| e-texts navigator |
| Wylie |
200a1 སྐད་ཅིག་སྐད་ཅིག་དག་ལ་ཡང་།། སྐྱེ་དང་སྐྱེ་དང་འཆི་བཤད་པ།། དགོངས་པ་བདག་ལ་བཤད་དུ་གསོལ།། ཇི་ལྟར་གཟུགས་ལས་གཟུགས་གཞན་བཞིན།། སེམས་ཀྱང་འདུས་ནས་འཇིག་པར་འགྱུར།། དེའི་ཕྱིར་སློབ
200a2 མ་རྣམས་ལ་ནི། ། སྐད་ཅིག་གཅིག་ནས་གཅིག་སྐྱེ་བཤད།། གཟུགས་དང་གཟུགས་ལ་རྣམ་རྟོག་པ།། འབྱུང་དང་འཇིག་པ་དེ་བཞིན་ནོ།། རྣམ་པར་རྟོག་པ་སྐྱེ་བ་ཡིན།། རྣམ་པར་རྟོག་པ་གཞན་མེད་དོ།། སྐད་ཅིག་སྐད་ཅིག་གང་དེས་བཤད།
200a3 འདིན་རྐྱེན་ཏུ་བཤད་པ་ཡིན།། གཟུགས་སུ་འཛིན་པ་རྣམ་སྤངས་པ།། སྐྱེ་བ་མེད་ཅིང་འཇིག་པ་མེད།། རྐྱེན་དང་རྐྱེན་ལས་སྐྱེས་པ་རྣམས།། མ་རིག་དེ་བཞིན་ཉིད་ལ་སོགས།། ཆོས་གཉིས་ཀྱིས་ནི་འཇུག་པར་འགྱུར།། མི་གཉིས་དེ་བཞིན་ཡིད་གཉིས
200a4 སོ། ། རྐྱེན་དང་རྐྱེན་ལས་སྐྱེས་པ་ཡི།། ཆོས་རྣམས་གལ་ཏེ་ཁྱད་མེད་ན།། རྟག་ལས་སོགས་པ་འབྲས་བུར་འགྱུར།། རྐྱེན་རྣམས་ཀྱང་ནི་རྒྱུར་འགྱུར་རོ།། རྒྱུ་དང་འབྲས་བུ་བཟད་པའི་ཕྱིར།། ཁྱོད་དང་སངས་རྒྱས་རྣམས་ཀྱི་གསུང་།། མུ་སྟེགས་ཅན།
200a5 དང་ཁྱད་མེད་འགྱུར།། དེ་ཕྱིར་ཐུབ་ཆེན་འཕགས་མ་ཡིན།། མདོམ་གང་ཙམ་གྱི་ལུས་ལ་ནི།། འཇིག་རྟེན་ཀུན་འབྱུང་འཇིག་རྟེན་དང་།། འགོག་པར་འགྲོ་བའི་ལམ་གྱི་རྣམས།། རྒྱལ་སྲས་རྣམས་ལ་རབ་ཏུ་བཤར།། རང་བཞིན་གསུམ་ལ་འཛིན་པ
200a6 ཡིས། ། སོ་སོའི་སྐྱེ་བོའི་གཟུང་འཛིན་ལྟ།། འཇིག་རྟེན་འདས་དང་འཇིག་རྟེན་པའི།། ཆོས་རྣམས་རྣམ་པར་རྟོག་པར་བྱེད།། དེ་ཕྱིར་སྔོན་ལ་བལྟ་བྱ་སྟེ།། རང་བཞིན་གཉིས་ནི་སྨོས་པར་བྱ།། ལྟ་བ་རྣམས་ནི་བཟློག་པའི་ཕྱིར།། རང་བཞིན་རྣམ་པར
200a7 མི་བརྟག་གོ། ། ཉམས་པའི་ཉེས་ཕྱིར་སྡོམ་པ་མེད།། སེམས་ཀྱང་འཇུག་པར་མི་འགྱུར་རོ།། གཉིས་སུ་འཛིན་ཕྱིར་འཇུག་པར་འགྱུར།། དེ་བཞིན་ཉིད་ནི་གཉིས་མེད་ཡིན།། མི་ཤེས་པ་དང་སྲེད་པ་ལས།། རྣམ་ཤེས་ལ་སོགས་ཚུལ་མ་སྐྱེས།
200a8 མཐར་ཐུག་མེད་དང་བྱས་པ་དང་།། སྲིད་པ་བྱས་ལས་མི་སྐྱེའོ།། དངོས་པོ་རྣམས་ཀྱི་འཇིག་པ་ནི།། མི་མཁས་རྣམས་ཀྱིས་རྣམ་བཞིར་བཤད།། རྣམ་པར་རྟོག་པ་གཉིས་འཇུག་ཕྱིར།། དངོས་པོ་ཡོད་དང་དངོས་མེད་མེད།། མཐའ་བཞི་དག་ལས
iiif viewer powered by OpenSeadragon
