| e-texts navigator |
| Wylie |
150a1 ལ་བྱིན་པ་འབྲས་བུ་ཆུང་བར་འགྱུར་རོ། ། གང་གི་ཚེ་མདོ་སྡེ་ལ་སྐྱབས་སུ་སོང་བ་དེའི་ཚེ་ནི་དེ་དག་ཀྱང་ཡོན་གནས་སུ་འགྱུར་རོ།། གལ་ཏེ་མཚམས་མེད་པ་བྱེད་བྱེད་པ་ཡང་འགྱོད་དོ།། ཀྱེ་མ་བདག་གིས་མི་རིགས་པ་བྱས
150a2 ཀྱིས་བདག་གིས་དམ་པའི་ཆོས་དབྱུང་བར་བྱའོ་སྙམ་དུ་སེམས་ན། ང་ཡང་མཚམས་མེད་པ་བྱེད་བྱེད་པ་མ་ཡིན་པར་རིག་པར་བྱ་སྟེ། དེ་ལ་ནི་ཆུང་ངུ་ཞིག་བྱིན་ན་ཡང་འབྲས་བུ་ཡོད་དོ།། མཆོག་ཏུ་ཚུལ་ཁྲིམས་འཆལ་བ་གཅིག
150a3 ཤོས་དེ་དག་ལ་བྱིན་པ་ནི་འབྲས་བུ་ཆུང་ཟད་ཀྱང་མེད་དོ། ། རིགས་ཀྱི་བུ་གཞན་ཡང་ཕམ་པ་བྱེད་བྱེད་པས་ཇི་ལྟར་བྱ་བ་ཉོན་ཅིག། ཕམ་པ་བྱེད་བྱེད་པས་ནི་ཆོས་ཀྱི་དེ་ཁོ་ན་ཉིད་དེ་བཞིན་གཤེགས་པའི་སྙིང་པོ་ཁོང་དུ་ཆུད་པར་བྱས
150a4 ནས་དམ་པའི་ཆོས་དབྱུང་བར་བྱའོ་སྙམ་དུ་བསམས་ན་དེ་ལ་བྱིན་པ་ཡང་ཆེས་ཁྱད་པར་ཅན་དུ་འགྱུར་རོ། ། རིགས་ཀྱི་བུ་དཔེར་ན་བུད་མེད་སྦྲུམ་མ་ཞིག་ཡུལ་འཁྲུགས་ནས་ཡུལ་གཞན་དུ་སོང་སྟེ་ལྷ་གང་ཞིག་གི་ནང་དུ་བུ
150a5 ཁྱེའུ་ཞིག་བཙས་ཏེ། དེ་བདེ་བར་གྱུར་ནས་ཁྱེའུ་དེ་ཁྱེར་ཏེ་བདག་གི་ཡུལ་ཞི་བར་གྱུར་པའི་འོག་ཏུ་དེ་ལོགས་སུ་ཆས་པ་ལས་ཆུ་ཀླུང་ཆེན་པོ་ཞིག་དང་ཕྲད་ནས་ཆུ་དེ་རྒལ་བ་ན་བུ་དང་བཅས་ཏེ་ཆུའི་ནང་དུ་ཉན་ཐག་པར་གྱུར་ནས། བདག
150a6 ན་ཨི་ཤི་ཡང་བླའི་ཁྱེའུ་འདི་ཐར་པར་བྱའོ་སྙམ་ནས་དེ་དེའི་དོན་དུ་འབད་པ་ལས་བུ་དང་ལྷན་ཅིག་ཏུ་ཤི་ནས་སྔོན་མཆོག་ཏུ་འཇིགས་པའི་ལས་བྱས་སུ་ཟིན་ཀྱང་བུ་ལ་བྱམས་ཤིང་ཐར་པར་བྱའོ་སྙམ་པའི་འབྲས་བུས་མཐོ་རིས་སུ་སྐྱེས
150a7 བ་དེ་བཞིན་དུ་ཕམ་པ་བྱེད་བྱེད་པ་དང་། མཚམས་མེད་པ་བྱེད་བྱེད་པ་ལས་དམ་པའི་ཆོས་འབྱིན་པར་བྱེད་པ་དེ་དག་ནི་སྔོན་སྡིག་པའི་ལས་བྱས་སུ་ཟིན་ཀྱང་དམ་པའི་ཆོས་འབྱིན་པའི་འབྲས་བུས་བུད་མེད་དེ་དང་འདྲ་བར་སེམས་ཅན་ཐམས
150a8 ཅད་ཀྱི་ཡོན་གནས་སུ་འགྱུར་ཏེ། དམ་པའི་ཆོས་འབྱིན་པའི་འབྲས་བུ་ནི་དེ་ལྟར་ཆེའོ།། གསོལ་པ། བཅོམ་ལྡན་འདས་འདོད་ཆེན་པར་ལྷུང་བར་གྱུར་པ་ལས་སླད་ཀྱིས་གཞི་གསུམ་ལ་འཆག་པར་བགྱིད་ཅིང་བཟོད་པ་གསོལ་པར་བགྱིད་ན།
iiif viewer powered by OpenSeadragon
