| e-texts navigator |
| Wylie |
155a1 ནི་རང་དབང་ཅན་ཡིན་ནོ། ། སྙམ་དུ་བསམས་ནས་དེ་བཞིན་གཤེགས་པ་དང་ཆོས་དང་དགེ་སློང་གི་དགེ་འདུན་ལ་སྐྱབས་སུ་སོང་སྟེ། དེའི་རྟོག་པ་ཐུགས་སུ་ཆུད་ནས་བཅོམ་ལྡན་འདས་ཀྱིས་གཞན་གྱི་དབང་གྱུར
155a2 ཐམས་ཅད་སྡུག་ཅེས་ཚིགས་སུ་བཅད་པ་དེ་སྐད་གསུངས་སོ། ། བྱང་ཆུབ་སེམས་དཔའ་རྣམས་ཀྱི་ནང་ན་མིའི་ཁྱུ་མཆོག་འཇམ་དཔལ་ལེགས་སོ་ལེགས་སོ།། སེམས་ཅན་ཐམས་ཅད་ལ་ཕན་པའི་ཕྱིར་དགོངས་པའི་ཚིག་འདི
155a3 རལ་ཞུས་པ་ལེགས་སོ། ། དེ་ནས་བཅོམ་ལྡན་འདས་ཀྱིས་ཡང་འཇམ་དཔལ་གཞོན་ནུར་གྱུར་པ་ལ་ཚིགས་སུ་བཅད་དེ་བཀའ་སྩལ་པ། ཐམས་ཅད་ཟས་ལ་རྟེན་པ་ཡིན།། སེར་སྣ་མེད་པ་ཐམས་ཅད་གསོ།། ཟས་ཀྱི་ཉེས་པས
155a4 ནད་དུ་འགྱུར། ཚངས་པར་སྤྱོད་དང་འགྲོགས་ན་བདེ།། འཇམ་དཔལ་གྱིས་གསོལ་པ། བཅོམ་ལྡན་འདས་ཅི་ལགས་ཙུན་དའི་སྦྱིན་པ་ཆེར་གསོལ་ནས་ཞལ་ཟས་ཀྱི་ཉེས་པས་བསྙེངས་ལགས་སམ། དེ་ནས་བཅོམ་ལྡན
155a5 འདས་ཀྱིས་འཇམ་དཔལ་ལ་འདི་སྐད་ཅེས་བཀའ་སྩལ་ཏོ། ། སེམས་ཅན་ཐམས་ཅད་ཀྱང་ཟས་ལ་རྟེན་པ་མ་ཡིན་ནོ།། སར་སྣ་མེད་པ་ཐམས་ཅད་ཀྱང་གཡོ་བ་མ་ཡིན་ནོ།། ཐམས་ཅད་ལ་ཡང་ཟས་ཀྱི་ཉེས་པས་ནད་དུ་འགྱུར་བ
155a6 མ་ཡིན་ནོ། ། ཆོས་སྤྱོད་པ་རྣམས་དང་འགྲོགས་སོ་ཅོག་ཀྱང་བདེ་བ་མ་ཡིན་ནོ།། འཇམ་དཔལ་གང་གི་ཚེ་ཁྱོད་ནད་ཀྱིས་ཐེབས་པ་དེའི་ཚེད་ཡང་ནད་ཀྱིས་ཐེབས་སོ།། དགྲ་བཅོམ་དང་ནི་རང་སངས་རྒྱས།། བྱང་ཆུབ་སེམས་དཔའ་དེ་བཞིན
155a7 གཤེགས། ། དེ་དག་རྟག་ཏུ་ཟས་མེད་དེ། དེ་ནི་སངས་རྒྱས་ཆོས་ཉིད་དོ།། དགྲ་བཅོམ་པ་རྣམས་དང་། རང་སངས་རྒྱས་རྣམས་དང་། བྱང་ཆུབ་སེམས་དཔའ་རྣམས་དང་། དེ་བཞིན་གཤེགས་པ་རྣམས་ནི་ཞལ་ཟས་ཀྱང་མི་གསོལ་ལ་སྦྱིན།།
155a8 པ་འབུམ་ཕྲག་མང་པོ་ཡང་བཞེས་པར་མཛད་དེ།། སྦྱིན་པ་བླང་བར་བྱ་བའི་གདམས་ངག་ཀྱང་སྟོན་པར་མཛད་དོ།། སེམས་ཅན་རྣམས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་རྒྱ་མཚོ་ལས་ངེས་པར་བསྒྲལ་བའི་ཕྱིར
iiif viewer powered by OpenSeadragon
