| e-texts navigator |
| Wylie |
196b1 འབྲེལ་སེམས། ། ཇི་ལྟ་བུར་ན་འཇུག་པར་འགྱུར།། དེ་བཞིན་ཉིད་དང་སྟོད་ཉིད་མཐའ།། མྱ་ངན་འདས་དང་ཆོས་ཀྱི་དབྱིངས།། ཆོས་རྣམས་སྐྱེ་བ་མེད་པ་ནི།། དེ་ན་དམ་གྱི་ནི་རང་བཞིན་ནོ།། རྒྱུ་དང་རྐྱེན་ལ་རྟོག་པ་ཡིས།། སྲིད་པ་རྐུ་མེད།
196b2 མ་བྱུང་བར།། རབ་ཏུ་ཤེས་པར་མ་གྱུར་པས།། བྱིས་པ་ཡོད་དང་མེད་པར་ལྡན།། སྣང་བ་མེད་པར་སེམས་མངོན་ཏེ།། བྱེ་བྲག་ཐོག་མ་མེད་རྒྱུས་འབྱུང་།། ཐོག་མ་མེད་ནས་དོན་མེད་ན།། བྱེ་བྲག་ཅི་ཡིས་སྐྱེ་བར་འགྱུར།། གལ
196b3 ཏེ་མེད་པས་རྒྱས་འགྱུར་ན། ། དབུལ་པོ་དག་ཀྱང་ནོར་ལྡན་འགྱུར།། དོན་མེད་ཇི་ལྟར་སེམས་སྐྱེ་བ།། ཐུབ་པས་བདག་ལ་བཤད་དུ་གསོལ།། འདི་དག་ཐམས་ཅད་རྒྱུ་མེད་དེ།། སེམས་ཀྱང་མེད་ཅིང་སྤྱོད་ཡུལ་མེད།། །
196b4 སེམས་ཀྱང་རྒྱས་པར་མི་འགྱུར་ཏེ།། སྲིད་པ་གསུཔ་ནི་བྱེད་སྤངས་པའོ།། སྐྱེ་བ་རྣམ་པར་བཟློག་པའི་ཕྱིར།། མི་སྐྱེ་བ་ནི་རབ་ཏུ་བསྒྲུབ།། སྒྱུ་མེད་སྨྲ་བར་བཤད་པ་ནི།། བྱིས་པ་རྣམས་ཀྱིས་མི་རིག་གོ། འདི་དག་ཐམས
196b5 ཅད་མ་སྐྱེས་པ། ། དངོས་པོ་མེད་པའང་མ་ཡིན་ཏེ།། རྨི་ལམ་སྐུ་འདྲ་དྲི་ཟའི་གྲོང།། རྒྱུ་མེད་པ་ཡི་དངོས་པོ་ཡོད།། མ་སྐྱེས་རང་བཞིན་མེད་པ་དང་།། ཅི་ཕྱིར་སྟོང་པའང་བདག་ལ་གསུངས།། འདུས་པ་དག་ནི་མ་གཏོགས་པར།
196b6 ནམ་ཞིག་དངོས་པོ་མི་སྣང་བ།། དེ་ཚེ་མ་སྐྱེས་སྟོང་པ་སྟེ།། རང་བཞིན་མེད་པར་ངས་བཤད་དོ།། རྨི་ལམ་སྐྲ་ཤད་སྒྱུ་མ་དང་།། དྲི་ཟའི་གྲོང་ཁྱེར་སྨིག་རྒྱུ་རྣམས།། རྒྱུ་མེད་པར་ཡང་སྣང་གྱུར་པ།། འཇིག་རྟེན་སྣ་ཚོགས་དེ
196b7 བཞིན་ནོ། ། དེ་བཞིན་འདུས་པ་རེ་རེར་ཡང་།། སྣང་བ་མེད་པས་ཡོད་པ་མིན།། འདུས་པ་མུ་སྟེགས་ལྟ་བ་ལྟར།། འཇིག་པས་རྣམ་པར་འགྱུར་བ་མིན།། རྒྱུ་མེད་སྨྲ་བས་གཙང་བྱ་སྟེ།། མ་སྐྱེས་པ་ཡང་རབ་ཏུ་བསྒྲུབ།
196b8 སྐྱེ་བ་མེད་པ་རབ་བསྒྲུབས་ན།། ང་ཡི་ཚུལ་ནི་མི་འཇིག་གོ། རྒྱུ་མེད་སྨྲ་བ་བསྟན་ན་ནི།། ཇི་ལྟར་ཅི་ལས་ཅི་དག་གིས།། གང་དུ་རྒྱུ་མེད་སྐྱེར་འགྱུར་ཞེས།། མུ་སྟེགས་ཅན་རྣམས་འཇིགས་པ་སྐྱེ།། རྒྱུ་ལས་མ་ཡིན་རྒྱུ་མེད།
iiif viewer powered by OpenSeadragon
