| e-texts navigator |
| Wylie |
202a1 འབྱུང་བ་མཚན་ཉིད་མི་མཐུན་པ། ། གཟུགས་ཀྱི་དངོས་པོ་སྐྱེད་པ་སྟེ།། དེ་ནི་འབྱུང་བ་གནས་པ་ཡིན།། འབྱུང་འགྱུར་འབྱུང་བས་མ་བྱས་སོ།། མེ་ནི་གཟུགས་ལ་སྲེག་པར་བྱེད།། སྤྲུལ་པའི་རང་བཞིན་ཆུའི་ཁམས།། རླུང
202a2 ནི་གཟུགས་ལ་འདོར་བྱེད་པ། ། འབྱུང་བས་ཇི་ལྟར་སྐྱེ་བར་འགྱུར།། རྣམ་པར་ཤེས་དང་གཟུགས་ཕུང་པོ།། དེ་ནི་གཉིས་ཏེ་ལྔ་མ་ཡིན།། ཕུང་པོའི་རྣམ་གྲངས་ཐ་དད་པ།། ངས་ནི་རྣམ་པ་བརྒྱར་ཡང་བཤད།། སེམས་དང་སེམས་བྱུང་བྱེ་བྲག་ནི།
202a3 འཇུག་པ་རབ་ཏུ་འཇུག་པ་ཡིན།། གཟུགས་ཀྱི་རྣམ་པར་འདྲེས་པ་སྟེ།། འབྱུང་ལས་གྱུར་མིན་སེམས་གཟུགས་སོ།། སྔོ་ལ་སོགས་པའི་ཟླ་ཡིས་དཀར།། དཀར་ལ་སོགས་པའི་ཟླ་ཡིས་སྔོ།། རྒྱུ་དང་འབྲས་བུ་བསྐྱེད་པ་དང་།། ཡོད་དང་།
202a4 མེད་དང་སྟོང་པ་ཉིད།། གྲུབ་བྱེད་གྲུབ་དང་བསྒྲུབ་བྱ་དང་།། གྲང་དྲོ་མཚན་དང་མཚན་གཞི་དང་།། དེ་ལ་སོགས་པ་ཐམས་ཅད་ནི།། རྟོག་གེ་ཅན་གྱིས་མ་བསྒྲུབས་སོ།། སེམས་དང་ཡིད་དང་རྣམ་ཤེས་དྲུག། དེ་དག་བདག་དང་ལྡན་པ་སྟེ།།
202a5 གཅིག་དང་ཐ་དད་བྲལ་བ་ཡི།། ཀུན་གཞི་དེ་ནི་རབ་ཏུ་འཇུག། གྲངས་ཅན་གཅེར་བུ་ཁྱད་པར་ཅན།། དབང་ཕྱུག་སྨྲས་པའི་རྟོག་གེ་བ།། ཡོད་དང་མེད་པའི་ཕྱོགས་སུ་ལྷུང་།། དབེན་པའི་དོན་གྱིས་རྣམ་པར་སྤངས།། དབྱིབས་དང་བྱེད
202a6 བྲག་དག། འབྱུང་ལས་སྐྱེས་ཏེ་འབྱུང་བ་མིན།། མུ་སྟེགས་ཅན་ནི་འབྱུང་འགྱུར་དང་།། འབྱུང་བ་རྣམས་ཀྱང་སྐྱེ་བར་སྨྲ།། དེ་ལས་གང་གཞན་མུ་སྟེགས་ཅན།། རྒྱུ་ལས་མ་སྐྱེས་རྟོག་པར་བྱེད།། ཡོད་མེད་ཕྱོགས་ལས་རྟེན་པའི་རྣམ
202a7 རྨོངས་པས་ཁོང་དུ་མི་ཆུད་དོ། ། སེམས་དང་ལྷན་ཅིག་ལྡན་པ་སྟེ།། ཡིད་ལ་སོགས་དང་བྲལ་བ་ཡིན།། རྣམ་དག་མཚན་ཉིད་སེམས་ཅན་ནི།། ཡེ་ཤེས་དང་ནི་ལྷན་ཅིག་གནས།། གཟུགས་དང་ལས་ནི་གང་ཡོད་དང་།། ཕུང་པོ་ཡུལ་གྱི་རྒྱུས
202a8 བྱང་དག་། སེམས་ཅན་རྣམས་ཀྱང་ཉེར་ལེན་མེད།། གཟུགས་མེད་པ་ན་མི་གནས་སོ།། སེམས་ཅན་མེད་པར་གྱུར་པའི་ཕྱིར།། སེམས་ཅན་སྨྲ་ལ་བདག་མེད་འགྱུར།། རྣམ་པར་ཤེས་པའང་མི་འབྱུང་ཕྱིར།། བདག་མེད་སྨྲ་བ་ཆད་པ
iiif viewer powered by OpenSeadragon
