| e-texts navigator |
| Wylie |
75a1 ལ་སྤྱོད་དོ།། རབ་ཀྱི་རྩལ་གྱིས་རྣམ་པར་གནོན་པ་དབུས་ལ་ནི་སྤྱོད་པ་བསྟན་པ་འམ། ངེས་པར་བསྟན་པ་གང་ཡང་མེད་དོ།། རབ་ཀྱི་རྩལ་གྱིས་རྣམ་པར་གནོན་པ་དབུས་ཤེས་བྱ་བ་དེ་ནི་འཕགས་པའི་ལམ
75a2 ཡན་ལག་བརྒྱད་པའི་ཚིག་བླ་དགས་སོ། ། རབ་ཀྱི་རྩལ་གྱིས་རྣམ་པར་གནོན་པ་འཕགས་པའི་ལམ་ཡན་ལག་བརྒྱད་པ་ནི་ཚས་གང་དམིགས་པ་དང་། ཆོས་གང་མཐོང་བའི་ཕྱིར་ཉེ་བར་གནས་པ་མ་ཡིན་ནོ།། རབ་ཀྱི་རྩལ་གྱིས་རྣམ་པར
75a3 གནོན་པ་ན་མ་ཆོས་གང་ལ་ཡང་བསྒོམ་པར་ཡང་མི་བྱེད། མི་སྒོམ་པར་ཡང་མི་བྱེད་པ་དེའི་ཚེ། ལམ་གྱི་རྒྱུན་གཅོད་ཅེས་བྱའོ།། དེ་ཆོས་ཐམས་ཅད་ལ་བསྒོམ་པར་ཡང་མི་བྱེད། མི་སྒོམ་པར་ཡང་མི་བྱེད་པས་སྒོམ་པ་ལས
75a4 ཡང་དག་པར་འདས་ནས་ཆོས་སྙམ་པ་ཉིད་རྙེད་དེ། ཆོས་མཉམ་པ་ཉིད་དེས་ལམ་གྱི་འདུ་ཤེས་ཀྱང་མི་འབྱུང་ན། ལམ་མཐོང་བར་ལྟ་ག་ལ་འགྱུར། རབ་ཀྱི་རྩལ་གྱིས་རྣམ་པར་གནོན་པ་ལམ་གྱི་རྒྱུན་གཅད་ཅེས་བྱ་བ་དེ་ནི་དགེ་སློང
75a5 ཟག་པ་ཟད་པ། དགྲ་བཅོམ་པའི་ཚིག་བླ་དགས་སོ།། དེ་ཅིའི་ཕྱིར་ཞེ་ན། དེས་སྒོམས་པ་ཡང་མེད་ཅིང་སྒོམས་པ་མེད་པ་ཡང་མ་ཡིན་པར་ལམ་སྒོམས་པ་མེད་པས་དེའི་ཕྱིར་བསྒོམས་པ་མེད་ཅེས་བྱའོ།། བསྒོམ་པ་མེད་པ་ཡང་དེ
75a6 ལ་མེད་པས་དེའི་ཕྱིར་སྒོམ་པ་མྱེད་ཅེས་བྱའོ། ། དེ་སྒོམ་པ་དང་བྲལ་བས་དེའི་ཕྱིར་བསྒོམ་པ་མེད་ཅེས་བྱའོ།། རབ་ཀྱི་རྩལ་གྱིས་རྣམ་པར་གནོན་པ་གལ་ཏེ་སྒོམ་པའམ། སྒོམ་པར་བྱེད་པ་ཞིག་ཡོད་ན་ནི་དེ་དམིགས་པར་འགྱུར་ཏེ། དེ་སྒོམ
75a7 པ་མེད་པར་མི་འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ་བསྒོམ་པ་མེད་པ་ཞེས་བྱ་བ་ནི་དེ་བསྒོམ་དང་བྲལ་བས་བསྒོམ་པ་མེད་པ་སྟེ། འདི་དངོས་པོ་དང་བྲལ་བས་དེའི་ཕྱིར་སྒོམ་པ་མེད་པ་ཞེས་བྱ་སྟེ། ཇི་སྐད་དུ་རྗོད་པ་བཞིན་དུ་ནི་མ
75a8 ཡིན་ནོ། ། དེ་ཅིའི་ཕྱིར་ཞེ་ན། སྒོམ་པ་མེད་པ་ནི་བརྗོད་དུ་མེད་པའོ།། བསྒོམ་པ་མེད་པ་འདི་ནི་བྲལ་བའོ།། བྲལ་བ་གང་ཞེ་ན། གང་ཕྱི་ཅི་ལོག་ཀུན་ནས་མི་ལྡང་བ་དང་། གང་ཡང་དག་པ་མ་ཡིན་པ་ཀུན་ནས་མི་ལྡང་བའོ།། རབ་ཀྱི་རྩལ
iiif viewer powered by OpenSeadragon
