| e-texts navigator |
| Wylie |
188b1 ཤིང་ཚིག་གོ། ། གོ་རིམས་ཀྱང་མེད་དོ།། རྐང་ལག་སྦོམ་རྩུབ་ལ་མདངས་ཀྱི་ཁ་དོག་ཉམས་གྱུར་ཏེ། བུད་མེད་ལ་ལྟ་བར་སྲེད། སྐྱེས་བུལ་མི་བསྟེན་ཏེ། དེལྟ་བུའི་མི་ངན་པ་ནི་བལ་ཀུན་གྱིས་ཀྱང་བརྙས་སྤང་བ། ལྷ་དང་ཀླུ་དང་ལྷམ
188b2 ཡིན་གྱིས་ཀྱང་མི་བསྟོད་དོ། ། སངས་རྒྱས་རྣམས་ཀྱིས་ཀྱང་སྙན་པར་ཡང་མི་བཤད་དོ།། སེམས་ཀྱི་རང་བཞིན་རིངས་རྟགས་ལ་རྟག་པར་ཞེ་སྡང་ལ་སྲེད་དོ། དགེ་འདུན་གྱིས་དོན་གཅོད་ན་དཔུང་གི་མཐུ་སྐེམས་སོ།། བཱ་རིའི་བྲིད་ལྟ་བུའི
188b3 ཚུལ་ཁྲིམས་ཞིག་པའི་དགེ་སློང་ནི་དགེ་འདུན་གྱི་ནང་མཆོད་ཀྱི་མཐུ་བ་ཚོལ་བ་མང་སྟེ། མ་དྲིས་པར་ལན་གློན་ཞིང་རྟག་པར་གཞན་གྱི་ཉེས་པ་ཚོལ་ལོ།། ཚུལ་ཁྲིམས་གཙང་མ་པ་མཐོང་ན་སྙེམས་ཤིང་སླུ་བ་ཡིན་ཞེས་ཟེར། འགྲུས
188b4 པར་ལམ་ཚོལ་བ་མཐོང་ན་དེའི་ཆོས་མི་འདྲ་བར་ཐ་དད་པ་གཞན་ལ་དགའ་ཞིང་དང་། རྩོད་པ་མཐོང་ན་དཀའ་བས་བསྟང་པ་སོ།། ཤཱ་རིའི་བུ་དེའི་མིང་ནི་ཚུལ་ཁྲིམས་ཞིག་པའི་དགེ་སློང་གི་མྱ་ངན་འཁྲུགས་པའི་མངའ་དགུ་ཞེས་བྱ་སྟེ།
188b5 ཡང་དག་པར་སེམས་ཅན་དམྱལ་བར་ལྟུང་ངོ་།། ཡང་ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་གཞན་གྱི་དོན་ལ་སྲེད་མོས་ཏེ། དེའི་གཞུང་ཅི་དགར་བཟུང་ནས་འཐབ་རྩོད་པ་ཡོད་ན་དགའ་སྐྱིད་པར་འཛིན་ཏོ།། གོས་ཟས་ཀྱིས་ལུས
188b6 བརྒྱན་ལ་གཞན་གྱི་ཆོག་སློབ་ཅིང་མལ་ཆ་བཟང་པོ་བཙལ་ཏེ། ཁེས་གསོ་ཞིང་ལུས་བདེ་བར་བྱས་མི་གཞན་གྱིས་བསྟོད་པ་ལ་སྲེད། སྦྱིན་བདག་ལ་འཁྲེན་ཅིང་འདུག་པའི་གནས་ལ་ཕངས་པར་འཛིན་ཏེ། དགེ་སློང་མཁན་པོ་འོངས་ན
188b7 བདག་གི་ཉེས་པ་མཐོང་གིས་དོགས་ཏེ། ཚུལ་ཁྲིམས་འཛིན་པ་ལ་སྡང་ས།། ཚུལ་ཁྲིམཔ་ཞིག་པ་ལ་ནི་ཉེ་བསྙེན། སྦྱིན་པ་བྱེད་པ་ལ་རྟག་པར་བསྟོད།། ཚུལ་ཁྲིམས་འཛིན་པ་དང་། བཟོད་པ་དང་། བརྩོན་འགྲུས་དང་། བསམ་གཏན་དང་།
188b8 ཤེས་རབ་ལ་ནི་མི་བསྟོད། སྟོང་པཞི་བ་ལའང་མི་བསྟོད་འབའ་ཤིག་གནས་པ་ནི་བསྲིངས་སྤངས་ཏེ་རྟག་པར་ཚུལ་ཁྲིམས་འཛིན་པ་ལ་ཉེས་པར་བརྗོད་པ་ལ་དབྱེ་བར་སྲེད། སྦྱངས་པའི་ཡོན་ཏན་འཛིན་པ་ལ་ཡང་སྙན་པར་མི
iiif viewer powered by OpenSeadragon
