| e-texts navigator |
| Wylie |
199b1 རབ་ཏུ་གྱུར་པ་གནས་མེད་པའོ། ། བཞི་ཡི་ཕྱོགས་རྣམས་ཕྱིར་བཟློག་ཅིང་།། གལ་ཏེ་དངོས་པོ་རྒྱུ་ཅན་ན།། མིང་གི་བྱེ་བྲག་གཞན་དེ་བྱས།། དེ་ནི་བསྒྲུབས་པ་མ་ཡིན་ནོ།། རྒྱུ་དང་རྐྱེན་རྣམས་འདུས་པ་དང་།། དྷཱ་ནི་བཀག་པར་གྱུར་པའི
199b2 ཕྱིར། ། དེ་དག་དོན་གྱིས་དབོག་པར་འགྱུར།། ཡང་ན་རྒྱུ་ལས་བྱུང་བར་འགྱུར།། གལ་ཏེ་རྐྱེན་རྣམས་མི་རྟག་ན།། རྟག་པའི་ཉེས་པ་བཟློག་པར་འགྱུར།། བྱིས་པ་རྣམས་ནི་མི་རྟག་ཕྱིར།། འབྱུང་བ་མེད་ཅིང་འཇིག་པ་མེད།། གང་ཡང་འཇིག
199b3 པར་འགྱུར་བཞིན་དུ། ། རྒྱུར་གྱུར་པ་ནི་མི་སྣང་ངོ་།། མི་མཐོང་བ་ནི་ཇི་ལྟར་ཅིས།། མི་རྟག་པ་ལས་སྲིད་མི་འབྱུང་།། བསྡུ་བ་དག་གིས་སེམས་ཅན་གདུལ།། ཚུལ་ཁྲིམས་ཀྱིས་ནི་དབང་དུ་བྱ།། ཤེས་རབ་དག་གིས་ལྟ་བ་གཞིག། རྣམ་པར
199b4 ཐར་པས་ཤིན་དུ་སྤེལ། ། འདི་ཀུན་འཇིག་རྟེན་རྒྱང་ཕན་ཏེ།། མུ་སྟེགས་ཅན་གྱིས་གང་བཤད་བརྫུན།། རྒྱ་དང་འབྲས་བུ་ཡོད་ལྟ་བས།། རང་གི་གྲུབ་པའི་མཐའ་ཡང་མེད།། དེ་འདྲའི་གཅིག་པུ་རང་གྲུབ་མཐའ།། རྒྱུ་དང་འབྲས་བུ་རྣམ་པར
199b5 སྤངས། ། འཇིག་རྟེན་རྒྱང་པན་རྣམ་བྲལ་བ།། སློབ་མའི་སྡེ་ལ་བཤད་པར་བྱ།། སེམས་ཙམ་སྟེ་ནི་སྣང་བ་མེད།། རྟག་དང་ཆད་པ་སྤངས་པ་ཡི།། གཟུང་དང་འཛིན་པའི་དངོས་པོ་རུ།། སེམས་ནི་རྟག་པ་གཉིས་སུ་སྣང་།། ཛ་སྲིད་སེམས་ནི།
199b6 འཇུག་པའི་བར།། དེ་སྲིད་འཇིག་རྟེན་རྒྱང་པན་ཡིན།། འཇིག་རྟེན་རང་གི་སེམས་མཐོང་ན།། རྣམ་པར་རྟོག་པ་མི་འཇུག་གོ། འདུ་བ་འབྲས་བུ་དོན་གྲུབ་པ།། ཟད་པ་འབྲས་བུ་མ་མཐོང་བ།། འདུ་དང་ཟད་པ་ཡོངས་ཤེས་ན།། རྣམ་པར
199b7 རྟོག་པ་མི་འཇུག་གོ། ། རྟག་དང་མི་རྟག་བྱས་པ་དང་། མ་བྱས་པ་དང་གཞན་མིན་གཞན།། དེ་ལ་སོགས་པ་ཐམས་ཅད་ནི།། འཇིག་རྟེན་རྒྱང་ཕན་ཚུན་ཡིན་ནོ།། ལྷ་དང་ལྷ་མ་ཡིན་དང་མི།། བྱོལ་སོར་ཡི་དགས་གཤི་རྗེའི་གནས།། གང
199b8 དུ་ལུས་ཅན་སྐྱེ་བ་ཡི། ། འགྲོ་བ་རྣམ་པ་དྲུག་དུ་བཤད།། རབ་འབྲིང་ཐ་མའི་ལས་རྣམས་ཀྱིས།། དེ་དག་ཏུ་ནི་སྐྱེ་བར་འགྱུར།། དགེ་བ་ཐམས་ཅད་བསྲུངས་ན་ནི།། ཁྱད་པར་དུའམ་ཐང་བར་འགྱུར།། ཁྱོད་ཀྱིས་དགེ་སློང་སྡེ་རྣམས་ལ།
iiif viewer powered by OpenSeadragon
