| e-texts navigator |
| Wylie |
38b1 ན་འདོད་པའི་ཡོན་ཏན་ལྔ་དང་འབྱོར་ཅིང་ལྡན་པར་གྱུར་ཏེ། རྩེ་ཞིང་ཆར་པ་ཆེན་པོ་འབེབས་སོ།། ཀུན་དགའ་བོ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང
38b2 ཆོས་ཀྱི་ཆར་ཆེན་པོ་འབེབས་སོ། ། གང་འདི་སྲས་ཐུ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་འཇིག་རྟེན་གྱི་ཁམས་འདི་ནས་རང་རང་གི་སངས་རྒྱས་ཀྱི་ཞིང་དུ་སོང་སྟེ། ཆོས་ཀུན་འབྱུང
38b3 པ་འདི་ལ་བརྩམས་ནས། དེ་བཞིན་གཤེགས་པ་དེ་དག་གི་སྤྱན་སྔར་ཆོས་ཀྱི་ཆར་ཆེན་པོ་གཏོང་ཞིང་ཆོས་ཀྱི་ཆར་ཆེན་པོ་རབ་ཏུ་འབེབས་སོ།། ཀུན་དགའ་བོ་འདི་ལྟ་སྟེ། དཔེར་ན་ཀླུའི་རྒྱལ་པོ་རྒྱ་མཚོ་ནི་གང་གི
38b4 ཚེ་རབ་ཏུ་དགའ་བར་གྱུར་པ་དེའི་ཚེ་རང་གི་གནས་ནས་ཆར་གྱི་རྒྱན་ཆེན་པོ་འབེབས་སོ། ། གང་དག་གནས་དེ་ན་གནས་པར་གྱུར་པའི་ཀླུ་དེ་དག་གིས་ཀྱང་ཆར་གྱི་རྒྱུན་དེ་མནོས་ནས་དགའ་བར་འགྱུར་ཏེ། ཆར་གྱི་རྒྱུན
38b5 དེས་བདེ་བར་ཤེས་སོ། ། གང་དག་དེའི་བུར་གྱུར་པ་དེ་དག་ཀྱང་ཆར་གྱི་རྒྱུན་དེ་བཟོད་ཅིང་། ཆར་གྱི་རྒྱུན་དེས་མཆོག་ཏུ་དགའ་བ་འཐོབ་པོ།། དེ་ཅིའི་ཕྱིར་ཞེ་ན། ཀུན་དགའ་བོ་ཀླུ་གཞན་དག་གིས་ནི་ཆར་གྱི་རྒྱུན
38b6 དམི་བཟོད་ལ། ། ཀླུགཞན་དག་ནི་ཆར་གྱི་རྒྱུན་དེས་བདེ་བར་མི་ཤེས་ཤིང་ཆར་གྱི་རྒྱུན་དེ་དག་གིས་དགའ་བར་མི་འགྱུར་བའི་ཕྱིར་རོ།། ཀུན་དགའ་བོ་དེ་བཞིན་དུ་གང་དག་དེ་བཞིན་གཤེགས་པའི་ཆོས་དཀོན་མཆོག
38b7 ལ་ལྷག་པར་ཆགས་པ་དང་། གང་དག་དེ་བཞིན་གཤེགས་པའི་སྲས་ཀྱི་ཐུ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་བྱས་པ། བསམ་པ་རྒྱ་ཆེ་བ། ཆོས་ཟབ་མོའི་ཚུལ་ལས་ངེས་པར་སྐྱེས་པ་དེ
38b8 དག་ནི་དེ་བཞིན་གཤེགས་པའི་ཆོས་ཀྱི་ཚུལ་གྱི་ཆར་ཆེན་པོ་འདི་བཟོད་དོ། ། ཐོས་ནས་རབ་ཏུ་དགའ་ཞིང་མགུ་སྟེ་བདེ་བར་ཤེས་སོ།། ཀུན་དགའ་བོ་དེ་བཞིན་གཤེགས་པས་དོན་གྱི་དབང་འདི་ལ་བརྟེན་ཏེ། བསམ་པ
iiif viewer powered by OpenSeadragon
