| e-texts navigator |
| Wylie |
202b1 གྱུར། ། དེ་ཡི་གནས་པ་བཞི་པོ་རྣམས།། གཟུགས་མེད་པར་ནི་ཇི་ལྟར་ཡོད།། བྱ་ནིང་དངོས་པོ་མེད་པའི་ཕྱིར།། རྣམ་པར་ཤེས་པ་མི་འཇུག་གོ། སྲིད་པ་བར་མའི་ཕུང་པོ་རྣམས།། རྟོག་གེ་ཅན་རྣམས་འདོད་པ་ལྟར།། དེ་བཞིན་གཟུགས་མེད
202b2 པར་སྐྱེས་པའི། ། སྲིད་པའི་གཟུགས་ནི་མེད་དམ་ཅི།། སེམས་ཅན་རྣམས་ཤེས་མེད་ན་ནི།། ནན་ཏན་མ་བྱས་ཐར་པར་འགྱུར།། མུ་སྟེགས་སྨྲ་བ་ཐེ་ཙོམ་མེད།། རྟོག་གེ་ཅན་གྱིས་མི་ཤེས་སོ།། དེ་ན་གཟུགས་ཀྱང་ཡོད་པ་སྟེ།། གཟུག
202b3 མེད་པ་ལ་ལྟ་བ་མེད། ། དེ་མེད་པས་ན་གྲུབ་མཐའ་མེད།། ཐེག་པ་མེད་ཅིང་འགྲོ་བ་མེད།། དབང་པོ་རྣམས་དང་ལྡན་པ་ཡི།། བག་ཆགས་ལས་བྱུང་རྣམ་ཤེས་པ།། རྣམ་པ་བརྒྱད་ལས་ཕྱོགས་གཅིག་ནི།། སྐད་ཅིག་དུས་སུ་མའི་ཛིན་ཏོ།།
202b4 ཇི་ལྟར་གཟུགས་ནི་མི་འཇུག་ལྟར།། དབང་པོ་རྣམས་དང་དབང་མ་འཇུག། དེ་ཕྱིར་བཅོམ་ལྡན་འདས་ཀྱིས་ཀྱང་།། དབང་པོ་ལ་སོགས་སྐད་ཅིག་བཤད།། གཟུགས་ནི་རྟོག་པར་མ་གྱུར་པར།། རྣམ་པར་ཤེས་པར་ཇི་ལྟར་འཇུག།
202b5 རྣམ་པར་ཤེས་པར་མ་ཞུགས་ན།། ཇི་ལྟར་འཁོར་བ་སྐྱེས་པར་འགྱུར།། སྐྱེས་མ་ཐག་ཏུ་འཇུག་པར་ནི།། རྣམ་པར་འདྲེན་པ་མི་འཆང་ངོ་།། དངོས་པོ་རྣམས་ཀྱི་རྣམ་རྟོག་པ།། འགྲོ་བར་བར་ཆད་མེད་པར་གཡོ།། དབང་པོ་རྣམས་དང
202b6 དབང་པོའི་དོན། ། མཁས་ལ་མ་ཡིན་བླུན་པོ་ལ།། བྱིས་པ་རྣམས་ནི་མིང་གིས་འཛིན།། འཕགས་པ་མིང་གིས་དོན་ལ་མཁས།། དྲུག་པོ་ལ་ནི་ཉེར་ལེན་མེད།། ཉེར་ལེན་བཅས་པ་མི་ཟིན་ཏོ།། ཡོད་པའི་ཉེས་དང་རྣམ་བྲལ་བ།། བྱེ་བྲག
202b7 མི་འབྱེད་འཕགས་པ་སྨྲ། ། ཤེས་པ་སྤངས་པའི་རྟོག་གེ་བ།། རྟག་དང་ཆད་པས་འཇིགས་པ་དག། འདུས་བྱས་འདུས་མ་བྱས་ལ་བདག། བྱིས་པ་བྱེ་བྲག་མི་བྱེད་དོ།། གཅིག་པ་ལ་ཡང་སྦྱིན་པ་ཡོད།། ཐ་དད་པལའ་ཡོད་པ་མིན།།
202b8 སེམས་དང་ལྷན་ཅིག་གཅིག་པ་སྟེ།། ཡིད་ལ་སོགས་དང་ཐ་དད་དོ།། སེམས་དང་སེམས་ལས་བྱུང་བསྒྲགས་པའོ།། སྦྱིན་པ་གང་ཚེ་ཉེར་ལེན་ལས།། དབྱེན་དེ་ལ་ཇི་ལྟར་ན།། གཅིག་པར་ཁོང་དུ་ཆུད་པར་བྱ།། ཉེར་ལེན་བཅས་པའི་དམིག
iiif viewer powered by OpenSeadragon
