| e-texts navigator |
| Wylie |
319a1 སེམས་དཔའ་ཆེན་པོ་རྣམས་ཀྱི་སྦྱོར་བ་བཅུ་སྟེ། བཅུ་གང་ཞེ་ན། འདི་ལྟ་སྟེ། ཕ་རོལ་ཏུ་ཕྱིན་པའི་སྦྱོར་བ་དང་། བསྡུ་བའི་དངོས་པོའི་སྦྱོར་བ་དང་། ཤེས་རབ་ཀྱི་སྦྱོར་བ་དང
319a2 བབས་ཀྱི་སྦྱོར་བ་དང་། སྙིང་རྗེ་ཆེན་པོའི་སྦྱོར་བ་དང་། བསོད་ནམས་ཀྱི་ཚོགས་ཡོངས་སུ་ཚོལ་བའི་སྦྱོར་བ་དང་། ཡེ་ཤེས་ཀྱི་ཚོགས་ཡོངས་སུ་ཚོལ་བའི་སྦྱོར་བ་དང་། བསམ་པ་རྣམ་པར་སྦྱར
319a3 བའི་སྦྱིན་པ་དང་། བདེན་པ་རྣམ་པར་དཔྱད་པའི་སྦྱོར་བ་དང་། སྡུག་པ་དང་མི་སྡུག་པ་ཐམས་ཅད་ལ་མངོན་པར་ཞེན་པ་མེད་པའི་སྤོར་བ་སྟེ། རིགས་ཀྱི་བུ་བཅུ་པོ་དེ་དག་ནི་བྱང་ཆུབ་སེམས
319a4 དཔའ་སེམས་དཔའ་ཆེན་པོ་རྣམས་ཀྱི་སྦྱོར་བའོ། ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མི་ཟད་པ་ལ་རྟོག་པ་བཅུ་སྟེ། བཅུ་གང་ཞེ་ན། འདི་ལྟ་སྟེ།
319a5 ལུས་མ་ཟད་པ་ལ་རྟོག་པ་དང་། དངོས་པོ་མི་ཟད་པ་ལ་རྟོག་པ་དང་། ཆོས་མི་ཟད་པ་ལ་རྟོག་པ་དང་། སྲེད་པ་མི་ཟད་པ་ལ་རྟོག་པ་དང་། ལྟ་བ་མི་ཟད་པ་ལ་རྟོག་པ་དང་། ཚོགས་མི་ཟད་པ་ལ
319a6 རྟོག་པ་དང་། ཉེ་བར་ལེན་པ་མི་ཟད་པ་ལ་རྟོག་པ་དང་། མངོན་པར་ཞེན་པ་མེད་པ་མི་ཟད་པ་ལ་རྟོག་པ་དང་། འདུ་བ་མི་ཟད་པ་ལ་རྟོག་པ་དང་། བྱང་ཆུབ་ཀྱི་སྙིང་པོ་ཤེས་པ་མི་ཟད་པ་ལ་རྟོག་པ་སྟེ།།
319a7 རིགས་ཀྱི་བུ་བཅུ་པོ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མི་ཟད་པ་ལ་རྟོག་པའོ།། རིགས་ཀྱི་བུ་གཞན་ཡང་བཅུ་པོ་འདི་དག་ནི་བྱང་ཆུབ་སེམས་དཔའ་སེམས
319a8 དཔའ་ཆེན་པོ་རྣམས་ཀྱི་འདུལ་བའི་དངོས་པོ་སྟེ། བཅུ་གང་ཞེ་ན། འདི་ལྟ་སྟེ། གཏོང་བའི་ཆར་རབ་ཏུ་འབེབས་པས་སེར་སྣའི་སེམས་འདུལ་བ་ཉིད་དང་། ལས་རྣམ་གསུམ་ཡོངས་སུ
iiif viewer powered by OpenSeadragon
