| e-texts navigator |
| Wylie |
309b1 མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་སྣང་བ་བསམ་གྱིས་མི་ཁྱབ་པ་ཞེས་བྱ་བ་ཉིད་དུ་འཇིག་རྟེན་དུ་འབྱུང་བར་འགྱུར་རོ།། ཀུན་དགའ་བོ་འཇིག་རྟེན་གྱི་ཁམས་རྣམ་པར་སྤྱོད་པ་དེ་ནི་འདི་ལྟ་བུར་ཡོངས
309b2 སུ་དག་པར་འགྱུར་ཏེ། དཔེར་ན་གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་ལྟ་བུར་འགྱུར་རོ།། དེ་བཞིན་གཤེགས་པ་དེ་ནི་བར་གྱི་བསྐལ་པ་ཉི་ཤུར་གནས་པར་འགྱུར་རོ།། དེ་ལ་ཉན་ཐོས་བརྒྱད་ཁྲིའི
309b3 དགེ་འདུན་ཡོད་པར་འགྱུར་རོ། ། བྱང་ཆུབ་སེམས་དཔའ་སུམ་ཁྲི་ཉིས་སྟོང་གི་དགེ་འདུན་ཡོད་པར་འགྱུར་རོ།། ཀུན་དགའ་བོ་ཅིའི་ཕྱིར་འཇིག་རྟེན་གྱི་ཁམས་དེ་རྣམ་པར་སྤྱོད་པ་ཞེས་བྱ་ཞིང་། བསྐལ་པ་ཀུན་དུ་སྣང་བྱེད་ཅེས་བྱ
309b4 བར་འགྱུར་ཞེ་ན། ། ཀུན་དགའ་བོ་བར་གྱི་བསྐལ་པ་བརྒྱ་སྟོང་མང་པོར་སངས་རྒྱས་ཀྱི་ཞིང་དེར་སྔོན་ནམ་ཡང་དེ་བཞིན་གཤེགས་པ་མབྱུང་སྟེ།། དེང་དེ་བཞིན་གཤེགས་པ་སྣང་བ་བསམ་གྱིས་མི་ཁྱབ་པ་དེ་འབྱུང་བར་འགྱུར་བ་དེ་ན། གནས
309b5 གཙང་མའི་རིགས་ཀྱི་ལྷ་རྣམས་འདི་སྐད་དུ་བསྐལ་པ་འདི་ནི་ཀུན་དུ་སྣང་བ་མེད་པ་ཀུན་དུ་སྣང་བ་མེད་པ་སྟེ། དེ་ལ་དེ་བཞིན་གཤེགས་འབྱུང་ངོ་ཞེས་ཆེད་དུ་བརྗོད་པ་ཆེད་དུ་བརྗོད་པར་འགྱུར་བའི་ཕྱིར་རོ།། བྱང་ཆུབ་སེམས་དཔའ
309b6 སྣང་བ་བསམ་གྱིས་མི་ཁྱབ་པ་ལུང་བསྟན་པ་བརྗོད་པ་འདི་བཤད་པ་དང་། ཆོས་ཀྱི་རྣམ་གྲངས་འདི་བཤད་པ་ན། ལྷ་དང་མིའི་སྲོག་ཆགས་སུམ་ཁྲི་ཉིས་སྟོང་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས
309b7 སྐྱེས་སོ། ། བྱང་ཆུབ་སེམས་དཔའ་དྲུག་བཅུ་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། ཉན་ཐོས་ལྔ་བརྒྱ་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ།། དེ་ནས་བཅོམ་ལྡན་འདས་ཀྱིས།
309b8 དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་ངའི་དམ་པའི་ཆོས་ཡོངས་སུ་གཟུང་བ་དང་། ད་ལྟར་དང་། མ་འོངས་པའི་བྱང་ཆུབ་སེམས་དཔའ་རྣམས་ལ་ཕན་གདགས་པའི་ཕྱིར་ཆོས་ཀྱི་རྣམ
iiif viewer powered by OpenSeadragon
