| e-texts navigator |
| Wylie |
201b1 ཁ་དོག་རྒྱས་དང་ལྡན་པའི་ཕྱིར། ། སྤྲོས་པ་རྣམས་ཀྱིས་བསྡུས་པའི་གཟུགས།། མཐོང་ནས་ཕྱི་རོལ་དག་དུ་ཡང་།། རྣམ་པར་རྟོག་པ་རབ་ཏུ་འཇུག། དེ་ཉིད་ཡོངས་སུ་ཤེས་པ་དང་།། ཡང་དག་ཇི་བཞིན་དོན་མཐོང་ཕྱིར།། འཕགས་པའི
201b2 རིགས་དང་འཐུན་པ་ཡི། ། སེམས་ནི་མངོན་པར་མི་འཇུག་གོ། འབྱུང་བ་རྣམས་ནི་མ་གཏོགས་པར།། དངོས་པོ་སྐྱེ་བ་མེད་པ་སྟེ།། རྟག་པར་འབྱུང་བ་འདྲ་བའི་སེམས།། མ་སྐྱེས་པར་ནི་རྣམ་པར་བསྒོམ།། རྣམ་པར་རྟོག་ལ་མ་རྟོག།
201b3 ཤིག། རྣམ་པར་རྟོག་མེད་མཁས་པའོ།། རྣམ་པར་རྟོག་ལ་བརྟགས་གྱུར་ན།། གཉིས་མིན་མྱ་ངན་འདས་མ་ཡིན།། མི་སྐྱེ་བར་ནི་དམ་བཅས་པའི།། ཚུལ་ནི་སྒྱུ་མ་བཞིན་དུ་སྣང་།། སྒྱུ་མ་རྒྱུ་མེད་བྱུང་བ་སྟེ།། གྲུབ་མཐའ་འདས
201b4 ཤིང་ཉམས་པར་འགྱུར། ། ཐོག་མ་མེད་ནས་བསྒོམས་པའི།། སེམས་ནི་གཟུགས་བརྙན་བཞིན་དུ་སྣང་།། དོན་ལྟ་བུ་སྟེ་དོན་མེད་མིན།། ཡང་དག་ཇི་བཞིན་རྣམ་པར་བསྒོམ།། མེ་ལོང་ལ་ནི་ཇི་ལྟར་གཟུགས།། གཅིག་དང་ཐ་དད་ཉིད
201b5 སྤངས་པ། ། སྣང་སྟེ་དེ་ནི་མེད་པའང་མིན།། སྐྱེ་བའི་མཚན་ཉིད་དེ་བཞིན་ནོ།། དྲི་ཟ་སྒྱུ་མ་ལ་སོགས་དག། རྒྱུ་དང་རྐྱེན་ལ་ལྟོས་པ་ལྟར།། དེ་བཞིན་དངོས་པོ་ཐམས་ཅད་ཀྱི།། འབྱུང་བ་ཡིན་ཏེ་མི་འབྱུང་མེད།། བདག་དང་ཆོས་སུ
201b6 བརྟགས་པ་ཡིས། ། རྣམ་པར་རྟོག་པ་སྐྱེས་བུ་ལྟར།། འཇུག་པ་རྣམ་པ་གཉིས་ཀྱིས་འཇུག། བྱིས་པ་རྣམས་ཀྱིས་མི་རྟོགས་སོ།། མ་ཚང་བ་དང་རྐྱེན་གྱི་དབང་།། དེ་བཞིན་ཉན་ཐོས་དགྲ་བཅོམ་པ།། བདག་མཐུ་རག་ལས
201b7 རྒྱལ་བ་འང་། ། རག་ལུས་ཉན་ཐོས་ལྔ་པོར་བཤད།། དུས་གཞན་དུ་ནི་ཞིག་པ་དང་།། དོན་དམ་དུ་དང་ཕན་ཚུན་དང་།། མི་རྟག་པ་ནི་རྣམ་པ་བཞི།། བྱིས་པ་མི་མཁས་རྟོག་པར་བྱེད།། ཡོན་ཏན་རྡུལ་བྲན་རང་བཞིན་རྒྱུས།། བྱིས
201b8 པ་མཐའ་གཉིས་ལྷུང་བ་དག། ཡོད་དེང་མེད་པའི་ཕྱོགས་འཛིན་ཕྱིར།། ཐར་པ་ཡི་ནི་ཐབས་མི་ཤེས།། ཇི་ལྟར་བྱིས་པ་སོར་མོ་རྩེར།། ཟླ་བར་འཛིན་ཏེ་གཞན་དུ་མིན།། ཇི་ལྟར་ཡི་གེར་ཆགས་པའི་རྣམས།། དེའི་དེ་བཞིན་ཉིད་མི
iiif viewer powered by OpenSeadragon
