| e-texts navigator |
| Wylie |
69b1 ཤཱ་རིའི་བུ་འདི་ལྟ་བུའི་ཆོས་ཐོས་པའི་འབྲས་བུ་ནི་འདི་མ་ཡིན་ཏེ།། གང་བྱང་ཆུབ་སེམས་དཔའ་དང་། ཉན
69b2 ཐོས་འདི་ལྟ་བུའི་ཆོས་ཐོས་ན་བག་བྱེད་པར་མི་འགྱུར་བ་དང་། ཡིད་རྟོན་པར་མི་འགྱུར་བ་དང་། འདུན་པ་ཡོངས་སུ་ཉམས་པ་དང་། བརྩོན་འགྲུས་བྲི་བ་དང་། མ་དྲིས་པ་སྟོན་པ་དང་། གནོད་སེམས་མང་དུ་གྱུར་པ་དེ་ནི་ཐོས་པའི
69b3 འབྲས་བུ་མ་ཡིན་ནོ། ། དེ་དག་གིས་འདི་ལྟ་བུའི་ཆོས་འདི་ཐོས་པ་མ་ཡིན་ནོ།། ཤཱ་རིའི་བུ་ཐོས་ཤེས་བྱ་བ་དེན་ཡང་དག་པའི་ནན་ཏན་གྱི་ཚིག་བླ་དགས་ཏེ། ལོག་པའི་ནན་གྱིས་ནི་མ་ཡིན་ནོ།། བཱ་རིའི་བུ་ལོག་པར
69b4 ཞུགས་པས་ནི་ཆོས་འདི་ཐོས་པར་མི་འགྱུར་རོ། ། ཤཱ་རིའི་བུ་ཐོས་ནས་ཁྱེད་དོན་ལ་མཁས་ཤིང་ནན་ཏན་གྱིས་གནས་པར་བྱའོ།། ཤཱ་རིའི་བུ་ལོག་པར་ཞུགས་པ་རྣམས་ལ་ནི་རྗེས་སུ་མཐུན་པའི་བཟོད་པ་ཡང་མེད་དོ།། ཤཱ་རིའི
69b5 བུ་གང་ཇི་སྐད་བསྟན་པའི་ཆོས་འདི་ལ་ལོག་པར་མི་བསྒྲུབ་པ་དེ་ནི། ཆོས་འདི་ལ་ནན་ཏན་བྱེད་པ་ཞེས་བྱའོ།། ཤཱ་རིའི་བུ་བཟོད་པ་ཕུན་སུམ་ཚོགས་པའི་གང་ཟག་ནན་ཏན་ལ་གནས་པ་དག་ནི་ཕྱིར་ངན་སོང་དུ་འགྲོ་བར་མི་འགྱུར
69b6 གྱིས། མྱུར་དུ་ཆོས་འདི་ཡང་དག་པར་བསྒྲུབས་པར་འགྱུར་རོ།། དགེ་བའི་རྩ་བ་ངན་ངོན་ཙམ་ལ་ཡང་ཡིད་བསྟན་པར་མི་བྱ་སྟེ།། ཆོས་འདི་ཡོངས་སུ་མ་གྲུབ་ཀྱི་བར་དྲ་བརྩོན་པ་མི་གཏོང་བས་ཀྱང་ཡིད་བརྟན་པར་མི་བྱའོ།།
69b7 ཤཱ་རིའི་བུ་གང་ཆོས་འདི་ལ་བསླབས་པ་དང་། ཡོངས་སུ་གྲུབ་པ་དང་། བཟོད་པ་ཐོབ་པ་དེ་ནི་ཕྱིར་ངན་སོང་དུ་འགྲོ་བར་འགྱུར་བའི་ལས་མི་བྱེད་དེ།། དེ་ནི་ཕྱིར་ལེ་ལོ་དང་། འབྲིབ་ལ་རྟེན་པར་མི་འགྱུར་ཏེ།། དེ་ཕྱིར་ལྡན
69b8 པའི་འཇིགས་པ་མེད་པར་འགྱུར་རོ། ། དེ་ལྷོད་པར་ཡང་མི་འགྱུར་རོ།། དེ་ཅིའི་ཕྱིར་ཞེ་ན། ཤཱ་རིའི་བུ་དེ་ནི་ཀུན་ནས་ཉོན་མོངས་པ་དང་། རྣམ་པར་བྱང་བ་ཡོངས་སུ་ཤེས་པ་ཡིན་ནོ།། དེས་ཆོས་ཐམས་ཅད་ནི་བྱིན་ཅི་ཡོག་ལས་བྱུང་སྟེ། ཡང་དག
iiif viewer powered by OpenSeadragon
