| e-texts navigator |
| Wylie |
194a1 ནས་ཡོད་དང་མེད་པ་ཡི། ། ཕྱོགས་སྤངས་ཚུལ་ནི་རབ་ཏུ་བཤད།། གང་གིས་མ་བྱུང་རྐྱེན་རྣམས་ཀྱིས།། འབྱུང་སྟེ་འབྲེལ་ལས་མ་ཡིན་ནོ།། སྔོན་མ་སྐྱེས་པར་སྐྱེས་ཏེ།། བདག་ཉིད་དུའང་རེད་པ་མེད།། བདག་ཉིད་མ་རེད་སྐྱེས་པ
194a2 མེད། ། རྐྱེན་མེད་པར་ཡང་གང་ནའང་མེད།། སྐྱེས་པའི་དངོས་པོ་དེ་དག་ཀྱང་།། རྐྱེན་མེད་པར་ཡང་གང་ནའང་མེད།། དེ་ལྟ་བུ་ཡི་མདོར་མཐོང་ན།། གང་ན་མེད་མིན་ཡོད་མིན་མིན།། དངོས་པོ་རྐྱེན་ལས་སྐྱེ་བར་ནི།། མཁས་པ་རྣམས
194a3 ཀྱིས་མི་བརྟག་གོ། ། མུ་སྟེགས་ཅན་རྣམས་བྱིས་པ་ལས།། གྱེན་གྱིས་གཅིག་དང་ཐ་དད་གཏམ།། ཟེར་ཡང་འགྲོ་བ་རྨི་ལམ་དང་།། སྒྱུ་མ་འདྲ་བར་མི་ཤེས་སོ།། བརྗོད་པའི་ཡུལ་གྱི་ཐེག་པ་ནི།། ཐེག་པ་ཆེན་པོ་བླ་ན་མེད།། ངས་ནི་དོན་ཀྱང
194a4 ལེགས་པར་བསྟན། ། བྱིས་པ་རྣམས་ཀྱིས་མི་ཤེས་སོ།། གང་དག་འཛུངས་པའི་ཉན་ཐོས་དང་།། མུ་སྟེགས་ཅན་གྱིས་བྱས་པ་ན།། གང་ཕྱིར་རྟོག་གིས་བཤད་པས་ན།། དེ་དག་དོན་ལ་འཁྲུལ་པའོ།། མཚན་ཉིད་དང་ནི་དངོས
194a5 དབྱིབས་དང་། ། མིང་ནི་རྣམ་པ་བཞི་པོ་ཡང་།། དེ་དག་ལ་ནི་དམིགས་བྱས་ཤིང་།། རྣམ་པར་རྟོགས་པ་རབ་ཏུ་འཇུག། གང་རྣམས་གཅིག་དང་དུ་མ་དང་།། ཚངས་པའི་རིས་ལ་དབང་སྦྱར་ཞིང་།། ཉི་མ་ཟླ་བའི་འོད་དག་ཀྱང་།། གང་འཇིག
194a6 བྱེད་པ་སྲས་མ་ཡིན། ། འཕགས་པའི་མཐོང་བ་ཕུན་སུམ་ཚོགས།། ཡང་དག་ཇི་བཞིན་རྟོགས་རིག་ཅིང་།། འདུ་ཤེས་ཟློག་ལ་མཁས་པ་རྣམས།། རྣམ་པར་རྟོག་པའི་མཆོག་ཕྱིན་ཅིང་།། དེ་ནི་ང་ཡི་བསྟན་པ་ལ།། སྲས་པོ་གྲོལ།
194a7 བའི་ཕྱག་རྒྱ་སྟེ།། དངོས་དང་དངོས་མེད་རྣམ་གྲོལ་ཞིང་།། འོད་དང་འགྲོ་བ་རྣམ་སྤངས་པའོ།། གཟུགས་ཀྱི་རྣམ་ཤེས་ཕྱིར་ལྡོག་ནས།། གལ་ཏེ་ལས་ནི་འཇིག་འགྱུར་ནི།། རྟག་དང་མི་རྟག་ཚེ་འགྱུར།། འཁོར་བ་དག་ཀྱང་མེད་འགྱུར་རོ།། ལྡོག་པ
194a8 ཆེན་ཞིག་གྱུར་པ། ། གཟུགས་ཀྱི་ཡུལ་ལས་ཕྱིར་ལྡོག་སྟེ།། ཡོད་མེད་ཉེས་དང་བྲལ་བའི་ལས།། ཀུན་གཞི་ལ་ནི་རབ་ཏུ་གནས།། སྲིད་པའི་གནས་སུ་རྣམ་ཤེས་དང་།། གཟུགས་ལྷུན་རབ་ཏུ་འཇིག་པ་སྟེ།། གཟུགས་དང་རྣམ་ཤེས་འབྲེལ་བ་ཡི
iiif viewer powered by OpenSeadragon
