| e-texts navigator |
| Wylie |
331b1 དང་སེར་པོ་དང་། དམར་པོ་དང་། དཀར་པོ་དང་། ལེབ་རྒན་དང་། ཤེལ་དང་། དངུལ་གྱི་ཁ་དོག་ལྟ་བུ་སྟེ། དེ་དག་གིས་འཇིག་རྟེན་གྱི་ཁམས་མཐའ་ཡས་མུ་མེད་པ་རྣམས་སུ་འོད་ཀྱི་སྣང་བས་ཁྱབ་པར
331b2 བྱས་ནས། ཚངས་པའི་འཇིག་རྟེན་གྱི་བར་དུ་མངོན་པར་འཕགས་ཏེ། སླར་ལོག་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ།། བཅོམ་ལྡན་འདས་ཀྱི་དབུའི་གཙུག་ཏུ་ནུབ་པར་གྱུར་ཏོ།།
331b3 དེ་ནས་ཚེ་དང་ལྡན་པ་ཀུན་དགའ་བོ་སངས་རྒྱས་ཀྱི་མཐུས་སྟན་ལས་ལངས་ནས། བླ་གོས་ཕྲག་པ་གཅིག་ཏུ་གཟར་ཏེ།། པུས་མོ་གཡས་པའི་ལྷ་ང་ས་ལ་གཙུགས་ནས། བཅོམ་ལྡན་འདས་ག་ལ་བ་དེ་ལོགས
331b4 སུ་ཐལ་མོ་སྦྱར་བ་བཏུད་དེ། ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་རྒྱུ་མ་མཆིས། རྐྱེན་མ་མཆིས་པར་ནི་དེ་བཞིན་གཤེགས་པ་འཛུམ་པ་མི་མཛད་ན། འཛུམ་པ
331b5 མཛད་པའི་ཆུ་གང་ལགས། རྐྱེན་གང་ལགས།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་ཁྱོད་ཀྱིས་ཁྱིམ
331b6 བདག་དྲག་ཤུལ་ཅན་འདིས་དེ་བཞིན་གཤེགས་པ་ལ་མཆོད་པ་བྱས་སྟེ། ཆོས་བསྒྲུབ་པའི་ཕྱིར་སེང་གེའི་སྒྲ་བསྒྲགས་པ་མཐོང་ངམ།། གསོལ་པ་བཅོམ་ལྡན་འདས་མཐོང་ལགས་སོ།། བདེ་བར
331b7 གཤེགས་པ་མཐོང་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ།། ཀུན་དགེའོ་ཁྱིམ་བདག་དྲག་ཤུལ་ཅན་འདི་ནི་གང་དག་བསྐུལ་པ་བཟང་པོ་འདི་ལ་བྱུང་བའི་དེ་བཞིན་གཤེགས་པ་དེ་དག་ཐམས
331b8 ཅད་ལ་རིམ་གྲོ་བྱེད་པར་འགྱུར་རོ། ། སྟི་སྟང་དང་མཆོད་པ་ཐམས་ཅད་ཀྱིས་མཆོད་པར་འགྱུར་རོ།། དམ་པའི་ཆོས་ཀྱང་འཛིན་པར་འགྱུར་རོ།། རྟག་ཏུ་ཡང་ཁྱིམ་བདག་དུ་གྱུར་ནས། རབ་ཏུ
iiif viewer powered by OpenSeadragon
