| e-texts navigator |
| Wylie |
246a1 མང་དུ་འཆད་པར་ཡང་ནི་སྤྲོ་མ་ལགས།། མང་སྡེ་དེ་ནི་འཛིན་པར་སྤྲོ་མ་ལགས།། དེ་ནི་དེ་དག་ཞུམ་པར་འགྱུར་བ་ལགས།། དགེ་སློང་མཆོག་ཏུ་བཀའ་བློ་མི་བདེ་འགྱུར།། ཚེ་དེར་ནི་ལྷ་ཚོགས་འདྲ་བར་འགྱུར།།
246a2 བཅོམ་ལྡན་འདས་ཀྱིས་འོད་སྲུངས་བཀའ་སྩལ་པ།། ཆོས་ཀྱི་ཚུལ་ནི་འཛིན་པར་མི་ནུས་པར།། འོད་སྲུང་དེ་ནི་ང་ཡིས་སྔནས་ཤེས།། མདོ་སྡེ་འདྲ་དེ་ན་གང་འཛིན་པ།། ང་ཡི་ཉན་ཐོས་གང་ཡང་འདྲིན་མེད།། གང་དག་མདོ
246a3 དེ་འདྲ་དེ་འཛིན་པ། ། ང་ཡིས་གང་དག་བྱིན་རླབས་དེར་མ་གཏོགས།། གང་དག་ཕྱི་ནས་ཐེ་ཚོམ་མེད་འགྱུར་བ།། དེ་དག་ཐེ་ཚོམ་དེ་ནི་ང་ཡིས་གཅད།། གཞན་དག་ལས་ནི་མཐུ་ཆེ་གང་ཡིན་པ།། མདོ་སྡེ་དེ་ལ་ཅི་ཕྱིར་སྔོན་མ་སྤྱད།།
246a4 དེ་དག་འཛིན་པའི་དགེ་སློང་གསར་བུ་གཞོན།། མདོ་སྡེ་དེ་དག་རྒྱས་པ་ཆེན་པོ་ཡིན།། གང་དག་ཆོས་དེ་འདྲ་བ་དེ་མི་འཛིན།། འདི་ལ་ཇི་ལྟར་ཕ་རོལ་ཕྱིན་པར་འགྱུར།། བརྟན་པའི་བློ་གྲོས་ང་ཡིས་བསྟན་པ་ན།། གང་དག་གིས་ནི།
246a5 དེ་རིངང་མཐོང་འགྱུར།། དེ་དག་ཕྱི་དུས་འཇིག་པ་ཆེན་པོའི་ཚེ།། ཆོས་དེ་ཐོས་ནས་དགའ་བ་ཐོབ་པར་འགྱུར།། ང་ནི་དམིགས་པ་འབའ་ཞིག་འཆད་པ་ཡིན།། འཇིགས་མེད་ང་ཡི་ཚིག་དེར་དང་པར་བྱོས།། གང་གི་འདི་ན་བསྟོན
246a6 པ་མཐོང་ཐུར་པ། ། དེ་དག་ཆོས་དེ་འཛིན་པར་སྤྲོ་བར་འགྱུར།། ཡེ་ཤེས་དེ་འདྲ་དེ་ནི་ཚོལ་བྱེད་ཅིང་།། དེ་ཚེ་འདྲེན་པ་རྣམས་ལ་མཆོད་པར་བྱེད།། རིང་བསྲེལ་མཆོད་དང་དེ་བཞིན་མཆོད་རྟེན་མཆོད།། འཇིགས་མེད་དེ་དག
246a7 དེར་ནི་བྱེད་པར་འགྱུར། ། ཡོངས་སུ་གཏང་བ་ཕན་ཡོན་གྱི་ལེའུ་སྟེ་བཅཝ་ལྔ་པའོ།། །། དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ནས།། བླ་གོས་ཕྲག་པ་གཅིག་ཏུ་གཟར་ཏེ།། པུས་མོ་གཡས་པའི
246a8 ལྷ་ང་ས་ལ་བཙུགས་ནས། ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས།། དེ་ཇི་ལྟར་གཟུང་བར་བགྱི།། དེ་སྐད་ཅེས་གསོལ་པ་དང་།
iiif viewer powered by OpenSeadragon
