| e-texts navigator |
| Wylie |
328b1 གྱི་ཟང་ཟིང་དང་ལྡན་པ་དེ་དག་གི་དོན་ཆེན་པོར་མི་འགྱུ་རོ། ། འབྲས་བུ་ཆེན་པོར་མི་འགྱུར་རོ།། དེས་སློབ་དཔོན་དང་། མཁན་པོའི་གན་དུ་འགྲོ་ན་ཡང་སློབས་དཔོན་དང་། མཁན་པོ་ས་མ་དད་པའི
328b2 བག་གང་ཡང་རུང་བཞིག་ལས་བརྟགས་ནས་བདག་ལུང་དབོག་པ་དང་། ཁ་ཏོན་བྱ་བ་དང་། རྗེས་སུ་བསྟན་པས་ཕན་འདོགས་པར་མི་འགྱུར་དུ་འོང་ཞེས་ལུས་དང་། སེམས་ལས་སུ་རུང་བ་དང་། སེམས
328b3 ཅན་ཤེས་པས་འགྲོ་བར་བྱའོ། ། དེས་ལུང་མནོད་པ་དང་། ཁ་དོན་གྱི་ཕྱིར་ལུས་དང་སྲོག་ལ་མི་བལྟ་བར་བྱའོ།། ཆོས་འདོད་པས་སློབ་དཔོན་དང་། མཁན་པོ་རྣམས་ཀྱི་བསམ་པ་ཡོངས་སུ་རྫོགས་པར
328b4 བྱའོ། ། ཡོན་ཏན་དོན་དུ་གཉེར་བར་རྙེད་པ་དང་། བཀུར་སྟི་དང་། ཚིགས་སུ་བཅད་པ་ཐམ་ཅ་དོན་དུ་མི་གཉེར་བར་བྱའོ།། ཁྱིམ་བདག་གལ་ཏེ་བྱང་ཆུབ་སེམས་དཔའ་ལུང་མནོད་པ་དང་། ཁ་ཏོན་དོན་དུ་བྱ་བ
328b5 དོན་དུ་གཉེར་ས་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་ལྡན་པའམ། བྱང་ཆུབ་སེམས་དཔའི་ལམ་གྱི་ཚོགས་སོགས་པ་དང་ལྡན་པའི་ཚིག
328b6 བཞི་པའི་ཚིགས་སུ་བཅད་པ། སུ་ལས་མཉན་ཏམ། ལུང་མནོས་སམ། བཟུང་ན། དེས་བླངས་པའི་སློབ་དཔོན་ལ་ཆོས་ཀྱི་ཕྱིར་གུས་པར་བྱའོ།། མེད་དང་ཚིག་དང་ཡི་གེ་ཇི་སྙེད་ཀྱི་ཚིགས
328b7 སུ་བཅད་པ་བསྟན་པ་དེ་སྙེད་ཀྱི་བསྐལ་པར་གལ་ཏེ་སློབ་དཔོན་དེ་ལ་གཡོ་མེད་པར་རྙེད་པ་དང་། བཀུར་སྟི་དང་། མཆོད་པ་ཐམས་ཅད་ཀྱིས་རིམ་གྲོ་དང་། བསྙེན་བཀུར་བྱས་ཀྱང་། ཁྱིམ་བདག་ད་དུང་དུ་སློབ་དཔོན་ལ
328b8 སློབ་དཔོན་དུ་གུས་པར་བྱ་བ་རྫོགས་པ་མ་ཡིན་ན། ཆོས་མ་ཡིན་པའི་གུས་པས་ལྟ་ཅི་སྨོས། ཁྱིམ་བདག་དད་པས་མཉན་ཅིང་སྒོམ་པ་དང་། འདོན་ལ་འཇུག་པ་དེའི་སེམས་དང་། སེམས་ལས་བྱུང་བ། དགེ་བ་དང
iiif viewer powered by OpenSeadragon
