| e-texts navigator |
| Wylie |
167a1 བྱའོ། ། ཤཱ་རིའི་བུ་དེའི་མིང་སངས་རྒྱས་བསམ་པའི་ཆོས་ཏེ། སྨྲ་བའི་ཚིག་གི་ལམ་ཆད་ལ་སེམས་སོ་ཅོག་ལས་འདས་ཤིང་བྱུང་སྟེ། སེམས་ཐོབ་པར་མི་རུང་བ་དེའི་མིང་སངས་རྒྱས་བསམ་པའོ།། ཤཱ་རིའི་བུ་སེམས་སོ་ཅོག་ཐབས
167a2 ཅད་ནི་ཀུན་མཚན་མ་སྟོང་པཞི་པ་སྟེ། ཆོས་དེ་བཞིན་དུ་མ་གལ་ན་དེ་ནི་མིང་སངས་རྒྱས་བསམ་པ་སྤྱོད་པ་སྦྱོང་བ་ཞེས་བྱའོ།། ཁ་དོག་ཀྱད་དེ་སངས་རྒྱས་བསམ་དུའང་མི་རུང་ངོ་།། དེ་ཅིའི་ཕྱིར་ཞེ་ན། ཁ་དོག་བསམས་གཟུགས་བླངས་ཟོལ
167a3 ཆགས་ན་རྣམ་པར་ཤེས་པ་ཞེས་བྱའོ། ། གཟུགས་མེད། ཁ་དོག་མེད། རྐྱེན་མེད། རང་བཞིན་མེད་ན་མིང་སངས་རྒྱས་བསམ་པའོ།། དེ་ལྟ་བས་ན་རྣམ་པར་བརྟགས་པ་མེད། བླང་བ་མེད། དོར་བ་མེད་ན། སངས་རྒྱས་བསམ་པ་ཡང་དག་པ་ཡིན
167a4 པར་མངོན་ནོ། ། །། ལེའུ་གསུམ་སྟེ་ཆོས་བསམ་པའི་ལེའུའོ།། ། དེའི་ཚེ་ཤཱ་རིའི་བུས་སངས་རྒྱས་ལ་གསོལ་པ། བཅོམ་ལྡན་འདས་ཇི་ལྟར་ན་མི་གཞན་ལ་ཆོས་འདི་བཤད་ན་ངན་པའི་བཤེས་གཉེན་ཞེས་བགྱི་བཅོམ
167a5 ལྡན་འདས་ཇི་ལྟར་བུང་ན་མི་གཞན་ལ་ཆོས་འདི་བཤད་ན་དགེ་བའི་བཤེས་གཉེན་ཞེས་བགྱི། ཤཱ་རིའི་བུ་མི་ལ་ལ་ཞིག་གིས་དགེ་སློང་གཞན་ལ་བསྟན་པ་ཁྱོད་ཤེས་པར་གྱིས་ཤིག། སངས་རྒྱས་བསམ་པ་ནི་སྟོང་པའོ།། རྐྱེན་གྱི
167a6 ག་པས་པ་པདེ་ནི་བསམ་པའི་མི་རིགས་སོ། ། ཁྱོད་ཀྱིས་སྟོང་པ་བསམས་ན་བསམ་པ་ཡང་སྟོང་པ་སྟེ།། རང་བཞིན་མེད་པའི་སྟོང་པ་དེས་ཁ་དོག་གི་འདུ་ཤེས་ཆོད་པར་ནུས། འདུ་ཤེས་ལེན་པ་ཆོད་པར་ནུས་སོ།། མི་དེས་དེ
167a7 འདུ་ཤེས་མེད་པའང་མ་ཐོབ་ན་སེམས་ལྟ་སྨོས་ཀྱང་ཅི་དགོས། མི་དེས་དེའི་ཚེ་ཅི་ཡང་ཡོད་མེད་ལ་སྟོང་པར་ཞི་སྟེ། རང་བཞིན་མེད་ན་འདུ་ཤེས་རྣམས་མི་འདྲའོ།། ཆོས་སོ་ཅོག་ཞི་བར་བྱས་ན་དེའི་བསམ་པའི་སྤྱོད་པ
167a8 སྟོང་པ་ཞེས་བྱའོ། ། སངས་རྒྱས་བསམ་པའི་མིང་ནི་དགེ་མི་དགེ་དང་། ཚོར་བ་དང་བརྟག་པ་ཐམས་ཅད་གཞིག་པ་ཞེས་བྱའོ།། ཚོང་བའང་མེད་བརྟག་པའང་མེད་ལ་སྟོང་ཞིང་འདུ་ཤེས་མེད་ན་མིང་སངས་རྒྱས་བསམ་པ་ཞེས་བྱའོ།།
iiif viewer powered by OpenSeadragon
