| e-texts navigator |
| Wylie |
192a1 ཤེས་སོ། ། ལྔ་གང་ལ་སོགས་པ་ཞེས་བྱས་ན། གཅིག་ནི་ཆོས་འཆད་པའི་ཚེ་སེམས་ལ་འཇིགས་སྐྲག་པསྲེལ་ཏེ། མི་གཞན་གྱིས་དཀར་ཅག་གིས་དོགས་པའོ།། གཉིས་ནི་ཁོང་ན་འཇིགས་པའི་མྱ་ངན་སྲེལ་བཞིན
192a2 དུ་ཕྱི་རོལ་དུ་གཞན་ལ་ཆོས་བཤད་པའོ། ། གསུམ་ནི་ཐ་མལ་པ་སྟེ། ཡང་དག་པར་ཤེས་རབ་མེད་པའོ།། བཞི་ནི་བཤད་དེ་ཅོག་མི་གཙང་སྟེ། ཚིག་འབྲུ་ཤ་སྟག་ཡོད་པའོ།། ལྔ་ནི་གོ་རིམས་མེད་དེ་སོ་སོ་ནས་མདོ་བསྡུས་པའོ།། དེ་ལྟ
192a3 བས་ན་ཕལ་གྱི་ནང་ན་འདུག་ལ་སེམས་ལ་འཇིགས་དོགས་པ་སྲེལ་ཏོ། ། དེ་ལྟ་བུའི་ཕལ་ཐ་མལ་པ་ནི་ཤེས་རབ་མེད། སེམས་ལ་ངེས་པ་མེད་དེ། དྲེགས་ཤིང་ལེ་ལོ་དང་། རྒྱུ་རྐྱེན་ཆུང་ངུ་སྤྱད་དེ། མིང་གྲགས་པར་བྱ་བ་བཙལ་ཏེ། དོགས
192a4 ཤིང་འགྱོད་པ་སེམས་ལ་འདུག་པས་མི་གཞན་ལ་ཆོས་བཤད་དོ། ། མི་དེས་ཉིན་མཚན་དུ་རང་གིས་འདོད་ཆགས་དང་ཞེ་སྡང་དང་གཏི་མུག་གི་དུག་མདའ་མནོས་སོ།། ཅིའི་ཕྱིར་ཞེ་ན། ཤཱ་རིའི་བུ་མི་དེས་ཆོས་ཀྱི་རྣམ་གྲངས་དེས་པ
192a5 བདེན་པ་སྟེ། ཡང་དག་པའི་བདེན་པ་མེད་པར་རིག་གོ།། མི་དེས་མྱ་ངན་ལས་འདས་པའང་རྣམ་པར་མི་རྟོག། མྱ་ངན་ལས་འདས་པ་མི་སེམས། ངས་མྱ་ངན་ལས་འདས་པ་བསམ་ནུས་ཏེ། ཆོས་སྤྱད་པས་སྟོང་པ་ཞི་བ་ཐོབ
192a6 ཅེས་ཀྱང་མི་ཟེར། ཆོས་དེའི་སྟོང་པ་ཞི་བའི་གནས་ལ་ཡང་རྣམ་པར་མི་རྟོག་མི་ཐོབ་པར་ཡང་མི་རྟོག་སྟེ། ཤཱ་རིའི་བུ་དེའི་མིང་མི་འགལ་བ་བཟོད་པ་ཞེས་བྱའོ།། མི་དེས་མི་འགལ་བའི་བཟོད་པའི་མཆོག་གི་གཞུང་འདིའི་ནང
192a7 ནའང་རང་གི་མཚན་ཐོབ་པ་མེད་དོ། ། ཤཱ་རིའི་བུ་གང་ལ་སོགས་པ་བཟོད་པའི་མཚན་མ་ཞེས་བྱ། དེ་ནི་མཚན་མ་མེད་ན་མི་འགལ་བའི་བཟོད་པའི་མཚན་མའི་བཟོད་པ་ཡིན་ནོ།། ཤཱ་རིའི་བུ་ཁྱོད་ཡིད་ལ་ཇི་སྙམ། མི་ལ་ལ
192a8 ཞིག་གིས་འདི་ལྟ་བུའི་བཟོད་པ་ལའང་མཚན་མི་ཐོབ་ན་མི་དེས་བདག་ཏུ་ལྟ་བའི་མཚན་མ་དང་། གང་ཟག་གི་མཚན་མ་དང་། སེམས་ཅན་གྱི་མཚན་མ་དང་། ཚེའི་མཚན་མ་དང་། སྲོག་གི་མཚན་མ་ཐོབ་ཅེ་ན། བདེན་པ་ཡོད་མེད་དོ།།
iiif viewer powered by OpenSeadragon
