| e-texts navigator |
| Wylie |
111b1 འཛགས། ཟད་པར་འགྱུར་བའི་དུས་ན་དེ་བཞིན་གཤེགས་པས་བསྐལ་པ་བྱེ་བ་ཁྲག་ཁྲིག་འབུས་ཕྲག་མང་པོར་ཡང་དག་པར་བསྒྲུབས་པའི་ཆོས་རིན་པོ་ཆེའི་མཛད། ཤེས་རབ་ཀྱི་ཕ་རོལ་དུ་ཕྱིན་པ་སྔོན་དུ་འཐོང
111b2 ཤེས་རབ་ཀྱི་ཕ་རོལ་དུ་ཕྱིན་པ་འབྱུང་བ་ཤེས་རབ་ཀྱི་ཕ་རོལ་དུ་ཕྱིན་པའི་གནས་འདི་གཟུང་བ་དང་། གཞན་ལ་ཡང་རྒྱ་ཆེ་ཡང་དག་པར་སྟོན་ནུས་སམ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ
111b3 སེམས་དཔའ་དེ་དག་གིས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་གིས་དེ་བཞིན་གཤེགས་པས་བསྐལ་པ་བྱེ་བ་ཁྲག་ཁྲིག་འབུམ་ཕྲག་མང་པོར་ཡང་དག་པར་བསྒྲུབས་པ་བླ་ན་མེད་པའི་ཆོས་རིན་པོ་ཆེའི་མཛོད
111b4 ཤེས་རབ་ཀྱི་ཕ་རོལ་དུ་ཕྱིན་པ་སྔོན་དུ་འགྲོ་བ་ཤེས་རབ་ཀྱི་ཕ་རོལ་དུ་ཕྱིན་པ་འབྱུང་བ་ཤེས་རབ་ཀྱི་ཕ་རོལ་དུ་ཕྱིན་པའི་གནས་འདི་གཟུང་བ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པའི་རྔོ་ཐོག་ལགས་སོ།།
111b5 བཅོམ་ལྡན་འདས་དུས་དེ་ནི་འཇིགས་པ་ཆེན་པོ་མྱ་ངན་ཆེན་པོ་མ་རུངས་པ་ཆེན་པོར་འགྱུར་ཏེ། སེམས་ཅན་ཆོས་ཀྱིས་ཕོངས་པར་འགྱུར་བའི་ལས་དང་ལྡན་པ་ཕལ་ཆེར་འབྱུང་། ལོག་པར་ཆགས་ཤིང་བརྐས་པ། ལོག་པའི
111b6 འདོད་ཆགས་ཀྱིས་ཆགས་གཆོས་མ་ལགས་པ་ལ་འདོད་ཆགས་ཀྱིས་ཆགས་པ། ཕྲག་དོག་དང་འདོད་པས་ཡོངས་སུ་ཟིན་པའི་སེམས་དང་ལྡན་པ། ཁྲོ་བ་གཏུམ་པ། བརླང་བ། བཀའ་བློ་མི་བདེ་བ། གཡོན་ཅན་མི་སྲུང་བསྐུ་ཅན། ཆོས
111b7 མ་ལགས་པ་སྤྱོད་པ་དང་། འཐབ་པ་དང་། རྩོད་པ་དང་མཚང་འབྲུ་བ་དང་། འདྲེག་པ་མང་བ་སྡོམ་པ་ལ་མི་གནས་པ། འདོད་པ་དང་། བརྐམ་པའི་ཟིལ་གྱིས་གནོན་པ། ལེ་ལོ་ཅན། བརྩོན་འགྲུས་ཆུང་བ་དྲན་པ་ཉམས་པ། ཤེས
111b8 བཞིན་ཅན་མ་ལགས་པ། གཙམ་བུ་མུ་ཅོར་སྨྲ་བ། ཁ་བར་ཅན། སྡིག་པའི་ལས་ཁོད་ནི་སྤྲད་ཅིང་འཆབ་པ། འདོད་ཆགས་དང་། ཞེ་སྡང་དང་། གཏི་མུག་ཆེ་བ། མ་རིག་པའི་སྒོ་ངའི་སྦུགས་དང་། གཏི་མུག་གི་མན་ནག་གི་ཟིལ་གྱིས
iiif viewer powered by OpenSeadragon
