| e-texts navigator |
| Wylie |
196a1 པ་ཡང་མེད་འགྱུར་ན། ། དངོས་པོ་མེད་པར་ཇི་ལྟར་སེམས།། སེམས་ཙམ་དུ་འང་མི་རུང་ངོ་།། དངོས་པོ་ལ་ནི་དམིགས་བྱས་ཤིང་།། མི་རྣམས་སེམས་ཀྱང་སྐྱེ་བར་འགྱུར།། སྒྱུ་མེད་པར་ནི་ཇི་ལྟར་སེམས
196a2 སེམས་ཙམ་དུ་ནི་མི་རུང་ངོ་། ། འཕགས་པའི་དངོས་པོའི་ཚུལ་ལ་ནི།། དེ་བཞིན་ཉིད་དང་སེམས་ཙམ་ཡོད།། ཡོད་པའང་མིན་པ་དེ་དག་ནི།། ངའི་ཚུལ་ལ་མི་མཁས་པའི།། གཟུང་དང་འཛིན་པའི་དངོས་པོར་ནི།། ག
196a3 ཏེ་སེམས་ནི་འཇུག་འགྱུར་ན། ། ད་ནི་འཇིག་རྟེན་པའི་སེམས།། སེམས་ཙམ་དུའང་མི་རུང་ངོ་།། ལུས་དང་ལོངས་སྤྱོད་གནས་འདྲ་དང་།། གལ་ཏེ་རྨི་ལམ་འདྲ་སྐྱེ་ན།། སེམས་ནི་རྣམ་པ་གཉིས་སུ་འགྱུར།། སེམས་ལ་གཉིས
196a4 ཀྱི་མཚན་ཉིད་མེད། ། ཇི་ལྟར་རལ་གྲི་རང་སོ་དང་།། ཇི་ལྟར་འཛུབ་མོ་རང་རྩེ་དང་།། མི་གཅོད་རེག་པར་མི་འགྱུར་བ།། དེ་བཞིན་སེམས་ཀྱིས་རང་བལྟའོ།། གཞན་དག་མེད་ཅིང་དབང་ཡང་མེད།། བརྟགས་པ་ཡི་ནི་དངོས་པོ
196a5 མེད། ། ཆོས་ལྔ་རྣམས་དང་སེམས་གཉིས་ཀྱང་།། སྣང་བ་མེད་ལ་མེད་པའོ།། སྐྱེ་བར་བྱ་དང་སྐྱེ་བྱེད་དང་།། དངོས་པོའི་མཚན་ཉིད་རྣམ་གཉིས་ཏེ།། སྐྱེ་བར་བྱེད་ལས་དགོངས་བྱས་ནས།། རང་བཞིན་མེད་པར་ངས་བཤདདེ།
196a6 རྣམ་པ་སྣ་ཚོགས་དོན་དབྱིབས་སུ།། གལ་ཏེ་རྣམ་པར་རྟོག་སྐྱེན།། རི་བོང་དྲི་དང་ནམ་མཁའ་ཡང་།། དོན་དུ་སྣང་བ་འབྱུང་བར་འགྱུར།། གལ་ཏེ་མ་བརྟགས་དོན་ཡོད་ན།། སེམས་ཀྱང་དོན་དུ་སྣང་བར་འགྱུར།། སེམས་དང
196a7 ཐ་དད་བརྟགས་པ་ཡི། ། དོན་ནི་ཤིན་དུ་མི་དམིགས་སོ།། ཐོག་མ་མེད་ལྡན་འཁོར་བ་ན།། དོན་ནི་གང་ནའང་མེད་པ་སྟེ།། སེམས་ནི་རྒྱས་པར་མ་གྱུར་ན། ཇི་ལྟར་དོན་དུ་སྣང་བར་འཇུག
196a8 གལ་ཏེ་མེད་པས་རྒྱས་འགྱུར་ན། ། རི་བོ་དདྲ་ཡང་དེར་འགྱུར་རོ།། དངོས་པོ་མེད་པས་རྒྱས་འགྱུར་བའི།། རྣམ་པར་རྟོག་པ་མི་འབྱུང་ངོ་།། ཇི་ལྟར་ད་ལྟར་མེད་པ་བཞིན།། སྔོན་ཀྱང་དེ་ནི་ཡོད་པ་མིན།། དོན་མེད་པར་ནི་དེན
iiif viewer powered by OpenSeadragon
