐལ་པ་ཁྲི་དེ་འདས་ཟིན་ནས་སངས་རྒྱས་ཞིག་འཇིག་རྟེན་དུ་བྱུང་བ་མཚན་ཁྱབ་སྲུང་ཡང་དག་པར་གཤེགས་པ་གསོལ་གཞེངས་རིགས་དྲང་ཁྱབ་མཁྱེན་སྣང་མཛད་ཞབས
202a2 བདེ་གཤེགས་འཇིག་རྟེན་བཀྲོལ་བླ་ན་མེད་པའི་དྲི་མ་གཏུལ་ཐུལ་སྐྱེས་བུ་ལྷ་དང་མིའི་མཁན་པོ་སངས་རྒྱས་བཅོམ་ལྡན་འདས་ཤེས་བྱ་སྟེ། ང་དེའི་ཚེ་ཚངས་པའི་ཁམས་སུ་ཚེ་ཟད་ནས་འཛམ་བུའི་གླིང
202a3 དུ་སྐྱེས་ཏེ། འཁོར་ལོ་འཕྲུལ་གྱི་རྒྱལ་པོ་བྱས་ནས་མཁན་པོ་ནི་སྤྱི་ལྷ་ཞེས་བྱ། མིའི་ཚེ་ལོ་དགུ་ཁྲི་ཐུབ་སྟེ། ངས་ལུས་ཀྱི་ཚེ་ཟད་ཀྱི་བར་དུ་སྐྱིད་པའི་ཡོ་བྱད་དོ་ཅོག་གིས་སངས་རྒྱས་དེ་དང་། དགེ་སློང་འབུམ་ཕྲག་དགུ
202a4 བཅུ་ལ་ཡོན་དུ་གསོལ་ཏེ། ལོ་དགུ་ཁྲིའི་བར་དུ་བླ་ན་མེད་པ་གཡུང་དྲུང་རྫོགས་པའི་བྱང་ཆུབ་བཙལ་ན། སངས་རྒྱས་ཁྱབ་སྲུང་དེས་ཀྱང་ངལ་ཁྱེད་མ་འོངས་པའི་དུས་ན་སངས་རྒྱས་བྱེད་པ་ཐོབ་བོ་ཞེས་ལུང་མ
202a5 བསྟན་ཏོ། ། ཅིའི་ཕྱིར་ཞེ་ན། ངས་དེའི་ཚེ་ཆོས་སོ་ཅོག་གི་བདེན་པའི་མཚན་མ་ཁོང་དུ་ཆུད་མ་ནུས་ཏེ། བདག་ཏུ་ལྟ་བར་འཛིན་པ་ལ་འདོད་ཆགས་ཏེ། ཐོབ་པ་ཡོད་པ་མཐོང་ངོ་།། ཤཱ་རིའི་བུ་བསྐལ་པ་དེའི་ཚེ་སངས་རྒྱས་བརྒྱ་བྱུང་སྟེ།
202a6 མིང་མཚན་མོ་སོ་ཐ་དད་དོ།། ངས་དེའི་ཚེ་ཀུན་གྱི་འཁོར་ལོ་འཕྲུལ་གྱི་རྒྱལ་པོ་བྱས་ནས་ལུས་ཀྱི་ཚེ་ཟད་ཀྱི་བར་དུ་སློབ་མ་རྣམས་དང་ཀུན་ལ་ཡོན་གསོལ་ཏེ། བླ་ན་མེད་པའི་གཡུང་དྲུང་རྫོགས་པའི་བྱང་ཆུབ་བཙལ་ནས།
202a7 སངས་རྒྱས་དེ་རྣམས་ཀྱིས་ཀྱང་ང་ལ་ཁྱོད་མ་འོངས་པའི་དུས་ན། སངས་རྒྱས་བྱེད་པ་ཐོབ་བོ་ཞེས་ལུང་མ་བསྟན་ཏེ། ཐོབ་པ་ཡོད་པ་སྤྱད་པའི་ཕྱིར་རོ།། ཤཱ་རིའི་བུ་ངས་བསམས་པ་འདས་པའི་དུས་ན་བསྐལ་པ
202a8 གངས་མེད་པ་བདུན་བརྒྱའི་ཚེ་སངས་རྒྱས་སྟོང་དང་ཕྲད་དེ། ཀུན་མཚན་འཛམ་བུ་ངན་ཞེས་བྱ་སྟེ། རས་ལུས་ཀྱི་ཚེ་ཟད་ཀྱི་བར་དུ་རྣམ་པ་བཞིས་ཡོན་གསོལ་ན། ཡང་ལུང་བསྟན་པ་མེད་དེ། ཡང་དམ
iiif viewer powered by OpenSeadragon
