| e-texts navigator |
| Wylie |
296b1 སངས་རྒྱས་བལྟ་བའི་ཕྱིར་དེང་ཤིག། འཇིག་རྟེན་འདས་གཙོ་གང་ཡིན་པ།། འཇིག་རྟེན་སྣང་བྱེད་དེ་ལ་འཐུང་།། དེ་དག་གིས་སྨྲས་པ།། དེ་ཡི་ལམ་ཡང་མ་འཚལ་ཏེ།། དེ་བཞིན་གཤེགས་པ་འངམ་མཐོང་ན།། གང་ན་ལམ
296b2 མ་འཚལ་བས། ཕྱག་འཚལ་དུ་ནི་གང་དུ་མཆི།། སྲན་གྱི་སྡེས་སྨྲས་པ།། ནམ་མཁའ་མཐའ་ཡས་ཇི་བཞིན་དུ།། ག་པར་རུང་བ་མ་ཡིན་པས།། བདུད་རྩི་རབ་སྦྱིན་སྟོན་པ་ལ།། ཕྱག་འཚལ་བྱིར་ན་འགྲོ་མ་ནུས།། ཇི་ལྟར་རི
296b3 གནས་པ་ལྟར། ། སྟོན་པ་དེ་ཡང་གནས་ན་བཞུགས།། རི་རབ་གཞལ་དུ་རུང་བ་ཡིན།། རྒྱ་མཚོ་ཆེན་པོ་གཏིང་ཆོད་ཟིན།། སྟོང་གསུམ་རྡུལ་ཕྲན་དཔག་ཏུ་རུང་།། སངས་རྒྱས་འབྱུང་བ་ཤེས་མ་ཡིན།། བྱང་ཆུབ་སེམས་དཔའ་ཕྱོག
296b4 བཅུ་ནས། ། འཇིག་རྟེན་སྣང་བར་མཛད་ལ་འདུད།། སྨྲས་པ། འཇིག་རྟེན་མགོན་པོ་བདག་ཅག་གཟིགས།། བདག་ཅག་བསམ་པ་རྫོགས་པར་མཛོད།། བདག་ཅག་སེམས་ཀྱིས་སྟོན་པ་ལ།། ཕྱག་བགྱིས་དེ་ནས་འབྲས་བུ་ཐོབ།།
296b5 སྨན་གྱི་སྡེས་སྨྲས་པ།། སྟོན་པ་དྲིལ་མི་ཆགས་ཏེ།། ཕྲེང་བ་མ་ཡིན་བྱུག་པ་མིན།། གང་གིས་འདུས་བྱས་གྲོལ་འགྱུར་བ།། སེམས་ཅན་རྣམས་ཀྱི་རྒྱུ་འཛིན་ཏོ།། གང་གིས་ཡིད་ནི་བཏུལ་བྱས་ཤིང་།། སངས་རྒྱས་ལ་ཡང
296b6 སྐྱབས་སོང་བ། ། དེ་ལ་བདུད་ནི་མི་བཟད་མཆོག། ཐབ་མོ་རྒོལ་བར་མི་བྱེད་དོ།། འཆི་བའི་དབང་དུ་མི་འགྲོ་ཡི།། གཟུངས་ནི་མྱུར་དུ་རྙེད་པར་འགྱུར།། དེ་སེམས་རབ་ཏུ་དང་བྱས་ནས།། དེ་ནས་སྟོན་པ་མཐོང་བར་འགྱུར།། དེ་ནས
296b7 བཅོམ་ལྡན་འདས་དེ་བཞིན་གཤེགས་པ་ཀ་ལ་བིང་ཀའི་སྒྲ་སྐད་ཡིད་དུ་འོང་བ་འཛུམ་པ་མཛད་དོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་སྡེ་སྟན་ལས་ལངས་ནས།། བཅོམ་ལྡན་འདས་ག་ལ་བདེ
296b8 ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་གང་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་བརྒྱད་ཁྲི་བཞི་སྟོང་བྱུང་སྟེ།། འོད་ཟེར་དེ་དག་གིས་ཐམས་ཅད་དང
iiif viewer powered by OpenSeadragon
