| e-texts navigator |
| Wylie |
328a1 དང་། ཕོ་ཟང་འཁོར་དག་ཏུ་ཞུགས་ཏེ། ཆོས་བསྟན་པར་བྱའོ།། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བཅོས་བཞི་པོ་དེ་དག་དང་ལྡནན། དགོན་པ་ལ་གནས་པར་གནང་བ།
328a2 ཁྱིམ་བདག་གལ་ཏེ་བྱང་ཆུབ་སེམས་དཔའ་རབ་ཏུ་བྱུང་བ་ལུང་དང་ཁ་ཏོན་མནོད་པའི་ཕྱིར་ཚོགས་ཀྱི་ནང་དུ་འཇུག་ན་དེས་དེར་གུས་པ་དང་བཅས་པར་བྱ་སྟེ། སློབ་དཔོན་དང་མཁན་པོ་དང་། གནས
328a3 བརྟན་དང་། བར་མ་དང་། དགེ་སློང་གསར་བུ་རྣམས་ལ་ཞེས་དང་བཅས་པར་བྱ། ཚུལ་མཁས་པར་བྱའོ།། སྙོམ་ལས་མེད་པར་རང་གིས་བྱ་བ་དང་། གཞན་ལ་གདུད་པ་མེད་པར་བྱའོ།། ངེས་བརྙན
328a4 བཀུར་ལ་གདུད་པར་མི་བྱའོ། ། དེས་འདི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང
328a5 བཅས་པ་དང་། དགེ་སྦྱོང་དང་བཅས་བྲམ་ཟེའི་སྐྱེ་དགུ་དང་བཅས་པ་དང་། ལྷ་དང་མི་དང་ལྷ་མ་ཡིན་དུ་བཅས་པས་མཆོད་པ་སྦྱིན་གནས་སུ་གྱུར་པ་དེ་ཡང་སེམས་ཅན་ཐམས་ཅད་ལ་གང་ལས་ཀྱང
328a6 རིམ་གྲོར་བྱ་བ་བདག་གིར་མི་མཛད་ན་བདག་ཅག་མ་བསླབས་པ་སློབ་འདོད་པ་རྣམས་ལྟ་ཅི་སྨོས་ཏེ། བདག་གིས་ནི་སེམས་ཅན་ཐམས་ཅད་ལ་བསྙེན་བཀུར་བྱའི། གང་ལས་ཀྱང་བསྙེན་བཀུར་བྱ་བ
328a7 བདག་གིར་མི་བྱའོ་སྙམ་དུ་བརྟག་པར་བྱའོ། ། དེ་ཅིའི་ཕྱིར་ཞེ་ན། ཁྱིམ་བདག་དགེ་སློང་བསྙེན་བཀུར་ལ་ག་དུ་པ་ནི་ཡོན་ཏན་གྱི་ཆོས་རྗེས་སུ་གཟུང་བ་ཆུད་སྟོན་པ་ཡིན་ཏེ། དེས་གང་དག་སྡུད་པ་དེ་དག
328a8 ཀྱང་འདི་སྙམ་དུ་སེམས་ཏེ། བདག་ཅག་ནི་བསྙེན་བཀུར་གྱི་ཕྱིར་སྡུད་ཀྱི། ཆོས་ཀྱི་ཕྱིར་ན་མ་ཡིན་ནོ་སྙམ་སྟེ། དེ་དག་ཉིད་ཀྱི་དད་པའི་ཆུང་གཟོན་ཏོ།། གང་དག་དེ་ལ་བསྙེན་བཀུར་བྱེད་པ། འཇིག་རྟེན
iiif viewer powered by OpenSeadragon
