| e-texts navigator |
| Wylie |
154a1 འཇམ་དཔལ་གཞོན་ནུར་གྱུར་པས་ཚིགས་སུ་བཅད་དེ་འདི་སྐད་ཅེས་གསོལ་ཏོ། ། མལ་མཆོད་པའི་ཚུལ་གྱིས་ནི།། ཕ་མ་གཉིས་ལ་མཆོད་བགྱིས་ན།། བླ་མ་ས་ཡང་གུས་གྱུར་ལ།། མནར་མེད་འཇིགས་པར་ཇི་ལྟར
154a2 མཆི། དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་འདི་སྐད་ཅེས་བཀའ་སྩལ་ཏོ།། འདིར་ནི་སྲེད་པ་མ་ཞེས་བྱ།། གཏི་མུག་ལ་ནི་བ་ཞེས་བྱ། ཆོས་འདི་གཉིས་ལ་གང་མཆོད་པ།། དེ་ནི་མནར་མེད་འཇིགས་པར་འགྲོ།། དེ་ནས
154a3 བཅོམ་ལྡན་འདས་ཀྱིས་ཡང་འཇམ་དཔལ་གཞོན་ནུར་གྱུར་པ་ལ་ཚིགས་སུ་བཅད་པ་འདི་སྐད་ཅེས་བཀའ་སྩལ་ཏོ། ། གཞན་གྱི་དབང་གྱུར་ཐམས་ཅད་སྡུག། རང་དབང་ཅན་ནི་ཐམས་ཅད་བདེ།། རྒྱལ་དབང་གྱུར་ཀུན་མི་ཟད། དག
154a4 བ་ཐམས་ཅད་བཟང་བ་ཡིན། ། དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་ཆོས་ཀྱི་སྒོད་སྐད་དུ་བཀའ་སྩལ་པ་ནི་ལེགས་པར་བཀའ་སྩལ་པ་མ་ལགས་ཏེ།
154a5 འདི་ནི་ཁྱིམ་བདག་ལ་ལ་ཞིག་གིས་བདག་གི་བུ་བྱིས་པའི་སློབ་དཔོན་ལ་གཏད་ན་ཅི་ལགས་ཁྱེའུ་དེ་གཞན་གྱི་དབང་དུ་གྱུར་པ་ཞེས་མི་བགྱི་ལགས་སམ། དེ་ལ་གཞན་གྱི་དབང་དུ་གྱུར་པ་མ་ལགས་སོ་ཞེས་བགྱིས་ན་ཡང་དོན་དང
154a6 འགལ་བར་འགྱུར་ལ་དེ་ལ་རང་དབང་མན་ལགས་སོ་ཞེས་བགྱིས་ན་ཡང་དོན་དང་འགལ་བར་འགྱུར་ཏེ་ཆོས་འདི་ནི་ཤིན་དུ་རྟག་དཀའ་བ་ལགས་སོ། ། འདི་ན་རྒྱལ་པོའི་བྲེལ་ལ་བཅོས་སུ་མི་རུང་བར་གྱུར་ཏེ་དེ་ཅི་ཡང་སློབ་མི་འཚལ
154a7 ནས་རང་དགའ་དང་། རང་ཉམ་དུ་འབྱམ་པ་དེ་ལ་རང་དབང་ཅན་ཞེས་བགྱིས་ན་ནི་དོན་དང་ཆབས་ཆེར་འགལ་བར་འགྱུར་ལ་གཞན་གྱི་དབང་དུ་གྱུར་ཏོ་ཞེས་བགྱིས་ན་ནི་དོན་དང་འགལ་བར་མི་འགྱུར་ཏེ་ཆོས་འདི་ནི་ཤིན་དུ་རྟག་དཀའ་བ
154a8 ལགས་སོ། ། གཞན་ཡང་དབང་དུ་གྱུར་ཅེས་བགྱི་བའི་ཚིག་བླ་དགས་ནི་དེ་རང་དབང་དུ་གྱུར་ན་སྡིག་པ་བགྱིད་པ་དང་འགུམ་པར་འགྱུར་བས་ན་བཀའ་སྩལ་པ་འདི་ནི་ལྷག་མ་ཡོད་པའི་དོན་ལགས་ཏེ། དེ་བས་ན་གཞན་གྱི་དབང་དུ་གྱུར་པ
iiif viewer powered by OpenSeadragon
