| e-texts navigator |
| Wylie |
166b1 འགྱུར་ཏེ། མཐར་ཆོས་སོ་ཅོག་གི་ངོ་བོ་ཉིད་སྟོང་པར་ཡང་མི་བཤད་དོ།། ཤཱ་རིའི་བུ་སངས་རྒྱས་ཀྱི་ཆོས་སོ་ཅོག་ནི་བདེན་པར་སྟོང་པ་སྟེ།། ངོ་བོ་ཉིད་མེད་ཅིང་མཚན་མ་གཅིག་པུ་སྟེ། དེ་ནི་མཚན་མ་མེད་པར་ཡང་དག་པར་གཤེགས་པ་ཀུན་གྱིས།
166b2 གཟིགས་སོ།། ཡང་དག་པར་གཤེགས་པ་དེའི་ཕྱིར་བསམ་པའི་གནས་ཡོད་ཅེས་བཤད་དོ།། བཱ་རིའི་བུ་བསམ་པའི་གནས་ནི་མིང་གནས་མེད། གནས་མེད་པའང་མེད་ཅེས་བྱའོ།། བསམ་པ་མེད། བསམ་པའི་ལས་ཀྱང་མེད། འདུ་ཤེས་མེད་རྣམ
166b3 པར་རྟག་པའང་མེད། ཡིད་མེད། ཡིད་ཀྱི་ལས་ཀྱང་མེད། བསམ་པ་མེད། བསམ་པའི་ལས་ཀྱང་མེད། ཆོས་མེད། ཆོས་ཀྱི་མཚན་མའང་མེད། དེ་ཀུན་འདུས་གྱེས་མེད་པས་ན་འཛངས་ཤིང་འཕྲུལ་པའི་མིང་རྣམ་པར་བརྟགས་པ་མེད་ཅེས་བྱ་སྟེ། དེའི
166b4 མིང་བསམ་པའི་གནས་ཤེས་པའོ། ། ཡང་དག་པར་གཤེགས་པས་དེའི་ཕྱིར་བསམ་པའི་གནས་ཡོད་ཅེས་བཤད་དོ།། ཅི་ཡང་མེད་པའི་ཕྱིར་བསམ་པའི་གནས་ཤེས་བྱའོ།། སངས་རྒྱས་བསམ་པའི་ཕྱིར་མིང་བསམ་པའི་གནས་ཤེས
166b5 བྱའོ། ། ཤཱ་རིའི་བུ་ཇི་ལྟར་ན་མིང་སངས་རྒྱས་བསམ་པ་ཞེས་བྱ། ཅི་ཡང་མེད་པར་མཐོང་བ་ནི་མིང་སངས་རྒྱས་བསམ་པ་ཞེས་བྱའོ།། ཤཱ་རིའི་བུ་སངས་རྒྱས་ཀུན་ནི་དཔག་ཏུ་མེད་དེ། བསམ་གྱིས་མི་ཁྱབ་བརྗོད་ཀྱིས་མི་ལང་ངོ་།། གཞུང་དེ་ལྟ་བས
166b6 ན་ཅི་ཡང་མེད་པར་མཐོང་བ་ནི་མིང་སངས་རྒྱས་བསམ་པ་ཞེས་བྱ་སྟེ། བདེན་པར་མིང་རྣམ་པར་བརྟག་པ་མེད་དོ།། སངས་རྒྱས་ཆོས་སོ་ཅོག་ལ་རྣམ་པར་བརྟགས་པ་མེད་པས་ན། སེམས་ལ་རྣམ་པར་བརྟགས་པ་མེད་ན་གདོད་སངས་རྒྱས
166b7 བསམ་པ་ཡིན་ཞེས་བྱའོ། ། ཡང་ཅིག་ཏུ་ན་ཚེས་སོ་ཅོག་གི་བདེན་པའི་མཚན་མ་མཐོང་ན་མིང་སངས་རྒྱས་མཐོང་ཞེས་བྱའོ།། གང་ལ་སོགས་པའི་མིང་ཆོས་སོ་ཅོག་གི་བདེན་པའི་མཚན་མ་ཞེས་བྱས་ན་དེ་ནི་ཆོས་སོ་ཅོག་མཐའ་ཡུན་དུ་སྟོང་ཞིང་།
166b8 ཅི་ཡང་མེད་པའོ།། དེ་ལྟ་བས་ན་མཐའ་ཡུན་དུ་སྟོང་ཞིང་ཅི་ཡང་མེད་པའི་ཆོས་ནི་སངས་རྒྱས་བསམ་པའོ།། ཡང་གཅིག་ཏུ་དེ་ལྟ་བུའི་ཆོས་ཀྱི་ནང་ན་སེམས་ཅུང་ཟད་ཡན་ཆད་ཀྱང་ཐོབ་པར་མི་རུང་སྟེ། དེའི་མིང་སངས་རྒྱས་བསམ་པ་ཞེས
iiif viewer powered by OpenSeadragon
