| e-texts navigator |
| Wylie |
156a1 བའི་ཕྱིར་སེམས་ཅན་ཐམས་ཅད་ཟས་ལ་རྟེན་ཅེས་བྱ་བའི་ཚིགས་སུ་བཅད་པའང་བསྟན་ཏོ། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པའང་སྲུངས་ཆེན་པོ་དང
156a2 རུས་གཅིག་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཐམས་ཅད་མ་ལུས་པ་ཇི་ལྟ་བུ་ལགས།། ཐམས་ཅད་ཅེས་བགྱི་བ་ཡང་ཇི་ལྟ་བུ་ལགས།། བཀའ་སྩལ་པ།། མ་ལུས་པའི་དོན་ནི་དགེ་བའི་ཕྱོགས་ཐམས་ཅད་རྟག་ས
156a3 བདེ་བའོ་ཞེས་བྱ་བ་ལྟ་བུའོ། ། དེ་ལྟར་ན་ཁ་ཅིག་ནི་ལྷག་མ་ཡོད་པའོ།། ཁ་ཅིག་ནི་ལྷག་མ་མེད་པ་ཡིན་པར་ཆོས་འདོད་པའི་རིགས་ཀྱི་བུས་རིག་པར་བྱའོ།། སོལ་པ། ཀྱེ་མདེ་བཞིན་གཤེགས་པ་ནི་སེམས་ཅན་ཐམས་ཅད་ལ་སྒྲ་གཅན
156a4 ཟིན་བཞིན་དུ་གཟིགས་པ་ལགས་ཏེ་བདག་ཤིན་དུ་རངས་ལགས་སོ། ། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། དེ་ལྟར་ཆ་ཕྲ་བར་བརྟག་དགོས་སོ།། གསོལ་པ། བཅོམ་ལྡན་འདས་ང་ནི་ཡོངས་སུ་མྱ་ངན་ལས་འདས
156a5 པ་ཆེན་པོའི་མདོ་ཆེན་པོའི་བསོད་ནམས་ཇི་ལྟར་སྐྱེ་བ་བཀའ་སྩལ་དུ་གསོལ། བཀའ་སྩལ་པ། སངས་རྒྱས་ཀྱི་ཡུལ་འདི་ནི་བསམ་གྱིས་མི་ཁྱབ་པའི་ཕྱིར་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་མདོ་སྡེ་འདིའི་མིང་ཡང
156a6 ཚིག་ཙམ་དུ་ཡང་ཉན་པ་རྣམས་ལ་བརྗོད་པར་མི་ནུས་སོ། ། དེ་ནས་བཅོམ་ལྡན་འདས་ལ་ལྷ་དང་མི་དང་ལྷ་མ་ཡིན་རྣམས་ཀྱིས་ཚིག་འདུན་པར་ཚིགས་སུ་བཅད་དེ་གསོལ་པ། སངས་རྒྱས་བསམ་ཡས་བསམ་ཡས་ཆོས་གསུངག།
156a7 ཆོས་དང་དགེ་འདུན་རྟག་ཏུ་ཁྱོད་ལ་རྟེན།། དེ་ཕྱིར་དགེ་སློང་འོད་སྲུང་ཀུན་དགའ་བོ།། མ་མཆིས་པར་དུ་མགོན་པོ་བཞུགས་པར་གསོལ།། བི་ཏེ་ཧའི་རྒྱལ་པོ་མ་སྐྱེས་དགྲ།། ཁྱོད་ཀྱི་མཛའ་མཆོག་ཐུགས་འདྲ་ཆེ་བ་ཡང་།། ད་དུང་མ་མཆིས་མཿ
156a8 ཐུག་ཁྱོད་མ་གཤེགས། ། ཀུན་མཁྱེན་ཁྱོད་ཀྱིས་བདག་ཅག་ཐེ་ཙོམ་ཆོད།། དེ་ནས་བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ།། ང་ཡི་སྲས་མཆོག་ཐུ་བོ་འོད་སྲུང་དང་།། བློ་ལྡན་ཀུན་དགའ་ཁྱོད་ཀྱི་ཐེ་ཙོམ་གཅོད།། ཁྱོད་ཀྱིས
iiif viewer powered by OpenSeadragon
