| e-texts navigator |
| Wylie |
192b1 བྱས་པ་མེད། ། བདག་ནི་རྫས་དང་འདྲ་བར་ཡོད།། ཕུང་པོ་རྣམས་ནི་མཚན་ཉིད་སྤངས།། དངོས་པོར་ཕུང་པོ་ཡོད་པ་སྟེ།། དེ་དག་ལ་ནི་བདག་མེད་དོ།། ཉོན་མོངས་བག་ལ་ཉལ་བཅས་པས།། སོ་སོར་རྣམ་པར་བསྒོམ་པ།
192b2 དང་།། འགྲོ་བ་རང་གི་སེམས་མཐོང་ན།། སྡུག་བསྔལ་ཀུན་ལས་ཐར་བར་འགྱུར།། གང་གི་རྒྱུ་དང་རྐྱེན་རྣམས་དང་།། མཐའ་བཞི་ཡི་ནི་རིགས་པ་ཡིས།། འཇིག་རྟེན་རབ་ཏུ་འབྱུང་ཞེས་པ།། དེ་དག་ང་ཡི་ཚུལ་མི་མཁས།། འཇིག
192b3 རྟེན་ཡོད་དང་མེད་མི་སྐྱེ། ། མེད་མིན་ཡོད་མིན་གང་ནའང་མེད།། རྒྱུ་དང་རྐྱེན་རྣམས་དག་གིས་ཀྱང་།། བྱས་པ་རྣམས་ནི་ཇི་ལྟར་རྟོག། གང་གི་ཚེ་ན་འཇིག་རྟེན་རྣམས།། ཡོད་མིན་མེད་མིན་ཡོད་མེད་མིན།། མཐོང་ནད་ཚེ་སེམས་ལྡོག་སྟེ
192b4 བདག་མེད་པར་ཡབ་རྟོགས་པར་འགྱུར། ། གང་ཕྱིར་རྐྱེན་ལས་བྱུང་བས་ན།། དངོས་པོ་ཐམས་ཅད་མ་སྐྱེས་པས།། རྐྱེན་རྣམས་ཐམས་ཅད་འབྲས་བུ་སྟེ།། འབྲས་བུ་ལ་ནི་སྲེད་མི་འབྱུང་།། འབྲས་བུ་ལས་ནི་གཉིས་འགྱུར་ཕྱིར།། འབྲས
192b5 བུ་ལས་ནི་འབྲས་མི་འབྱུང་། ། གཉིས་སུ་འགྱུར་བའི་སྐྱོན་གྱི་ཕྱིར།། འབྲས་བུ་ལས་ནི་དངོས་མི་དམིགས།། གང་གི་ཚེ་ན་འདུས་བྱས་རྣམས།། དམིགས་དང་དམིགས་པར་བྱ་བྲལ་ཞིང་།། སེམས་མང་སེམས་ཙམ་མཐོང་བ་ལ།། སེམས
192b6 ཙམ་དུ་ནི་ངས་བཤད་དོ། ། སེམས་ནི་ངོ་བོ་ཉིད་ཀྱི་དབྱིབས།། རྐྱེན་དང་དངོས་པོ་སྤངས་པ་སྟེ།། མཐར་ཕྱིར་ངོ་བོ་ཚངས་པའི་མཆོག། དེ་ལ་ངས་ནི་ཙམ་ཞེས་བཤད།། བདག་ནི་བརྟགས་པའི་བདེན་པར་ཏེ།། རྫས་སུ་ཡོད་པ་མ
192b7 ཡིན་ནོ། ། ཕུང་པོ་ཕུང་པོ་ཉིད་དེ་བཞིན།། བརྟགས་པ་ཡིད་ཀྱི་རྣམ་བཞི་སྟེ།། མཚན་ཉིད་རྒྱུ་དང་དངོས་ལས་སྐྱེས།། བདག་མེད་པ་ཡི་མཉམ་ཉིད་དེ།། རྣལ་འབྱོར་ཞུགས་པའི་གཞི་བའོ།། ལྟ་བ་ཐམས་ཅད་རྣམ་བཟློག་པ།། བརྟག།
192b8 པར་བྱ་དང་རྟོག་པ་སྤངས།། དམིགས་པ་མེད་ཅིང་སྐྱེ་མེད་ལ།། སེམས་ཙམ་དུ་ནི་ངས་བཤད་དོ།། དངོས་མིན་དངོས་པོ་མེད་པའང་མིན།། དངོས་དང་དངོས་མེད་སྤངས་པ་ཡི།། དེ་བཞིན་ཉིད་ནི་སེམས་བྲལ་བ།། སེམས
iiif viewer powered by OpenSeadragon
