| e-texts navigator |
| Wylie |
315b1 བྱང་ཆུབ་ཀྱི་སེམས་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཀྱི་སེམས་ནི་ཕ་རོལ་ཏུ་ཕྱིན་པ་དྲུག་གི་ཕྱིར་བྱུང་ངོ་།། སྨྲས་པ། འཇམ་དཔལ་ཕ་རོལ་ཏུ་ཕྱིན་པ་དྲུག་ཅིའི་ཕྱིར་བྱུང་། སྦས་ག
315b2 བྱབྱང་ཆུབ་སེམས་དཔའ་རྣམས་ཀྱི་ཕ་རོལ་ཏུ་ཕྱིན་པ་དྲུག་པོ་དག་ནི་ཐབས་དང་ཤེས་རབ་གཉིས་ཀྱི་ཕྱིར་བྱུང་ངོ་། ། སྨྲས་པ། འཇམ་དཔལ་ཐབས་དང་ཤེས་རབ་ཅིའི་བྱེར་བྱུང་། སྨྲས་པ། ལྷའི་བྱ་བྱང་ཆུབ་སེམས་དཔའ་རྣམས་ཀྱི་ཐབས
315b3 དང་ཤེས་རབ་ནི་བག་ཡོད་པའི་ཕྱིར་བྱུང་ངོ་། ། སྨྲས་པ།། འཇམ་དཔལ་བག་ཡོད་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་བགཡོད་པ་ནི་ལེགས་པར་སྤྱོད་པ་རྣམ་པ་གསུམ་གྱི་ཕྱིར་བྱུང་ངོ་།། སྨྲས་པ། འཇམ
315b4 དཔལ་ལེགས་པར་སྤྱོད་པ་རྣམ་པ་གསུམ་ཅིའི་ཕྱིར་བྱུང་། སྨྲས་པ། ལྷའི་བུའི་བྱང་ཆུབ་སེམས་དཔའ་རྣམས་ཀྱི་ལེགས་པར་སྤྱོད་པ་རྣམ་པ་གསུམ་ནི་དགེ་བ་བཅུའི་ལས་ཀྱི་ལམ་གྱི་ཕྱིར་བྱུང་ངོ་།། སྨྲས་པ། འཇམ་དཔལ་དགེ་བ་བཅུའི་ལས
315b5 ཀྱི་ལམ་དག་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་དགེ་བ་བཅུའི་ལས་ཀྱི་ལམ་དག་ནི་སྡོམ་པའི་ཕྱིར་བྱུང་ངོ་།། སྨྲས་པ། འཇམ་དཔལ་སྡོམ་པ་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས
315b6 ཀྱི་སྡོམ་པ་ནི་ཚུལ་བཞིན་ཡིད་ལ་བྱ་བའི་ཕྱིར་བྱུང་ངོ་། ། སྨྲས་པ། འཇམ་དཔལ་ཚུལ་བཞིན་ཡིད་ལ་བྱ་བ་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་ཚུལ་བཞིན་ཡིད་ལ་བྱ་བ་ནི་སོ་སོར་རྟོག་པའི་ཕྱིར་ན
315b7 ངོ། ། སྨྲས་པ། འཇམ་དཔལ་སོ་སོར་རྟོག་པ་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་སོ་སོར་རྟོག་པ་ནི་དྲན་པའི་ཕྱིར་བྱུང་ངོ་།། སྨྲས་པ། འཇམ་དཔལ་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་དག
315b8 ཟླར་བསྡུ་བ་དང་། འབྲས་བུར་བསྡུ་བར་འགྱུར་བ་དུ། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་དག་རྒྱུར་བསྡུ་བ་དང་། འབྲས་བུར་བསྡུ་བར་འགྱུར་བ་ནི་བཞི་པོ་འདི་དག་སྟེ། བན
iiif viewer powered by OpenSeadragon
