| e-texts navigator |
| Wylie |
34b1 པར་འཆེར་བ་སྟེ། དེའི་ཕྱིར་ཡང་དག་པ་མ་ཡིན་པ་ལ་དམིགས་པ་ནི་སེམས་ཅན་ཞེས་བྱའོ།། དེ་དག་ནི་སྤྱོད་པ་གང་ཁོང་དུ་ཆུད་པས་བྱང་ཆུབ་སེམས་དཔའ་ཞེས་བྱ་བའི་རང་གི་སྤྱོད་པ་དེ་མི་ཤེས་ཏེ། ཡོངས
34b2 སུ་མ་རྟོགས་པས་སེམས་ཅན་ནེ་ཡང་དག་པ་མ་ཡིན་པ་ཞེས་བྱའོ། ། རབ་ཀྱི་རྩལ་གྱིས་རྣམ་པར་གནོན་པ་གང་དེ་ལྟར་ཆོས་ཁོང་དུ་ཆུད་པ་དེ་ནི་བྱང་ཆུབ་སེམས་དཔའ་ཞེས་བྱའོ།། བྱང་ཆུབ་སེམས་དཔའ་ཞེས
34b3 བྱ་བ་དེ་ནི་གང་གིས་ཆོས་ཐམས་ཅད་ཁོང་དུ་ཆུད་ཅིང་ཤེས་ལ། ། སེམས་ཅན་རྗེས་སུ་རྟོགས་པའི་ཚིག་བླ་དགས་སོ།། ཇི་ལྟར་ཤེས་ཤེ་ན། ཡང་དག་པ་མ་ཡིན་པ་དང་། མ་བྱུང་བ་དང་། ཕྱིན་ཅི་ལོག་མ་ཡིན
34b4 པར་རོ། ། ཇི་ལྟར་བྱིས་པ་སོ་སོའི་སྐྱེ་བོ་དག་གིས་བརྟགས་པ་དེ་དག་ནི་དེ་བཞིན་དུ་མ་ཡིན་ནོ།། ཇི་ལྟར་བྱིས་པ་སོ་སོའི་སྐྱེ་བོ་དག་གིས་རྙེད་པ་དེ་དག་དེ་བཞིན་དུ་མ་ཡིན་ཏེ། དེའི་ཕྱིར་བྱང་ཆུབ་སེམས་དཔའ
34b5 ཤེས་བྱའོ། ། དེ་ཅིའི་ཕྱིར་ཞེ་ན། བྱང་ཆུབ་ནི་མ་བརྟགས། རྣམ་པར་མ་བརྟགས་ཤིང་། བྱང་ཆུབ་ནི་རྣམ་པར་མ་བསྒྲུབས་ལ། མེ་དམིགས་པའི་ཕྱིར་རོ།། རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་ཤེས
34b6 པས་ནི་བྱང་ཆུབ་མ་བརྙེས་སོ། ། ཆོས་ཐམས་ཅད་ནི་མི་རྙེད་ཅིང་། ཆོས་ཐམས་ཅད་མི་དམིགས་པའི་ཕྱིར་བྱང་ཆུབ་ཅེས་བྱའོ།། དེ་ལྟ་བུ་ནི་སངས་རྒྱས་ཀྱི་བྱང་ཆུབ་ཅེས་བྱ་སྟེ། ཇི་སྐད་དུ་བརྗོད་པ་བཞིན་དུ
34b7 ནིས་ཡིན་ནོ། ། རབ་ཀྱི་རྒྱལ་གྱིས་རྣམ་པར་གནོན་པ་གང་དག་བྱང་ཆུབ་ཀྱི་ཕྱིར་སེམས་འདི་བསྐྱེད་པར་བྱའོ་ཞེས་བྱང་ཆུབ་ཏུ་སེམས་བསྐྱེད་པ་དང་། གང་དུ་བདག་གིས་སེམས་བསྐྱེད་པར་བྱ་བའི་བྱང་ཆུབ་དེ་ཡོད་དེ
34b8 ཞེས་བྱང་ཆུབ་རློམ་སེམས་སུ་བྱེད་པ་དེ་དག་ནི་བྱང་ཆུབ་སེམས་དཔའ་ཞེས་མི་བྱ་སྟེ། དེ་དག་ནི་སེམས་ཅན་སྐྱེས་པ་ཞེས་བྱའོ།། དེ་ཅིའི་ཕྱིར་ཞེ་ན། འདི་ལྟར་དེ་དག་ནི་སྐྱེ་བར་མངོན་པར་ཞེན་ཅིང་། སེམས
iiif viewer powered by OpenSeadragon
