| e-texts navigator |
| Wylie |
243a1 ཞིང་ནི་རབ་ཏུ་ཤེས། ། གང་གིས་ཏིང་འཛིན་རྣམས་བསྒོམས་པས།། དེ་དག་གི་ནི་སྐུ་ཚེའང་ཤེས།། ཉི་མ་གང་དག་བྱུང་གྲུར་དང་། ཟླ་བ་ཕྱེ་དང་ཟླ་བ་དང་།། ལོ་ནི་ཁྲུད་ཁོར་རངས་པ་དང་། བསྐལ་པ་དེ་ཡང་རབ་ཏུ་ཤེས།། གང་དག་ཕྱོགས་བཅུ
243a2 འཇིག་རྟེན་ན། ། རྫོགས་པའི་སངས་རྒྱས་རྐང་གཉིས་མཆོག། དེ་དག་དེ་ཡིས་རབ་ཏུ་ཤེས།། དེ་ཡིས་ནི་གན་ཤེས་པར་འགྱུར།། གང་དག་སྟོན་པས་འཇིག་རྟེན་མགོན།། དེ་དག་གི་ནི་མཚན་རྣམས་ཀྱང་།། གང་གིས་ཏིང་འཛིན་བསྒོམས་པ
243a3 དེ་དག་ཐམས་ཅད་རབ་ཏུ་ཤེས། ། གང་དག་སྐྱོབ་པས་བཤད་པ་ཡི།། མདོ་སྡེ་དེ་དག། རབ་ཏུ་ཤེས།། ཉན་ཐོས་ཕུན་སུམ་ཚོགས་པ་དང་།། འཇིག་རྟེན་མགོན་པོ་དེ་སྐད་ཤེས།། གང་གིས་ཏིང་འཛིན་འདི་ཐོབ་པ།། བློ་གྲོས་བརྟན་པོར
243a4 འགྱུར་བ་ཡིན། ། སངས་རྒྱས་རྣམ་ཀྱི་སྤྱོད་ཡུལ་གང་།། དེ་ཡང་དེ་ཡིས་འདིར་ཤེས་སོ།། བསྐལ་པ་བྱེ་བར་འཐུང་འགྱུར་བའི།། སངས་རྒྱས་གང་དག་མ་བྱོན་དང་།། མཚན་གང་གདུང་རུས་གང་ཡིན་པ།། ཐམས་ཅད་དེ་ཡིས་རབ་ཏུ་ཤེས།།
243a5 དག་རྣམས་ཀྱི་ཚེ་ཚད་ཤེས།། ཉན་ཐོས་རྣམས་ཀྱང་རབ་ཀྲ་ཤེས།། གང་དག་སྐྱོབ་པས་འཆད་འགྱུར་བ།། དེ་དག་རྣམས་ཀྱི་མདོ་སྡེའང་ཤེས།། དེ་ཡི་སངས་རྒྱས་ཞིང་ཅི་འདྲ།། དེ་དག་གི་ནི་བཀོད་ཅི་འདྲ།། སངས་རྒྱས་མྱ་ངན་འདས་རྣམས
243a6 ཀྱི། ། ཆོས་ཀྱི་ཇི་སྲིད་གནས་འགྱུར་བ།། ཏིང་ངེ་འཛིན་ལ་གནས་ནས་སུ།། དེ་དག་ཐམས་ཅད་དེ་ཡིས་ཤེས།། དེ་ལྟ་བས་ན་སུ་གང་ཞིག། མང་ཐོས་འདོད་པས་དེ་བསྟན་བྱ།། ཏིང་འཛིན་དེ་ནི་བསྟེན་པ་ཡིས།། དེ་ཡི་དོན་ཀྱང་ཤེས་པར
243a7 འགྱུར། ། སངས་རྒྱས་ཡེ་ཤེས་འཇུག་པ་ཡི།། སྒོ་དེ་ཡིན་ཞིང་བློ་གྲོས་བསྟན།། དེ་ལས་དོན་ནི་འབྱུང་བར་འགྱུར།། སངས་རྒྱས་ཡེ་ཤེས་འབྱུང་བར་འགྱུར།། གང་གི་མཐའ་ནི་ཡོད་མིན་པའི།། བསོད་ནམས་དེ་ལས་ཐོབ་པར་འགྱུར།།
243a8 དེཚེ་སངས་རྒྱས་གང་འབྱུང་བ།། འཇིག་རྟེན་མགོན་པོ་མི་ཡི་མཆོག། རྫོགས་པའི་སངས་རྒྱས་ཇི་སྙེད་པ།། དེ་སྙེད་དེ་ཡིས་རབ་ཏུ་ཤེས།། མི་གང་བྱང་ཆུབ་རབ་ཞུགས་ནས།། སངས་རྒྱས་རེ་རེ་རེ་རེའི་ཡང་།། ཉན་ཐོས་དག་ནི
iiif viewer powered by OpenSeadragon
