| e-texts navigator |
| Wylie |
310a1 གྲངས་འདི་ཟུང་ཤིག། ཀུན་དགའ་བོས་གསོལ་པ། བཅོམ་ལྡན་འདས་བདག་གིས་ཆོས་ཀྱི་རྣམ་གྲངས་འདི་བཟུང་ལགས་ན། ཆོས་ཀྱི་རྣམ་གྲངས་འདིའི་མིང་ཅི་ལགས།། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས
310a2 བཀའ་སྩལ་པ། འདི་ལས་ཀྱི་སློབ་པ་རྣམ་པར་སྤོང་བ་ཞེས་བྱ་བ་དང་། སངས་རྒྱས་རྣམ་པར་རོལ་པ་ཞེས་བྱ་བ་དང་། སྣང་བ་བསམ་གྱིས་མི་ཁྱབ་པས་བསྟན་པ་ཞེས་བྱ་བར་ཟུང་ཤིག། ཀུན་དགའ་བོ་གང་ལ་ལ་ཞིག་གིས་ཇི་སྲིད
310a3 འཚོའི་བར་དུ་དེ་བཞིན་གཤེགས་པ་བཞུགས་པ་ལ་སྟི་སྟང་བྱེད། བླ་མར་བྱེད། རི་མོར་བྱེད། མཆོད་པ་བྱེད་ཅིང་། མེ་ཏོག་གི་ཕུར་མ་རི་རབ་ཙམ་གཏོར་བ་དང་། སྤོས་དང་། ཕྱེ་མ་དང་། བྱུག་པ་དང་། གོས་དང་། གདུགས་དང་། རྒྱལ་མཚན
310a4 དང་། བ་དན་དང་། ལྷ་དང་མིའི་མཆོད་པ་རྣམ་པ་མང་པོ་གཞན་དག་གིས་མཆོད་པ་པས། རིགས་ཀྱི་བུའམ། རིགས་ཀྱི་བུ་མོ་གང་ཞིག་སྣང་བ་བསམ་གྱིས་མི་ཁྱབ་པར་བསྟན་པའི་ཆོས་ཀྱི་རྣམ་གྲངས་འད་འཛིན་ཅིང་ཀློག་ལ། ཀུན
310a5 ཆུབ་པར་བྱེད་ཅིང་། གཞན་དག་ལ་ཡང་རྒྱ་ཆེར་ཡང་དག་པར་སྟོན་ལ། དེ་བཞིན་དུ་ནན་ཏན་དུ་བྱེད་ན་འདི་ནི་བསོད་ནམས་ཕུང་པོ་དེ་བས་ཆེས་མང་དུ་བསྐྱེད་དོ།། ཀུན་དགའ་བོ་དེ་ལྟ་བས་ན་དེ་བཞིན་གཤེགས་པ་ཆོས་ཀྱི་མཆོད་པས
310a6 མཆོད་པར་འདོད་པ་དང་། ཤེས་རབ་ཀྱི་སྣང་བ་ཆེན་པོ་བྱེད་པར་འདོད་པས། ཆོས་ཀྱི་རྣམ་གྲངས་འདི་གཟུང་བར་བྱ། ཀློག་པར་བྱ། ནན་ཏན་གྱིས་བསྒྲུབ་པར་བྱ། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་བསྟན་པར་བྱ
310a7 བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྣང་བ་བསམ་གྱིས་མི་ཁྱབ་པ་དང་། ཡུལ་ཀོ་ས་ལའི་རྒྱལ་པོ་གསལ་རྒྱལ་འཁོར
310a8 དང་བཅས་པ་དང་། ལྷའི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་། འཇིག་རྟེན་སྐྱོང་བ་བཞི་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན
iiif viewer powered by OpenSeadragon
