| e-texts navigator |
| Wylie |
208b1 ལ་ཆག་གནས་པ། ། གལ་ཏེ་རིགས་ལ་རིགས་དེ་བཞིན།། དེ་ཕྱིར་རིགས་པ་རིགས་པ་ཡིན།། དེ་ལས་གཞན་དུ་མ་རྟོག་ཤིག། མིག་དང་ལས་དང་སྲེད་པ་དང་།། མ་རིག་ད་ཚུལ་བཞིན་མིན།། མིག་དང
208b2 གཟུགས་དང་ཡིད་རྣམས་དང་། ། རྙོག་པའི་ཡིད་ཀྱང་དེ་བཞིན་ནོ།། །། འཕགས་པ་ལང་ཀར་གཤེགས་པ་ཞེས་བྱ་བ་ཐེག་པ་ཆེན་པོའི་མདོ་ཇི་སྙེད་པ་རྫོགས་སྷོ།།
208b3 འཕགས་པ་ལང་ཀར་གཤེགས་པ་རིན་པོ་ཆེའི་མདོ་ལས་སངས་རྒྱས་ཐམས་ཅད་ཀྱི་གསུང་གི་སྙིང་པོ་ཞེས་བྱ་བའི་ལེའུ།། ། བམ་པོ་དང་པོ།། ། སངས་རྒྱས་དང་།
208b4 བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ལྷོ་ཕྱོགས་ཀྱི་རྒྱ་མཚོའི་འགྲམ་ལང་ཀའི་རིའི་རྩེ་མོ་རིན་པོ་ཆེའི་མེ་ཏོག་སྣ་ཚོགས་ཀྱིས
208b5 བཀོད་པ་ན། དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོའི་ཚོགས་སངས་རྒྱས་ཀྱི་ཞིང་སྣ་ཚོགས་ཐ་དད་པ་ནས་འདུས་པ་དག་དང་ཐབས་གཅིག་ཏུ་བཞུགས་ཏེ། བྱང་ཆུབ
208b6 སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཀྱང་ཚད་མེད་པའི་ཏིང་ངེ་འཛིན་དང་། དབང་པོ་དང་། སྟོབས་དང་། མངོན་པར་ཤེས་པས་རྣམ་པར་རྩོན་པ་ཤ་སྟག་ལ། བྱང་ཆུབ་སེམས་དཔའ་སེམས་དཔའ
208b7 པོ་བློ་གྲོས་ཆེན་པོ་ནི་གཙོ་བོར་གྱུར་ཏེ། སངས་རྒྱས་ཐམས་ཅད་ཀྱི་ཕྱག་གིས་སྤྱི་བོ་ནས་དབང་བསྐུར་བས་དབང་བསྐུར་བ། རང་གི་སེམས་སྣང་བའི་སྤྱོད་ཡུལ་གྱི་དོན་ལ་རབ་ཏུ་མཁས་པ། སེམས་ཅན་སྣ་ཚོགས་ཀྱིས་སེམས་དང
208b8 གཟུགས་སྣ་ཚོགས་དང་། འདུལ་བའི་སྒོ་ཚད་མེད་པ་རྣམས་ཇི་ལྟ་བ་བཞིན་དུ་ཀུན་དུ་སྟོན་པ། ཆོས་ལྔ་དང་། རང་བཞིན་དང་། རྣམ་པར་ཤེས་པ་དང་། བདག་མེད་པ་གཉིས་རྟོགས་པར་ཁོང་དུ་ཆུད་པའོ།། དེ་ནས་བྱང་ཆུབ་སེམས
iiif viewer powered by OpenSeadragon
