| e-texts navigator |
| Wylie |
300a1 འཛིན་གྱི་ཉི་མཐོང་། ། གཟུངས་ཀྱི་རྣམ་འགྱུར་ཀུན་ཏུ་ངན།། ཅི་བྱིར་འཇིགས་པས་འདི་དུ་ལྷགས།། དེས་སྨྲས་པ། སངས་རྒྱས་ཚིགས་བཅད་ཐོས་ནས་ནི།། བདག་གིས་ཉི་མ་མ་ན།
300a2 ལག་སོཚལ་བ་བདུན་འགས་ཤིང་།། ལན་བདེ་བ་མེད།། ཉི་མའི་མ་རྫོགས་སོ།། @རྒྱག་ས་དུ། ཙན་དྲ་ས+འུཿ། བོད་སྐད
300a3 ཟླ་བའི་མདོ། ། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་རྒྱལ་བྱེད་ཚལ་མགོན་མེད་ཟས་སྤྱན་གྱི
300a4 ཀུན་དགའ་ར་བ་ན་བཞུགས་སོ། ། དེ་ནས་དེའི་ཚེ་ལྷའི་བུ་ཟླ་བ་དང་། ལྷ་མ་ཡིན་གྱི་དབང་པོ་སྒྲ་ཅན་འཛིན་གྱིས་བཟུང་ནས། དེ་ནས་ལྷའི་བུ་ཟླ་བས་བཅོམ་ལྡན་འདས་རྗེས་སུ་དྲན་པ་ཡིད་ལ་བྱས་ཏེ།
300a5 དེའི་དུས་སུ་ཚོགས་སུ་བཅད་པ་འདི་གསོལ་ཏོ།། སངས་རྒྱས་དཔའ་བོ་དེ་ལ་འདུད།། ཐམས་ཅད་མྱུར་དུ་གྲོལ་བར་མཛོད།། བདག་འདིའི་ཁ་རུབཅུག་པས་ནི།། བདག་ནི་ཁྱེད་ལ
300a6 སྐབས་སུ་འགྲོ། ། དེ་ནས་བཅོམ་ལྡན་འདས་ཀྱིས་ལྷའི་བུ་ཟླ་བའི་ཆེད་དུ་ལྷ་མ་ཡིན་གྱི་དབང་པོ་སྒྲ་ཅན་ལ་ཚིགས་སུ་བཅད་པ་བཀའ་སྩལ་པ། སངས་རྒྱས་འཇིག་རྟེན་ལ་བརྩེ་བས།། དགྲ་བཅོམ
300a7 དེ་བཞིན་གཤེགས་པ་ལ། ། ཟླ་བ་སྐྱབས་སུ་སོང་བས་ནས།། སྒྲ་ཅན་འཛིན་གྱིས་ཟླ་བ་ཐོང་།། དེ་ནས་ལྷའི་མ་ཡིན་གྱི་དབང་པོ་སྐད་ཅན་འཛིན་གྱིས། ལྷའི་བུ་ཟླ་བ་གྲོལ་བར་བྱས་ནས
300a8 སྔར་གྱི་གཟུགས་བཞིན་དུ་གང་སུ་ཞིག་གིས་ལྷ་མ་ཡན་གྱི་དབང་པོ་ཐགས་བཟང་རིས་ཀྱི་དྲུང་དུ་སོང་ཞིང་སོང་ནས། སེམས་མི་དགའ་ཞིང་ཡི་མུག་པས་བ་སྤུ་ལངས་པར་གྱུར་པས་ཕྱོགས་གཅིག་ཏུ་འདུག་གོ།།
iiif viewer powered by OpenSeadragon
