| e-texts navigator |
| Wylie |
32a1 སེམས་ཅན་དུ་འདུ་ཤེས་རྣམ་པར་བཤིག་པས་བྱང་ཆུབ་སེམས་དཔའ་ཞེས་བྱའོ།། དེ་ཅིའི་ཕྱིར་ཞེ་ན། སེམས་ཅན་གྱི་ཁམས་ཤེས་བྱ་བ་དེ་ནི་སེམས་ཅན་མེད་པའི་ཚིག་བླ་དགས་སོ།། སེམས་ཅན་གྱི་ཁམ
32a2 མེད་པའི་ཕྱིར་སེམས་ཅན་ལ་སེམས་ཅན་མེད་དོ། ། གལ་ཏེ་སེམས་ཅན་ལ་སེམས་ཅན་ཡོད་ན་ནི་སེམས་ཅན་གྱི་ཁམས་ཤེས་མི་བྱའོ།། སེམས་ཅན་གྱི་ཁམས་ཤེས་བྱ་བ་དེ་ནི་ཁམས་མེད་པར་བསྟན་ཏེ།། ཁམས་མེད་པ
32a3 ནི་སེམས་ཅན་གྱི་ཁམས་སོ། ། གལ་ཏེ་སེམས་ཅན་གྱི་ཁམས་སེམས་ཅན་གྱི་ཁམས་སུ་གྱུར་ན་ནི་སྲོག་དེ་ལུས་དེ་ཡིན་པར་འགྱུར་རོ།། ཇི་སྟེ་སེམས་ཅན་གྱི་ཁམས་ལས་རྣམ་པར་གྲོལ་བ་ཁམས་སུ་གྱུར་ན་ནི་སྲོག་ཀྱང
32a4 གཞན། ལུས་ཀྱང་གཞན་དུ་འགྱུར་རོ།། ཁམས་མེད་པ་ནི་སེམས་ཅན་གྱི་ཁམས་ཏེ། བརྡས་ཐ་སྙད་དགས་པའི་ཚིག་ཏུ་འགྲོའོ།། སེམས་ཅན་གྱི་ཁམས་ལ་ནི་ཁམས་མེད་དེ། ཁམས་མ་ཏོགས་པར་སེམས་ཅན་གྱི
32a5 ཁམས་མེད་དོ། ། ཆོས་ཐམས་ཅད་ནི་ཁམས་མེད་པ་སྟེ། ངས་དེ་ལ་དགོངས་ནས་སེམས་ཅན་གྱི་ཁམས་ནི་གང་བའམ་བྲི་བར་ཡང་མི་མངོན་ནོ་ཞེས་བཤད་དོ།། དེ་ཅིའི་ཕྱིར་ཞེ་ན། སེམས་ཅན་གྱི་ཁམས་རབ་ཏུ
32a6 དབེན་པའི་ཕྱིར་སེམས་ཅན་གྱི་ཁམས་ནི་སེམས་ཅན་མ་ཡིན་ནོ། ། ཇི་ལྟར་སེམས་ཅན་གྱི་ཁམས་བྲི་བ་དང་། གང་བར་མི་མངོན་པར་དེ་བཞིན་དུ་ཆོས་ཐམས་ཅད་བྲི་བ་འམ། གང་བར་མི་མངོན་ནོ།། གང་དག་བྲི་བ་འམ
32a7 གང་བར་འགྱུར་བར་ཆོས་ཐམས་ཅད་ལ་ཡོངས་སུ་གྲུབ་པ་གང་ཡང་མེད་དེ། ། གང་གིས་དེ་ལྟར་ཆོས་ཐམས་ཅད་ཁོང་དུ་ཆུད་པ་དེ་ནི་སངས་རྒྱས་ཀྱི་ཆོས་ཁོང་དུ་ཆུད་པ་ཞེས་བྱ་སྟེ། ངས་འདི་ལ་དགོངས་ནས་ཇི
32a8 ལྟར་སེམས་ཅན་གྱི་ཁམས་བྲི་བའམ། གང་བར་མི་མངོན་པར་དེ་བཞིན་དུ་ཆོས་ཐམས་ཅད་ཀྱང་བྲི་བ་འམ་གང་བར་མི་མངོན་ནོ་ཞེས་བཤད་དོ།། གང་ཡང་ཡོངས་སུ་མ་གྲུབ་པའི་ཚུལ་གྱིས་ཆོས་ཐམས་ཅད་བྲི་བ་མ་ཡིན
iiif viewer powered by OpenSeadragon
