| e-texts navigator |
| Wylie |
194b1 ལས་ནི་འཇིག་པར་མི་འགྱུར་རོ། ། གལ་ཏེ་དེ་དག་དང་འབྲེལ་བའི།། མི་ཡི་ལས་ནི་འཇིག་འགྱུར་ན།། ལས་ཀྱི་འབྲེལ་བ་ཞིག་པའི་ཕྱིར།། འཁོར་མེད་མྱ་ངན་འདའ་བའང་མེད།། ཞིག་ཀྱང་དེ་དང་ལྷན་ཅིག་ཏུ།། གལ་ཏེ་འཁོར་བར་སྐྱེ་འགྱུར
194b2 ན། ། གཟུགས་ནི་དེ་དང་འབྲེལ་བའི་ཕྱིར།། ཐ་མི་དད་པས་འབྱུང་བར་འགྱུར།། སེམས་ནི་གཟུགས་སུ་རྣམ་རྟོག་ལས།། གཅིག་པ་མ་ཡིན་ཐ་དད་མིན།། ཡོད་དང་མེད་པའི་ཕྱོགས་སྤངས་ཕྱིར།། དངོས་པོ་རྣམས་ལ་འཇིག་པ
194b3 མེད། ། ཀུན་ཏུ་བརྟགས་དང་གཞན་གྱི་དབང་།། ཕན་ཚུན་མཚན་ཉིད་ཐ་མི་དད་།། གཟུགས་ཀྱི་མི་རྟག་ཉིད་བཞིན་ཏེ།། གཅིག་ལ་གཅིག་ཀྱང་སྐྱེད་བྱེད་པའོ།། གཅིག་དང་ཐ་དད་རྣམ་གྲོལ་བའོ།། བརྟག་པ་ཁོང་དུ་མི་ཆུད་ན།། ཡོད
194b4 དང་མེད་པར་ཇི་ལྟར་འགྱུར། ། གཟུགས་ཀྱི་མི་རྟག་ཉིད་བཞིན་ནོ།། བརྟགས་པ་ཤིན་དུ་མཐོང་འགྱུར་ན།། གཞན་གྱི་དབང་ནི་མི་སྐྱེའོ།། གཞན་གྱི་དབང་ནི་རབ་མཐོང་ན།། བརྟགས་པ་དེ་བཞིན་ཉིད་དུ་འགྱུར།། རྟོག་པ་རྣམ་པར
194b5 འཇིག་པ་ནི། ། དེ་ཡི་ཚུལ་ཀྱང་རྣམ་འཇིག་བྱེད།། ང་ཡི་བསྟན་པ་འདི་ལ་ནི།། སྒྲོ་འདོགས་སྐུར་པ་འདེབས་པ་ཡིན།། གང་ན་གང་ཚེ་དེ་འདྲ་བ།། ཆོས་ལ་སུན་འབྱིན་ཡོད་པའི་རྣམས།། ང་ཡི་ཚུལ་ནི་འཇིག་པར་བྱེད།། དེ་དག་ཀུན
194b6 དང་འགྲོ་མི་བྱ། ། གང་ཞིག་སྒོ་འདོགས་སྐུང་བ་འདེབས།། བརྟགས་པ་རྣམ་པར་འཇིག་བྱེད་དང་།། མཁས་པ་དག་ཏུ་གཏམ་མི་བྱ།། དགེ་སློང་དོན་ལ་སྤང་བར་བྱ།། སྐྲ་ཤད་འཛིངས་དང་སྒྲ་འདྲ་དང་།། རྨི་ལམ་འདྲ་ཞིང་དྲི་ཟ་འདྲ།། རྟོག་པ
194b7 སྨིག་ཏུ་སྣང་འདྲ་ལ། ། གང་དག་ཡོད་དང་མེད་ལྟ་བ།། དེ་དག་སྡུད་པར་སུ་སྤྱོད་པ།། སངས་རྒྱས་ཀྱི་ལ་དེ་མི་སློབ།། དེ་དག་མཐའ་གཉིས་ལྷུང་བ་སྟེ།། གཞན་ཡང་རྣམ་པར་འཇིག་པར་བྱེད།། བརྟགས་པའི་དངོས་པོ་རབ་བདེན་ཞིང་།།
194b8 དང་དངོས་མེད་རྣམ་གྲོལ་བ།། རྣལ་འབྱོར་ཅན་ནི་ས་མཐོང་བ།། དེ་དག་བསྡུ་བར་སྤྱད་པར་གྱིས།། མུ་སྟེགས་ནོར་བུ་གསེར་འབྱུང་བའི།། འབྱུང་ཀུན་འཇིག་རྟེན་ན་ཡོད་པ།། སྣ་ཚོགས་ལས་ཀྱི་རྒྱུས་མ་བྱུང་།། བུས་པ་རྣམས་ཀྱི
iiif viewer powered by OpenSeadragon
