| e-texts navigator |
| Wylie |
161a1 པས་བཤད་པ། ཆོས་སོ་ཅོག་ཀུན་ལ་སྐྱེ་བ་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་པ་བྱེད་ཀྱིས་དཀོན་ནོ།། ཤཱ་རིའི་བུ་ཡང་དཔེར་པད་མའི་བཆུ་ཆད
161a2 གྱི་ཉག་མས་རི་རབ་རིའི་རྒྱལ་པོ་སྤངས་ཏེ་ནམ་མཁའ་ལ་འདུག་ན། དེ་ཁྱོད་ཀྱི་ཡིད་ལ་ཇི་སྙམ། ཡོད་དགོན་ནམ་མི་དཀོན། བཅོམ་ལྡན་འདས་དཀོན་ལགས་སོ།། ཤཱ་རིའི་བུ་ཡང་དག་པར་གཤེགས་པས་བཤད་པ་ཆོས་སོ་ཅོག
161a3 ཀུན་ལ་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་པ་ཕྱེད་ཀྱིས་དཀོན་ནོ།། ཤཱ་རིའི་བུ་དཔེར་ན་བསྐལ་པ་ཟད་པའི་མེ་ཆེན་པོས་བསྲེགས་པའི་ཚེ། མི་ཞིག་གིས
161a4 མཆིལ་མ་ཐབས་ཅིག་བཏབ་པས་མེད་ཤི་བར་ནུས། ཡང་ཐབས་གཅིག་བུས་པས། སླར་འཇིག་རྟེན་གྱི་ཁམས་དང་ལྷ་རྣམས་ཀྱི་ཕོ་བྲང་དུ་གྱུར་པར་ནུས་པ་དེ་ཁྱོད་ཀྱི་ཡིད་ལ་ཇི་སྙམ། ཡོད་དཀོན་ནམ་མི་དཀོན། བཅོམ་ལྡན་འདས
161a5 དཀོན་ལགས་སོ། ། ཤཱ་རིའི་བུ་ཡང་དག་པར་གཤེགས་པས་བཤད་པ། ཆོས་སོ་ཅོག་ཀུན་ལ་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་པ་ནི་བྱེད་ཀྱིས
161a6 ཡོད་དཀོན་ནོ། ། ཤཱ་རིའི་བུ་ཆུ་བོ་གང་གཱ་ཆེ་ཞིང་ཡངས་པ་ནི། དཔག་ཅིང་ཚད་གཟུང་དུ་མེད་དོ།། བཅོམ་ལྡན་འདས་འདི་ལགས་སོ།། ཤཱ་རིའི་བུ་གནམ་ངོས་བཞིའི་འོག་ན་ཆར་པ་ཆེན་པོ་ཁྱབ་པར་བབ་སྟེ། ཆར་པའི་ཐིགས་པ
161a7 ནི་ཆུ་བོ་གང་གཱ་ཙམ་ན། མི་ལ་ལ་ཞིག་གིས་ལག་པས་ཆར་པའི་ཐེག་པ་བཟེད་དེ་ལྷུང་ཞིང་ཟག་པ་མེད་ན་དེ་ཁྱོད་ཀྱི་ཡིད་ལ་ཇི་སྙམ། ཡོད་དཀོན་ནམ་མི་དཀོན། བཅོམ་ལྡན་འདས་དཀོན་ལགས་སོ།། ཤཱ་རིའི་བུ་ཡང་དག་པར
161a8 གཤེགས་པས་བཤད་པ་ཆོས་སོ་ཅོག་ཀུན་ལ་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་ན་ཕྱེད་ཀྱིས་ཡོད་དཀོན་ནོ།། ཤཱ་རི་ར~ཾ་བུ་རི་རབ་རིའི་རྒྱལ་པོ་མཐོ
iiif viewer powered by OpenSeadragon
